Luka 19:38 - Alkawali Woiwoyi

³⁸ Ɓai cige, “Shekwoyi wo tu esu ye anabarka n wo ɓe dna n Dagayi eye nyi. Bugbafu lo n she ɓedo n mwa-mwai n Shekwoyi aba.”

Luka 19:38 ပူးပေါင်းရင်းမြစ်များ

Matta 2:2

“A Yahudawayi esu gni-na nna ma nyia? Ntuge yi ku gye owo kpasu n nyipyeyi kpe bwa, ya ɓe ya ga wo mwa-mwa nu.”

Matta 21:9

Aza-yezhi nɓa ɓo gyi nabye, naza yi ɓa-ɓo nyi navun, ɓa la begye tu ɓai gna, “Shekwoyi tu Osu Dauda Nugun anabarka.” “La wo tu! Shekwoyi ‘Za la ɓe,’ Tu wo anabarka, Dagayi!”

Matta 25:34

“Emihin Esu mi ɓo gna aza nɓa zhi nmi bwaizhe ge, Fye ɓe anabarka da emi Dada nya, fya lo ebe mi na ɓo zhin shiri ntu fye ɓo tunyi to ai zhin anyi nyi m.

Matta 25:40

“Emi, Esu nɓo gna ɓage, esa nu fye ɓo zhin mi azaje n cei lo nyi, fye ɓo zhin mi nu.

Luka 13:35

To naiye, mila fye puwa yashi fye, Fye ta shan mi wye gye njesun m, akpege fya ci ge, “Sanu n ɓei ga oza n wo ɓe dna Shekwoyi ye nyi.”

Aromayi 5:1

Ntu lonu, nsayi ye shi aku yi ze abefyecezhin yi n Shekwoyi abye nyi, ntu yi gaiciya ga ɓo n wo alkawali. Yi ɓa bwa bugba fu hin-hin nsaiyi ntu n ɓo n Yesu Kristi eyi Dagayi ku zhin ga yi nyi.

Afisusuyi 1:12

Shekwoyi ɓeye vinya kwonu ge ya la Shekwoyi tu, ya gawo mwa-mwa ntu n na aɓo a yakwo ye nwa zhin yi nyi, n yi zhin aza kmisunyi n ɓa ga Kristi gaiciya nyi.

Afisusuyi 1:6

Mwa-mwa n Shekwoyi aba ntu n wo alheri ɓo n wo ye-yei nwa zeya puyi, ntuge yi zhin owo Nugun ye-ye yi aɓi nu.

Afisusuyi 3:10

Ntu kniɓeyi a? Ntu ge wa wu abegyi yi n anyi bmana shi wo cecei, esa nu n agye owo aɓi a Yahudiyi n abyedo yi n ɓedo fi n wo ikklisiya.

Afisusuyi 3:21

Fye gawo mwa-mwa nyalo-nyalo ntu n wo shiri gni-gni nya ɓo, ntu ikklisiya ɓo dna n Yesu Kristi.

Akolosiyi 1:20

Ntu n nya ɓo nu n wo Nugun a zhin, Shekwoyi wo fin zokwo ya nyaho-nyahoi kwa ɓeda wo. Anya vinya n esbe n ekni yi, gama Kristi efi tu zundu kwo na ɓe n jedoɓe yi n Shekwoyi.

Timatawus I 1:17

Latu n mwamwayi ɓa zhin Shekwoyi nya nu nyalo-nyalo Amin. Wo nu zhin Esu esa vinya nya, n na ta gye won, woi ta shan fin, owonu zhin Shekwoyi gmanyi, n nunuyi n ɓeyekpeyi. Amin.

Bitrus I 1:12

Aku gna ɓa ge aɓeye ta zhin n ɓa wye-wyeyi sa nun, ama nna aye begye avun nu. Nsaiye aku Nabari Manayi ye wuyi pei-pei, Aɓei zhinyi kwo waʼazi dna n iko Zafun Gyi-gyi-yi nya n wo gmi n ʼshe, n wo ɓei da ɓo n ɓai nyi kwo zhin oɓo wo-woyi nu, oɓo agmada nya njesun, ntuge har amalaika ma ɓa cei pma lo ɓa kpe ɓeye awyega.