Luka 18:13 - Alkawali Woiwoyi

¹³ “Amma godu gwoyi wa gni n kpayi, to wa ye ge wa zhin aɓokwo m. Amma wa lu agu n bugbawun yi, wa cige, ‘Shekwoyi, gye mi sun-sun gama mi zhin laifi da nu.’

Luka 18:13 ပူးပေါင်းရင်းမြစ်များ

Matta 6:5

Ntu aduwa zhin ɓo, esa fya zhin aduwa, fye to zhin ngye a kwoce dnayin. Ɓa nu n a zhin aduwa na zokwo n aduwa nyakun yi, ntu ge aza gye ɓa. Gaiciya, oɓa lada nu n ɓa ɓa bwa gwo.

Matta 9:13

Fye lo fye zan aya ye awyega shin, ‘Mi ta ye sadaka lo n na nyaga yim, Mi ye fya ze asun-sun gye yi.’ Ma ɓe, ntu ge ma yi alaifi da ɓa ɓe Shekwoyi aba to ge aza n ɓa yi ɓahin ge aɓe-fyeceyi m.”

Markus 11:25

“Ama sanu fye zhin aduwa, zhin eza n ho woi shi bugba gafara nnabai efye Dada n Wo tu she nyi Wa zhin fye laifi gafara ce.”

Luka 17:12

Sanu ɓa ɓei lo ezhi ho, akuturu ɓa kune ngun awo ɓa ku zhi n kpai.

Luka 22:41

Nsayi wa lo n kpai fyewyi wa ce akwo-kwo, wa zhin aduwa wacige,

Luka 23:48

Shi aza nɓa ɓei yezhi ɓo ɓai gye nya nkwa zhin vinya, ɓa jeze lo api n bugba wun yi.

Luka 5:8

She Siman Bitrus ɓei gye ɓo kwa zhin, wa ce ako-ko shi n Yesu aba wa cige, “Dagayi, fa yi ha lo ho nya mito kunce lo ma gni n ho aba m.”

Atnu-tnuyi Aɓozhin 2:37

Bitrus ɓeda ɓo ku lo aza sosai. Har ɓa gna, “eyi azaje, yi ɓa zhin wuna?”

Aromayi 5:8

Ama, Shekwoyi wa wuyi owo yeye shiwa tnu n Kristi yi, wa fi tu n yi ɓo, tunyi yi ye zhin a laifi da.

Akorintiyi II 7:11

Fye gye nya n bugba-wun nkwo gmi n Shekwoyi aba, nku zhin ga fye. Kowi zhin fye, fye ku ze aza gaiciya da, aɓefyece-viyi, fyei zhin atna fya fa laifi nma ka fye nkwo tukwo nyi. Fya wodna nɓei nkwo ɓei zhin nyi, ai wo fye ngye mi ɓe ma bma fye zhin. Fye la kni, fyei la fyehin kun n laifi, shi fya ye fyei ta laifi-da, fye ku ɓo zhin nkwo bmiya.

Timatawus I 1:15

Kwo zhin gaiciya nu, mi n cei pma lo aza vinya ɓa kpe ce ye, n ge Kristi Yesu wa ɓe anyi mi wa gni alaifi da, omi yi nu zhin oɓa esu.

Aibraniyi 4:16

Ntu cenu yi ku kala ya zhin aduwa, ga Shekwoyi. Yi ɓa bwa sun-sun gye. Yi ɓa bwa alheri kwa bma yi zhin esa nu ya gyisan ncei.

Aibraniyi 8:12

Mi ɓei gye ɓa sun-sun dna nɓa aba bwi, mi ɓei ku ɓa laifi zamwi.”