Luka 1:20 - Alkawali Woiwoyi

²⁰ Amma shi ho to gami ɓeda gaiciya nyi m, ho ta mi ha shan ɓedam, sai eho nyikwo wola eɓi ma. Gama dole emi ɓeda kwa nu.”

Luka 1:20 ပူးပေါင်းရင်းမြစ်များ

Markus 16:14

Nnavun, wa wu wohin n wo abara a wocei-gmanyi aba ɓai yezhi ɓai gyi nyagyi. Wa gnakni ɓa ntu ɓa tna gaiciya gaɓo. Nya kwo ɓei zhin to ɓa ga aza gaiciya mɓa ɓei gna ɓa ge ɓa ku gye wo wye nyin.

Markus 9:19

Yesu wa gna Wo abara, “O, a gaiciya ga ɓiyi da, Har kniwyi nu Mi ɓa knusun fyei ya? Har kni sayi nu Mi ɓa zhin ankuri n fyei ya? Fye ɓe Mi ɓihi ya.”

Luka 1:19

Nsayi malaika ciwo ge, “Emi nu zhin Malaika Jibrailu. Mi gni n Shekwoyi abye nu cici. Ewo nu na tnumi nge ma ɓe eho aba.

Luka 1:21

Esa n malaika ɓei da ɓo n woi nyi kwa, azai zhi n bmi ɓai pmi Zakaria to ɓai kpeɓo n kwo zhin woi la mwasa lo nu.

Luka 1:22

Esa n wo ɓei gmiɓe, to ɓa gye woi mi woi daɓo m. Aza ku kpe ge woku ɓewyegye gye gama wo ɓei ku zhin ɓa n nab-wai.

Luka 1:45

Ai hola gaiciya ga nge nya n Shekwoyi da kwo ɓa nu. Cenu na zhin woi tu ho anabarka ye pya.”

Luka 1:64

Nsayi-sayi kwa Zakaria wa ya ɓeda njesun, wa ga Shekwoyi mwa-mwa.

Aromayi 3:3

Gaiciya azaho n ɓa mi to ɓei n aminci yi n, ntuge ɓa ɓei bma alkawali ya n Shekwoyi yi, kwa wu nu ge Shekwoyi ɓa bma wo alkawaliya?

Timatawus II 2:13

Kwo esa n yi gaiciya ga gba kala, wo zhin gaiciya da nu, woi bmayi zhin gama wo ta nayi aɓon, yi zhin wo aga nu, Wo ɓa nuwo alkawali.

Titus 1:2

A tnu mi ma ɓe n gaiciya gai n aza ba nu n Shekwoyi la ɓa kni nyi, ma wu ɓa Shekwoyi gaiciya gaiciya n kwo shan aza wyewyeyi do nyi. N na bai ɓa bwa wyewyeyi nyalo-nyalo nya n Shekwoyi ɓei zhin ɓa alkawali tunyi kafin a sa anyi, woi ta ce a katan.

Aibraniyi 6:18

Deye kwa wu ge Shekwoyi alkawali zhin gaiciya nu. Kmisunyi Shekwoyi la wo ɓeda ga, ko ta shando n. Bayi, Shekwoyi la nyasi si, Wo ta ce akata m. Aza nɓa ɓe Shekwoyi aba, ɓa bwa abwi ba n bmazhin yi.

YOHANNA ƁEWYEGYE 3:19

Mi zhin ma ta ozaho-zho yi nmi ye, ntu ce nu nɓa ta ho, akpe ha je ze n ɓenukwoyi zokwo, ha zan aɓo shin nɓa zhin Shekwoyi nya.