Luka 17:16 - Alkawali Woiwoyi

¹⁶ Wa miyazhi n Yesu aba woi zhin wo godiya, ntuge ɓo Yesu ɓo zhin wo nyi. Zeye kwa ɓei zhin Samariya za nu.

Luka 17:16 ပူးပေါင်းရင်းမြစ်များ

Matta 10:5

Yesu wa tnu ɓa wa gaɓa gbe ge, “Fye to lo abyedo aba kwo a Samariyayi aba m.

Matta 2:11

Shi ɓa ɓei lo nyakun mi ɓa gye eɓi n wo ʼya yi Maryamu, ɓa ya zhi ɓa ga wo mwa-mwa. Ɓa gu oɓa nyabwa ya, ɓa ga wo cauta, zinali, n tulale yi ɓedo n emi sundayi yi.

Markus 5:33

Nyikwo-za ho, shi wo ɓei gye ɓo kwa zhin wo, wa ɓe n dnayi, woi vin, wa cakwo-kwo shin Wa bye wa gna Wo ɓo wa zhin.

Luka 17:17

Yesu wa nya wo ge, “Mi to kafye gna ofye awo nu m? Azaje zhi n na?

Luka 5:8

She Siman Bitrus ɓei gye ɓo kwa zhin, wa ce ako-ko shi n Yesu aba wa cige, “Dagayi, fa yi ha lo ho nya mito kunce lo ma gni n ho aba m.”

Yohanna 4:9

Nyikoza hi wa gna Yesu ge, knihi na ye yi ɓedoʼa? Ho zhin Yahudiyi nu, ama mi zhin Samariyaiʼza nu, Knihi nu zhin hoi nya mi nuwan ɓoʼa? (Nsayi, a Yahudiyi to ɓei bmiya jem n na Samariyayi n ba.)

Yohanna 5:23

Ntuge aza vinya ɓa ga Nugun mwa-mwa, ngye shi ɓa ga Dada. Nfye to ye fya ga Shekwoyi Nugun mwa-mwa n wa tnu mwoi nyim, agye fye ta ga Dada mwa-mwa lo n.

Yohanna 8:48

A Yahudiyi ɓa gna ge, Ai yi ku gaiciya da ge, Ho zhin Samariya yi zanu, Hoi nna aljanuyi lo?

Atnu-tnuyi Aɓozhin 1:8

Ama Zafun Gyi-gyi-yi ɓei ga fye iko esa n wa ɓe ncei, fye da mi nabari dna n Urishelima n Yahudiya yi n Samariya yi n na bai vinya. Fye da ʼmi kala-la ɓo n vingwo.

Akorintiyi I 14:25

Owa ɓenubozhin ɓa kun zhi n bmi, har wo ɓa ce ako-ko wa ga Shekwoyi mwa-mwa woi cige, “Ɓehin-hin, Shekwoyi dnalo ya n fye atasin.”

YOHANNA ƁEWYEGYE 19:10

Ma yashi nwo apita ma ga wo mwa-mwa, ama wa gna, lafa to zhin. “Gama mi zhin Shekwoyi fyenu nu n gye ho ce, n ho azajei a Yesu viyi, n ɓa zhin seida n ɓa gaiciya gayi n Yesu nyi.” Delili anabci ye nya vinya, n na ɓoi n ma wu ho nyi, ɓa zhin seida nu tu n Yesu tukwo.

YOHANNA ƁEWYEGYE 4:10

A tukwoda shiba cei anyi ye, ɓa miya zhi n wo abye ɓa gawo mwa-mwa, wye-wyeida nyalo-nyalo nya ɓa ya oɓa a rawani zhi n wo abye, ɓai kwo anyi ɓai cige.

YOHANNA ƁEWYEGYE 5:14

Awye-wyeyi da ɓai ci ge, Amin. A tukwodayi shiba cei anyi ɓai yazhi nwo abye ɓai ga wo mwamwa.