Luka 11:13 - Alkawali Woiwoyi

¹³ “Ngye alaifi da zhin ɓa ga oɓa ɓi enya nɓa ye, ai ofye Dada n wo tu she nyi ɓa zhin lo nu ce, har wa ga aza n ɓa vi wo nyi Zafun Gyi-gyi-yi.”

Luka 11:13 ပူးပေါင်းရင်းမြစ်များ

Matta 5:45

N fya zhin lo nu, kwo ɓa wu ge fye nu zhin aɓi a gaiciy da, efye Dada nya n wo dna n ʼshe nyi. Ntu ge wo zhin wa ga nyipyei buzangna n na za manayi aba ɓedo na za nukwoyi yi, wa je ɓa tnu n gmayi n na ba gmanyi.

Matta 6:14

Efye Dada n wo dna eshe nyi wo ɓa zhin fye gafara ndei fya zhin azaje gafara, ama n fye to ye ɓa gafara zhin ɓo m, wohin ta zhin fye m.

Matta 6:30

Ndei Shekwoyi lura na mamayi n sun lo nu, oɓa nu n ɓa lo naiye nsu ɓai zo, wo ta gna lura n fyei nu, o aza agaiciya ga gba-gbayi da?

Matta 7:11

Ndei efye abugba kala-kpeyi, a laifi da, fye kpe shi fye ɓa ga efye aɓi anya manayi. To fya ku gna kpe ge, efye dada Shekwoyi ɓa ga aza anya manayi na nya wo nyin?

Luka 11:12

“N wa nya ezhe ɓo, fye zhin fya gawo napisi? Awo.

Luka 11:2

Aduwa yi nyi n wo ɓei wu ɓa nyi. “Dada, ala ohoye tu ntuge kwo gyi-gyi yi lo. Ha tnu nho bemi safyewyi.

Yohanna 4:10

Yesu wa gna wo ge, “Ho takpe Shekwoyi nyaga ye lom, hoi takpe mi ye lon. Ho ɓo kpe ye lo, hoi kpe oza ye nwo nya nuwan ɓo nyi, wo ga ho nuwan wye-wyeyi nya.”

Atnu-tnuyi Aɓozhin 2:38

Bitrus wa gna, “Fye fa alaifi, fya yi Shekwoyi a zhin fye baptisma dna Kristi ye.

Aromayi 5:17

Zaknayi laifi Adamu, kwo la zhin esu tu n na aza tukwo vinya, ama oza n wa gwo Shekwoyi cauta, gafara zhin n lo-lo, ɓaku zhin wye-wyeyi asu ntu zaknanyi ɓo, Yesu Kristi.

Aromayi 7:18

Mi kpelo nge mi la bwo n mi nai kwo-kwoyi, kwo n miya pmi lo n kni bwai nuʼa, mi ta mi ma zhin mihin ma zhin ɓe manan, mi n cei pmalo ama mita min.

Aromayi 8:32

Tunda wo to kni wo Nugun gnin, ama wa gawo ntu yi ɓo vinya, wota gayi anya vinya ngnisun nwoyin?

Titus 3:3

N sapa yi ɓei zhin aza mama n tna cei, yi kwo tukwo agnana. Aza ɓei dna yi woice ya ku ze afyenu aɓewyeda nya n shakpe nukwoyi nya yi, eyi awye-wyeyi ɓei wun azanu ɓahin ɓai wunyi nu.