17 Zaho-zahoi ɓei la ze ofye nuwuyi ntu mi ɓo.
Aza ɓei wun fye nu, ntu ge fye zhin ma nya nu. Amma eza n wa mi gni har nyalo-nyalo, wo ɓa pwo.
Aza vinya n anyi ɓo ga fye wahala ɓai wu fye ɓai wun fye nu, ntu ge fye zhin emi aza nu.
“Esa nu akpe fye aye nukwoyi, ai ga fye wahala, ai ce akata fi fye ntu ge fye zhin ma viyi nu-kwo bmiya lo.
Aza ɓei bmifye ntu ge fye zhin Ma nya nu. Ama eza n wa mi gni har esazo sa to wa na Ma ɓom, wo ɓei pwo.
Ofya dada, nfya dnagmai, n fya zai, n fya nugundo yi, ɓa ɓei gafye n tukwoda aba har ɓo wu azaho n fye.
Amma tukwoyi gmanyi nfye tukwo to ɓei kaya kwa bwi m.
Fye dagma of ye n naza ta yefye yi m, ɓai kpe fya gye ɓai da aɓo nukwoyi doho-dohoyi ntuge fye vi mi.
Fye ɓo gna fye zhin anyi nya nu, ɓo ye nfyei, ama fye to zhin anyi nyanu m, ntu ge mi la fye kni nɓa. Ce nu zhin anyi ɓai wun fye nu.
Aza n anyi ɓa ga fye wahala, ntu ge fye zhin oma nya nu, gama ɓa takpe Shekwoyi ye lo, nwa tnu nmi nyim.
Mi ku ho ɓeda ga ɓa, anyi wun ɓa nu, ntu ge ɓa to zhin anyi nya nu m, ngye shi mihin to zhin anyi nya nu nyim.
Anyi ta wun fye nu lom, ama ɓa ta ye mi lon, ntuge mi gna ge oɓa atnu-tnu zhin anukwoyi nu.
N ɓa wu wo shi wo ɓa sin, wahala nsun ntu mi ɓo.”
Shi mi kpelo ge ntu n Kristi ɓo nu nyi, bugba ta wun mi lo n ekna yi ɓon, n na agyeyi, n wahalayi, azhin n gmagma sin yi, gama esa n mi gba kala, n sahi nu n mi n kalayi.
Dna yi wye-wyeyi vinya, yi fi wahala efi nya ntu Yesu ɓo, ntuge aza ɓa gye Yesu n yi anayi fi-fi-yi.
Gama yi ta zhin eyi hin nu waʼazi m, yi zhin Yesu Kristi nu waʼazi, n wo zhin Dagayi nyi, eyihin ce yi zhin fye abara nu, ntu Yesu Kristi ɓo.
Gama n fye aba ala esa ga fye, to ge fya kpema wo kawai m, ama fya gye azhin ntu wo ɓo.
Fye dagma n na kni fye akmi ai tu fye ʼkni she fye vi Yesu, ntuge n kwa bwa fye lonu Shekwoyi Zafun ɓa ɓe fye aba n mwa-mwa yakwoyi.
Hoku wahala sin ntu mi ɓo, to hoi fa min.
