Luka 21:36 - Alkawali Woiwoyi

³⁶ Fye zhin peceiye, fyei zhin aduwa n nabai n fye ɓa bwa akala fyei kunya n aɓoye vinya n lafiya yi. N nabai fye zhi n oza Nugun aba dai-dai.”

Luka 21:36 ပူးပေါင်းရင်းမြစ်များ

Matta 24:42

“Ntu ce nu fye zhi n shiri zhin, ntu ge fye ta kpe nyipyei ye lo nfye Dagayi wo ɓe lo m.

Matta 24:43

“Ngye shi eza zhin wa gu wo puwa, ntu avi ɓo nyi.

Matta 24:44

Nlo nu fye ɓa bui wahala si, fyei zhi n shiri yi ntu emi ɓeɓe ɓo.

Matta 25:13

“Ntu ce nu, fye zhi n shiri yi zhin, ntu ge fye takpe nyipyei lo ko esa, nmi ɓa jeze ɓe n cei m.

Matta 26:41

Fye ku zhi gwu na duwa zhin yi ɓe! Nto lonun, jaraba ɓa gyi fye kala. Zafun cei yelo zin, ama ayi gba kala gba-gbai lo.”

Matta 8:20

Ama Yesu a ci ge, A cam-cam nɓa bai lo, alu nɓa ma yi lo, ama Emi, Masihu, to napi lo n mi ɓa dna imihim tukwo m.

Markus 13:33

Shi fye ta kpe nyipyei yelo n na ɓeye ɓei zhin nyim, fye ku zhigwu fyei dna Mi ɓeɓe wye.

Markus 13:37

Oɓo nyi Mi gnafye, n ʼzaho-zahoi yi vinya, Fye gwu!”

Luka 1:19

Nsayi malaika ciwo ge, “Emi nu zhin Malaika Jibrailu. Mi gni n Shekwoyi abye nu cici. Ewo nu na tnumi nge ma ɓe eho aba.

Luka 18:1

Nwyihoi Yesu wa gna owa bara nabari ho n nabai wa wuɓa ge ɓa zhin aduwa cici. Har ɓa bwa amsa.

Luka 20:35

Amma aza nɓa ɓei kuka n vingwo nyi nɓa ku kunce ntuge ɓai bwa wye-wyei n anyi deyi ɓato ɓei pa mula m.

Luka 21:35

Gama kwo ɓei ɓe shi agam zhin kwa wan za nyi nu, koye ɓe da aza n anyi ye.

Atnu-tnuyi Aɓozhin 10:2

Wo ɓei zhin oza nu nwo wo Shekwoyi edna duk n wo puwayi, woi ga sadaka dai-dai, woi zhin aduwa cici.

Akorintiyi I 16:13

Fye ku zhi gu, fye ku mizhi n gaiciya ga mi, fye ku edna ya, fye ku kala dna.

Akorintiyi II 4:14

Yi kpe lo ge Shekwoyi n wo ɓei la Yesu kala n vingwo nyi, woi ɓei kuyi kala n Yesu yi, har woi ɓe n yi ɓedo n fye yi n wo aba.

Akolosiyi 4:2

Ato ɓe fye n na aduwa zhin yin, fye pmi Shekwoyi amsa, fya pa fya zhin wo godiya esa n ɓa ɓe n cei.

Atasalunikayi I 5:17

Fye zhin aduwa cici.

Timatawus II 4:5

La mi gni to wo wahala dna n ho ɓa sin ntu n Dagayi ɓo m. Gni aza je ɓe n cei n Kristi aba. To fya ɓeho n tna zhinyi n kwo kunce ha zhin.

Bitrus I 4:7

Anyi zo ɓelo esa fyewyi, ntucenu fye lace, fya zhin aduwa nubo cici.

Bitrus I 5:8

Fye zhin peceiye fya ku zhigu, ntuge shetan, ofye nuwun-yi yakwo, wo zan laɓa ngye gaba mikunyi nu woi boh, woi ye oza n wo ɓa wan wa saya.

Yohanna I 2:28

Nsaiye emi aɓi, fye ku fi n zumunta agmada n Dagayi n na bai n wa ɓe fye ku kpe nge ɓeho to lon, vinyikwo to ɓei wo fye, fyei ta n na avun yin esa n wa ɓe n cei n.

Yahuda 1:24

Nsaiye, mwa-mwa vinya n wo aba n wo zhin Shekwoyi gmanyi nyi, n wa gni yi ntu Yesu Kristi ɓonyi, e, mwa-mwa n kalayi vinya, iko vinya n ebe yi owo nya nu tunyi n kmisunyi, ɓa zhin owo nya nu tunyi n kmisunyi, ɓa zhin owo nya nu ɓai ɓo zhin owo nya nyalo-nyalo. Wo n ikoyi lo wa shifye bwa to fya taya fya miya, waɓe n fye yi ntna laifi n gyi-gyi-yi, n wo abye, mwa-mwa n kasun ci agmada nya yi, nyalo-nyalo. Amin.

YOHANNA ƁEWYEGYE 11:4

Anabi ngun aba ye nu zhin a zaitun ashinwan ngun aba, nna kandle busiyi ngun aba nɓa gni agni zhi n Shekwoyi anyi vinya nya abye nyi.

YOHANNA ƁEWYEGYE 6:17

Ntuge nyipyeyi yakwo oɓa minagyi nya n la ɓe, nyikadonu ɓa pwo kwoʼa?”

YOHANNA ƁEWYEGYE 7:9

Ndeye avun ma gye aza begye, n na ata mi aba ɓan n na abye vinya, n akniyi, n na nyitalai n gni agni zhin n esu-shinkpegye abye n kugyai, n na aje buyi kpe, n na a zunyi bwala yi shi n ɓa akun.

YOHANNA ƁEWYEGYE 8:2

Ma gye amalaika tnaba nɓa zhi Shekwoyi abye nyi, a ga ɓa a mwayi ngun tnaba.