Luka 17:30 - Alkawali Woiwoyi

³⁰ Eh, aza ɓei laɓa lonu nu, har esa mi ɓa jezeɓe n cei nyi.

Luka 17:30 ပူးပေါင်းရင်းမြစ်များ

Matta 16:27

Ntuge Emi, Zanugun, ɓaɓe n ma malaikayi dna latu Emi Dada nya, miye da zaho-zahoi owa shi wa zhan ɓo wu.

Matta 24:3

Esa wo ɓo sase tu n Zaitun pe, ewo abara ɓa nyawo ge, aɓo deye ɓo zhin n knisayi ya? Knihi nu ɓo zhin ya kpe ge ho jeze ɓo lo, anyi ku ga zoʼa?

Matta 24:37

“Aza ɓo dagma ɓai zhin buki ɓai pa mula, ngye shi ko ɓei zhin n Nuhu ʼsa ogma dnagmanyi kwa kpe zhi nyi.

Matta 24:39

Aza to ɓo ga gaiciya ge, ɓoho ɓa zhin m har esa ogma ɓo ɓe kwa ku ɓa wu vinya. Elo nu emi ɓeɓe ɓa ze.

Matta 26:64

Yesu wa ye wo ge “E, emi nu. N nabye deye fye ɓei gye Mi, Eza Nugun, n sase tu n Shekwoyi bwai zhe bwa, Miyi jeze ɓe njesun dna nanyi nɓa kpe nshe nyi.”

Markus 13:26

“Nsayi anyi vinya ɓei gye Mi wye, Kristi, Mi yi ɓe dna iko dnagmayi n latuyi ɓe.

Luka 17:24

Gama sanu mi ɓei jezee fye ɓei kpe sosai. Ko ɓei wu n gye ogma bmiya nu. N kwo zhin kwa bmiya n she nyi.

Luka 17:29

Har wyi Lot ɓo fa Sodoma nyi. Nsayi ena kun n she kwa gyi ɓa vinya.

Luka 21:22

Gama anyipyei ye ɓanu zhin anyipye yi ta-ta nya, n nabai lit-tafi ɓeda kwa nu.

Luka 21:27

N anya deye avun vinya nsayi oza Nugun wato Kristi wo ɓe dna n anyi n iko yi.

Akorintiyi I 1:7

Fye la alheri doho-dohoi bwa nna anabarka yi n sayi; zafun nyaga doho-dohoi n iko yi fya zhin Wo ɓeye, ɓa zhin fye nya nu dna saye n na zhi ai pmi eyi Dagayi Yesu Kristi Jezeɓe nyi.

Akorintiyi I 1:8

Wo la ye har nyalonyalo ayi fye aza kni-kni-yi, tna laifi n ɓenukwoi yi dna Wo nyipyei jezezhi nya.

Akolosiyi 3:4

Esa n Kristi nwo zhin eyi wye-wyeyi hin-hin, wa jezeɓe fye ɓei bmiya na fyei bwa owo mwa-mwa.

Atasalunikayi II 1:7

Ntuce nu nɓa gnafye, nfye sin wahala nyi Shekwoyi ɓa gafye sunlsun n gnisun n yi, esa Dagayi Yesu ɓa ɓe, esa n Yesu ɓa kashi ɓe n eshe, to yi dna cem, ɓedo n wo amalaika iko nya yi.

Bitrus I 1:13

Ntucenu fye ku fyehin wan shi, fya pmi n na wye tuyi tu n Shekwoyi alheri nkwo ɓe fya ba lo, esa n Yesu Kristi ɓa jezeɓe cei nyi.

Bitrus I 1:7

A wahala ye ɓe da fye ntuge, a mwi fye gaiciya ga gye nu, agye kwo kwo n kalayi lo, n gyi-gyi-yi, a mwi kwo gye shi ena zhin kwo mwi zinariya gye nyi kwa zhan kwo ya, ofye gaiciya ga du zinariya lo n latu n Shekwoyi aba, ntu cenu n fye gaiciya ga migni n kalayi n kwo mutu, avun, dna n wahala abednai, kwo ɓa ɓe fye n ci-ci yi, n mwa-mwayi, n latuyi ewyi n Yesu Kristi ɓei jezeɓe nyi.

Bitrus I 4:13

Ama ada fye dada nu ntuge awahalaye ɓa ze fye gmanyi n Kristi yi dna n wo wahala, n na vun fye ɓei bwa agmada yakwo dna nwo latu n kwo ɓelo nyi.

Yohanna I 2:28

Nsaiye emi aɓi, fye ku fi n zumunta agmada n Dagayi n na bai n wa ɓe fye ku kpe nge ɓeho to lon, vinyikwo to ɓei wo fye, fyei ta n na avun yin esa n wa ɓe n cei n.

Yohanna I 3:2

E, omi anugundo, yi zhin Shekwoyi aɓinu nsaiye, yi ta mi ya kpe enya ye nkwo ɓe lon, ama yi kpe lo ge, esa, n wa ɓe n cei yi ɓa wu ngye wo, ntuge yi ɓei gyewo shi wo wu.

YOHANNA ƁEWYEGYE 1:7

Gyewye, wo zhilo, n na anyi yi shewo gun, awye vinya ɓa gyewo, e, aza nɓa ɓei fin wo eshanyi, Akni vinya ɓei cibwi ɓai wun bugba esa nwa ɓe ncei. E, Amin, ko ze nlonu.