Luka 20:38 - Alkawali Woiwoyi

³⁸ Deye kwa wu ge wo zhin Shekwoyi aza wye-wyeyi nya nu. Toge aza fifiyi nya m, ntuge aza vinya ɓa n wye-wyei lo n Shekwoyi aba.”

Luka 20:38 ပူးပေါင်းရင်းမြစ်များ

Matta 22:32

‘Emi nu zhin Shekwoyi Ibrahim nya, Ishaku, n Yakubu n?’ Ntu cenu, Shekwoyi to zhin Shekwoyi aza fi-fiyi nya nu m, ama Shekwoyi aza wye-wyeyi da nya.”

Markus 12:27

“Shekwoyi ɓei gna Musa nu ge, aza deye kwo shi kwo nyi sala mwa shi ɓa ɓei fi, ɓaye n wye-wyei lo, ntuge Wo to ɓei cige, ʼMi zhin Shekwoyi aza nya n ɓa to lom! Fye ku bwi aba mwa.”

Luka 20:39

A malami ho n ɓa ɓei zhi ɓo ɓa cige, “Malam ho la ɓo dnagbe dai-dai.”

Yohanna 14:19

Esa fyewyi nɓa fwa anyi, ama mi kunsun lo nfyei, ntu ge nɓo je wye-wyeyi bwa. Fye ɓa bwa wye-wyeyi ce ngye mi.

Yohanna 6:57

Ngye shi Dada wye-wyei nya wa tnu n mi-i, mi n wye-wyei lo ntu wo ɓo. Elonu oza nwa gyi mi nayi wohin wo ɓa bwa wye-wyei ntu mi ɓo ce.

Akorintiyi II 13:4

Ewo nayi kala gbayi ɓei lafi tu n zundu, ama nsayi ye wo n wye-wyeyi lo dna n Shekwoyi iko. Eyi n yi cenyi yi gba kala gba-gbayi lo dna n nayi, shi wo ɓei gbakala, ama nsayiye yi sase n kalayi shi wo ncei nyi, n Shekwoyi ikoyi vinya n wo aɓo zhin nfye yi.

Akorintiyi II 6:16

Shekwoyi puwa ɓa gyi nugundo nwuna n ashan puwa yi a? Gama yi nabari manayi n wa ɓe yi n cei nfye zhin Shekwoyi aduwa-nyakun nu, shi Shekwoyi ku da n wohin, “Ma zhin emi puwa n ma azayi nu, ma sa-se nɓa mi, ma ze ʼɓa Shekwoyi ɓa ze ʼmi aza.”

Aibraniyi 11:16

Maimako ɓa ɓei kni agmada eshe nya nu, ntu cenu a da Shekwoyi lo.

YOHANNA ƁEWYEGYE 22:1

Wa wu mi ola gyi-gyi-yi Nuwan wye-wyeyi nya, n tna cegye dnayi n gye crystal, kwoi zhe n Shekwoyi shinkpegye, n Kugyayi.