Luka 12:45 - Alkawali Woiwoyi

⁴⁵ “Amma n zayiʼa cige, ‘emi dagayi tajezeɓe n pye m.’ Wa ceba wa lu aza, na gnawo ge wo bma zhin nyi, n jesun woi wun esaya n ajesin ba woi sin je.

Luka 12:45 ပူးပေါင်းရင်းမြစ်များ

Matta 22:6

Azaho ɓa wan tnu-tnu da yi ɓa lu, ɓa dna ɓa vinyikwo har a kwa zaho wu.

Luka 12:46

To owo dagayi ɓei zhi to woi kpe m, woi shin wo ya n aba manayi woi lo n woi n naba kwo to bmiya ngye deyi m.

Luka 21:34

“Fye zhin peceiye, Fye to fa agmada n jesin yi har ɓedo n damuwa anyi nya ɓa ku fye gnagna m, kada nyipye yi ɓei ɓe to fyei dna ce m.

Yohanna 2:10

Wa ci wo ge, “Nyasin-sinyi ye dalo sosai. Knihin nu na zhin ai ɓei n deyeyi so shi a? Azaje zhin ɓa ɓe n nyasin-sinyi manayi nu na bye. N kwa ku zo, a kma ɓe n nukwoyi yi.”

Atnu-tnuyi Aɓozhin 2:18

Emi Zafun Gyi-gyi-yi, ɓa ɓe tu emi abara anugbayi n anyikwoyi tukwo, ɓa ɓo zhin anabci.

Aromayi 16:18

A zayi pya ta zhin tnu-tnu ga eyi Dagayi Yesu nun, ama ɓaye gyiba ga ɓahin nu. Ɓa zhin a ɓeda kpedayi nu, aza nɓato ceceyin, ɓata wo ɓa kwoce dnan.

Atasalunikayi I 5:7

Sukwo zhin gyewan sanu, n esai n aza sin eje, kwo zhin ɓa.

Bitrus II 2:13

Lada nyi n na malami ye ɓei gwo ntu ɓa laifi ɓo. Ntuge ɓa sase fi nanyi da nukwoi fyegyi-fyegyi, ɓa zhin a vinyikwo nya nu n na aci gusai n fyaba, ɓa dna fye kwoce, ɓai sasefi n na laifi nukwoi n sahoi, har ɓai lofi nfya gmada ye-ye nya ngyeɓa zhin aza manayi.

Bitrus II 2:19

Ɓai ci ge, “Ata gnifye ntu ɓemanai zhin ɓo nun, ntu cenu fye ɓa mi fya zhin ɓenukwoi ɓedo, fye zhin ɓo kwo dafye, fye la bugba leya.” Ama a malamiye n ɓa ga fye loloya n owa nyi, n ɓahin tukwo ɓa pa-pai lo n zhin alaifi fyenu, n bwibwi. Ntuge oza zhin enya fyenu nu nkwo woi wan shi.

YOHANNA ƁEWYEGYE 16:6

Gama aku ho aza gyi-gyi-yi n anabi yi wu ai ze oɓa ami ya fi n anyi, nsaiye, n kasun ho ka aza ami zeya nɓa ɓei wu Banyi, oɓa lada nu n kwo kunce n ɓai”.

YOHANNA ƁEWYEGYE 18:24

Anabi n aza gyi-gyi-yi vinya n na aɓei wu ɓanyi, oɓa ami tulo n wo tukwo.”