Luka 19:47 - Alkawali Woiwoyi

⁴⁷ Yesu kwa wawu ɓa nya dna n aduwa nyakun fyegyi-fyegyi. A prist dnagmayi kwa ɓedo n amalemi a Yahudawa nyai ɓedo n na tukwoda yi ɓeye ntuge ɓa wu wo.

Luka 19:47 ပူးပေါင်းရင်းမြစ်များ

Matta 21:23

Shi wo ɓo la jeze lo aduwa-nyakun, woi wu nya, a pirist dnagmai, na Yahudawayi a tukwo dayi, ɓa ɓe waba ɓai ye ɓa kpe za wo ɓo ga wo iko wa nya agnikwo gni yi ya na duwa-nyakun nyi.

Matta 26:55

Yesu wa daɓo naza begye yi Wa gna, “Mi zhin zajeyi nu fyei ɓe mi aba, n na kun kaya yi shi fya kpe Mi wan? Mʼbei zhin Miyi wu nya cici dna na duwa nyakun, ama to fya wan Mi m.

Markus 11:18

She a pirist na Yahudawayi tukwodayi ɓei wo nya Wa zhin, ɓa ya shiri zhin she ɓa ba wan Wo. Oɓa wahala gmanyi nu ɓa ɓo wo gyikici dna. Ntu ge aza ɓei n ɓahin yi gagayi da Yesu nya wu ɓo.

Markus 12:12

A Yahudawa tukwoda ye ɓa wan Wo ntu na ʼnyi ɓesisi ye ɓo. Ɓa ɓei ku kpe ge Wo da ga ɓa nu, ɓan ɓei zhin afwayi anukwoyi dna Wo ɓesisi. Ama ɓa ku wo dna n Wo bwatoyi ntu na ʼza ɓo, ntu ce nu ɓa fwa Wo ɓa lo ɓa nya.

Markus 14:1

Paska zhin sa ɓei ce anyi, pyei ngnu aba agmada n na Yahudawayi zhin eyeye, ɓai gyi bredi n tna yist fiyi. A malami adna gmayi n na Yahudawayi atukwoda yi, ɓa ɓei zan zokwo shin shi ɓa ɓa wan Yesu fye-a ɓa wu wo.

Markus 14:49

Knihin nu ɓo zhin to fya wan Mi dna na duwa nyaknu ma? Mi ɓei dna ɓo Miyi wu nya fyegyi-fyegyi. Ama aɓeye zhin n na bai ɓa nu alɓeda n na ɓei da tu Mi tukwo nu.”

Luka 19:48

Amma to ɓa kpe shi ɓa ɓa zhin-zhin n wu m, ntuge aza ɓei kna owo ɓeda tnubua sosai, har to ɓai ye ge owo ɓeda gmanyi kwo zun ɓa tnubua gnana m.

Luka 20:19

A pirist dnagmai ɓedo n amalami ɓei cei pma ntuge ɓa wan wo, gni nu abayi ntuge ɓa ɓei cei kpe ge aɓo vinya n Yesu ɓei da nyi, wo ɓei datu n ɓa tukwo nu. Amma ɓa wo aza dna n mwa.

Yohanna 10:39

Ɓa ɓei ye ɓa wan wo njesun, ama wa busiya.

Yohanna 18:20

Yesu wa dna ɓegbe wa ci ge, “Aza kpe mi nyawu ɓeye lo vinya, Ma ku waʼazi zhin dna nna duwa-nyakun, a Yahudiyi atukwoda ɓai wo. Mi to wu nyaho n vim, ma wu kwo pei-pei nu.

Yohanna 7:19

Musa to ɓo ga fye awyidnan? Zaho tolo n wo shi ɓa bwa lo nfyem. Knihi nu zhin fyei ye fya wu miʼa?”

Yohanna 7:44

Azaho ɓai ye ɓa wan Wo, ama zaho-zahoi to ɓo to wo bwam.