Luka 20:16 - Alkawali Woiwoyi

¹⁶ “ ‘Ai ko zhin dole nu waɓe wa wu azeye vinya, wa ga zado ofwa ntuge ɓa zhin wo aba.’ ” Shi aza ɓei wo lonu ɓa cige, “Shekwo to ye ya zhin aɓeye pya m”.

Luka 20:16 ပူးပေါင်းရင်းမြစ်များ

Matta 21:34

“Shi ajemwinyi ɓi sa ɓo lasi, wa tnu waza ge ɓa lo ɓa gwo nya ɓewo cei, nkwo ɓa si wo.

Matta 21:41

A Yahudawayi atukwoda cige, “Wo ɓei wu aza nukwoi ntna sun-sun gye, woi pmi wa la fwa wa ga azado, n ɓa ɓa gba wo ntna sa wunya yi.”

Matta 22:7

“Minagyi a gyi ʼsu yi wa tnu n wa sojayi, ɓa lo ɓa ku azayi wu nɓa ɓo wu waza nyi, ɓa ku ɓa ezhi kpe ʼna.

Markus 12:9

“Fye gye ge ofwa dagayi ɓa zhin wuna n sanu wa wo ɓo kwa zhan? Wo ɓa ɓe wa wu ɓa vinya wa ga of wa yi na zado akun.

Luka 19:27

To, emi anuwuyi ye nɓa to cei pma ge ma gyibe tu nɓa tukwo nyi m, fye ɓe n ɓai fya wu ɓa zhiya.”

Luka 20:15

Ntucenu ɓa wan wo ɓa shewoya shi n of-wagbe ɓa wun wo. Nsayi Yesu wa nyaɓa ge, ‘To Maigida ye ɓa zhin kni nu n akodogodayeʼa?

Atnu-tnuyi Aɓozhin 13:46

Bulus n Barnaba yi kuwa ɓa cige, “Kwo yi zhin dole nu ya ɓe fya ba a Yahudiyi n nabari manayi. Amma n saiye fye la yi ɓo na, fye ta ye yi ɓeda lo m. Ntu cenu yi lo abyedo aba nu.”

Aromayi 11:1

Ma nya ɓo, Shekwoyi ku owo aza a Yahudiyi yanu? Awo, ko fye wyi, Fye pa ge mi zhin Yahudiyi nu n mihin, Ibrahim yawyi n Banyami bye.

Aromayi 11:11

Kwa wunu, nge Shekwoyi ku owo aza ya har abada? Awo, Owo nufi n na bai abyedo ɓa bwa pwopwo. N na bai ɓa Yahudiyi ɓa wo she ɓa ya Shekwoyi gni-gni zanshin ga ɓahin.

Aromayi 3:31

Shi kwo wu lo nu nyi, ta gye yi ɓa ku awyidna ze gboloyi n? Nge awo, awyidna ze gboloyi n? Nge awo, awyidna nɓa apmayi lo.

Aromayi 3:4

Aʼa, ko shi kwo nyi aza vinya n na anyi zhin aza kata nu, Shekwoyi to zhin zakatan nun. Ho pa enya lo n litafi n Zaburada n deye tukwo? Shekwoyi ɓeda ta shan don, ci-ci kwo zhin gaiciya nu. Ko nyikadonu nu na nya ɓa ɓo.

Aromayi 3:6

Shekwo sauka. Kni Shekwoyi pya nu to woi ta laifin ma? Wo ɓa zun oza kni n wu na?

Aromayi 6:15

Kwo wunu ge yi ɓa gyi abye n ɓenukwoyi zhin yi to ya gye yi anuwan n kwo ɓeyin? (Ntuge eyi gni-gni to lo n ge sai ya shi awyidna bwanun, ama Shekwoyi alheri nu), awo.

Aromayi 6:2

Awo, yiɓa gyi abye n laifi zhinyi to kwoi zhin dole nu? Ntuge aɓei la laifi iko bmaya n yi tukwo, sanu n yi ɓe ze a Yesu viyi nyi, a zhin yi baptisma ya ze gmanyi n Yesu yi, ntu nwo efi ɓo, aɓei la ofye nanyi laifi zhin nya iko bmaya.

Aromayi 7:13

Ama kwo ɓa ze nwuna? Owa nu to bwi min? Kwo ɓa ze manayi n wuna? Awo, laifi nu. Nya kasa–nu ɓei zhin apma n nyai n kwo bmiya, kwa zun mi kni ntu lonu fye gye, kwo zhin nya kasa nya nukwoyi. Ntu ge kwo zhin apma n Shekwoyi owa manayi kwa nu kwo ɓeye.

Aromayi 7:7

To, mi wu nu nge Shekwoyi owa zhin nukwoi nu? Awo, owa to zhin nyanukwoyi nun, owa nu ɓei wumi omi laifi, mi to ɓei ɓa kpe laifi ye n kwo dna n mi bugban, aɓo pwa wo nukwoi n ɓa ɓe fi n mi bugba min, to owai a gna n ge, “To wo aɓo nukwoi shakpe n ho bugba min.”

Aromayi 9:14

Shekwoyi ɓei zhin ɓenukwoyi nu? Awo.

Akorintiyi I 6:15

Fye ta kpelo ge efye nayi zhin gmanyi nu n Yesu nya yim? To miɓa la Kristi nayi ma ɓe ko do n Karuwa nya yi? Ko fye-fye!

Agalatiyayi 2:17

“Ama kni nu ɓa zhin eyi gaiciyaga, n Kristi to gni yin ma, sai a zhin yi kaciya ya shi a Yahudiyi awyidna bwa? Yi ta cige gaiciya ga n Yesu kuyi zhin agman? Shekwoyi to ye oza zhin nubo lonu, tu n yi Dagayi tukwon.

Agalatiyayi 3:21

To, Shekwoyi awyidna nwo alkawaliyi ɓa zhin gaba lo n na ajei nu? Awo, kwo to wolo nun. Yi ɓei gna yi ɓa bwa gni-gni n na awyidna bwashi ɓo, Shekwoyi to ɓei ɓa shan zokwo do ga n kwo ɓa gni yi n laifi akun. Ntuge littafi ku da ge, yi zhin laifi afyenu nu vinya. Zokwo gmanyi n yi ɓa kun nkwo, okwonu zhin gaiciya ga n Yesu Kristi. Zokwo pwo-pwo nya guya gni lo ntu oza ɓo n wo ɓa ga gaiciya.

Agalatiyayi 6:14

Nmi aba dai Shekwoyi kiyaye ma mwa mihin tukwo, sai dai dna Dagayi Yesu Kristi zundu mi. Ntu ge n zundu aba nu emi shakpe anyi da nya ɓei la duya tunyi n sapa, anyi ɓoda n kwo dna-mi nyi ɓola fi.