Luka 21:28 - Alkawali Woiwoyi

²⁸ “Esanu nfya gye aɓoye ɓai zhin, to, fya ku zhi n shiri zhin sosai ntuge ofye gni-gni la wo vi-vi yi.”

Luka 21:28 ပူးပေါင်းရင်းမြစ်များ

Luka 13:11

Wa gye nyikwoza ho n dna wahala. Wo zan-zan n bmatu har aye awo cei nyimwa-nyimwa, to woi mi woi gni agni m.

Luka 21:29

Nsayi Yesu wa gnaɓa misali ye wa cige, “Fye pa shinwan ɓo n na yikwo ge gbayi nyi, ɓedo n ashiriwan aje yi.

Aromayi 8:19

Ntuge Shekwoyi anya zhin-zhin vinya zhi ɓai pmi nu, n hakuriyi, n awyetu yi nyipyei n Shekwoyi ɓei ku owo aɓi kala n fi.

Aromayi 8:23

Eyihin a Yesu viyi ko shiko nyi yi n Zafun Gyi-gyi-yi dna lo n yi mi ngye tuze eyi mwamwa nya, yi do dna n yi wye-wyei mi, a lo yi ya n na azhin-gye n wahala yi, yihin ce yi pmi nyipyei, wyi n Shekwoyi ɓei gayi eyi loloya towo aɓi nya ɓedo n nayi woi-woyi n wa zhin yi alkawali nyi, anayi n nyasan ta shan ɓa san, ɓai ta shan fin.

Afisusuyi 1:14

Owo ase-se n yi mi zhin Shekwoyi tuze nu ge, wo ɓa gayi anya vinya n wa zhin yi alkawali, Zafun ase-se n yi mi wuyi ge Shekwoyi la yi lu si, wa ɓe yi n wohin tukwo aba, dalili nyi n jesun n kwo ɓa zhin ya ci yi Shekwoyi.

Afisusuyi 4:30

Fye to wun Zafun Gyi-gyi-yi bugba yan, ntu n fye zan-zan ɓon, Fye pa ge owonu na tufye ze har nyipyeyi n gni-gni n laifi ɓei nu ncei.