Luka 1:6 - Alkawali Woiwoyi

⁶ Zakaria n Alizabatu yi ɓei zhin aza manayi nu. Ɓa ɓei n zafun manayin njesun ɓai zhin aɓo manayi.

Luka 1:6 ပူးပေါင်းရင်းမြစ်များ

Luka 1:7

Amma ɓa to ɓei ni yi m, gama Alizabatu ɓei zhin lama nu. Nsayi kwa ɓai ku ze azakwoyi.

Luka 16:15

Nsayi Yesu wa ciɓa ge, Fye zhin aɓo ngye aza manayi, har ai ga fye mwa-mwa, amma Shekwoyi kpe fya bugba nukwoyiye lo. Ntu ge oɓo nkwo zhin ngye ɓemanayi nna zaba kwo zhin laifi nu n Shekwoyi aba.

Luka 2:25

Nwyihi kwa ozaho ai yi wo ge Simon n dna n Urushelima wa ɓe aduwa nyakun. Wo ɓei zhin oza manayi nu, woi wo Shekwoyi dna n nu-nuyi n zafun yi woi pmi Yesu ɓeɓe dna anyi.

Atnu-tnuyi Aɓozhin 2:25

“Esu Dawuda ɓo da Yesu ɓeda wa gna, ‘Mi kpe lo Dagayi kunsun n miyi cici, woi bma mi zhin. Iko Shekwoyi nya koi ce mi bwa.

Atnu-tnuyi Aɓozhin 23:1

Shi Bulus ɓo gni a shaula zhinyi abye wa gna, Omi azaje, mi ku zan-zan n Shekwoyi abye cici n bugba manayi yi.

Atnu-tnuyi Aɓozhin 24:16

Ntu aɓo deye ɓo mi zhin atna n mi akala yi vinya, ma zhin ɓo ko bmiya n Shekwoyi abye, na za yi.

Atnu-tnuyi Aɓozhin 8:21

Ho ta gni deye bwa n zayi m, gama oho bugba to wu lo n Shekwoyi bwa m.

Aromayi 8:4

Ntu cenu, nsaiye yi ɓa mi ya vi Shekwoyi awyidna n ya vi Zafun Gyi-gyi-yi, to ya vi nayi kwo-kwoi n kwo dna n yi nyin.

Akorintiyi I 11:2

Mi ci fye lo ntuge fye pa mi ɓo lo cici fyei zhin ɓoho-ɓohoi she ma wufye.

Akorintiyi II 1:12

Eyi bugba bui-bui nyi, har eyi ɓemwi-i wu yi ge, eyi zan-zan dna nna anyi ye, tun ba ga eyi aɓozhinzhin nfyei, ɓa ku ze n Gyi-gyi-yi, n gaiciya yi, n Shekwoyi aba. Ya zhin lo nu, to ge dna n anyi ɓeyekpe nu m, ama alheri Shekwoyi nya nu.

Afilibiyi 2:15

Nna bai n zaho ta bwa fye laifin. Fye sase n gyi-gyi-yi. Ntna cegye, Shekwoyi aɓi nfi n wyegma anyi ye nya n na za nukwoyi n ɓa ta wo ɓon. Fye bmiya na n ɓa mi ngye a fitila. Fya ku ze a buzangna.

Akolosiyi 1:22

Wa zhin ce dna n owo efi mi n wa fi dna n nayi tu n zundu nyi ntu n ce nu Kristi ku ɓe n fyei n Shekwoyi abye, fyei gni agni zhin wo abye n sayi ye n tna laifi, n kwo ɓa zhin n wo ɓa nya fye ya.

Atasalunikayi I 3:13

Deye ɓa zhin ofye abugba ɓa bwa kala, n tna laifi, n Gyi-gyi-yi n Shekwoyi eyi Dada yi. N na bai fya gni-gni zhi n wa abye n tna laifi, ewyi n eyi Dagayi Yesu Kristi ɓei jezeɓe n gnisun n na azayi n ɓa zhin owo anya nyi.

Bitrus II 3:14

Oma nugundo ye-yeyi, sa fye zhilo fyei pmi nyipyei ye, Owo ɓeɓe nya, fye zhin kukari fya sase ntna ɓenukwoi zhin yi, fya sase n gyi-gyi-yi, n bugba fuyi n wa bye.

Yohanna I 2:29

Shi yi kpelo ge Shekwoyi zhin oza manayi nu, woi zhin ɓemana n esai vinya, yi ɓa mi ya ci ge, aza nɓa zhin ɓe mana, ɓa zhin owo aɓinu.

Yohanna I 2:3

Yi ɓa kpe nwuna nu ge yi zhin owo anya nua? N ya shi yihin awye, yi zhin atna lo ya zhin oɓo n wo ye?

Yohanna I 3:7

O, Omi aɓi, fye toye zaha wa dna fye kwoce n, nfya zhin ɓemana n esai vinya, kwo wunu ge fye zhin aza manayi nu ngye wohin.