Bitrus II 3:7 - Alkawali Woiwoyi

⁷ Shekwoyi la gbetu ga njesun ge ala anyi ye n eshe yi pmi shi n tu ena ɓo, n wada nyipyei wyiyi, wyi yi naza nukwoi ɓei bwi cei nyi.

Bitrus II 3:7 ပူးပေါင်းရင်းမြစ်များ

Matta 10:15

Gaiciya! N wada wyi yi, Sodom n Gomora yi ɓo ku du ɓa n sauci bwa.

Matta 11:22

“Gaiciya, Taya n Saida yi ɓei gna fye bmiya zhi n wada wyi yi.

Matta 11:24

“Gaiciya Sodom ɓei la gna fye bmiya shi n wada wyi yi.”

Matta 12:36

Ma gna fye, n wada wyi yi, ɓei ɓe n fye nyadoku yi tu ɓeda gbeloyi doho-dohoi ɓo n fye ku da.

Matta 24:35

“Eshe n ʼkni yi ɓa ɓa duya, ama emi aɓeda ɓa ta shan duya m.

Matta 25:41

Ma ɓo pmi ma gna aza, nɓa zhi nmi bwaikmi nyi, Fye la ku mi ka, aza aknituyi, fya lo ena a ɓo zhin shiri ntu Shetan ɓo ɓedo nwo amalaika yi nyi.

Markus 6:11

N fya lo ezhi nna to gwo fye ko a kna fya ɓeda tnubuan m, fya abwitukun luya nfye apita, fya kun, fya fa ɓa nɓa aɓoi.

Yohanna 12:48

Ama oza nwo na mi aɓo, to woi gwo mi ɓeda m, aɓo da wo owa nʼwadawyi.

Aromayi 2:5

Amma, fyeta kna tnubua lo n, fye ye minagyi nukwoyi zhi fyehin ntu fye abugba kala kpe ɓo, n ge fyeta pmi avun wu of ye alaifin. Minagyi nyipyei ɓelo n Shekwoyi ɓei da anyi vinya wa.

Akorintiyi I 3:13

Zaho-zahoi tnu-tnu dai aɓei pmi ko gye nʼna nu. Wada wyi nu n Kristi ɓei pmi ko gye n wohin tukwo yi. Ena nu ɓei wu ko tnu-tnu yi bmiya lo, ko koto bmiya lo m.

Afilibiyi 1:28

Ntna edna, kwo ofye anuwunyi zhin fye n wuna na. Kwo ɓa wu ɓa nge ɓala kaya, ama n fye aba kwo ɓa wufye nge Shekwoyi kunsun lo n fyei. Woi la wye-wyeyi nyalo-nyalo nya ga fye n gnisun n woi.

Atasalunikayi II 2:3

Fye to ye zaho-zahoi wa dna fye kwoce kwo fyewyin. Gama nyipyei ta ɓen sai anya ngun aba nku zhin, kmisunyi esa n aza ɓei na Shekwoyi aɓo, n sayi oza kala kpeyi anapi ɓi wo ɓei ɓe.

Timatawus I 6:9

Ama aza nɓa ye ɓa bwa nya, sa fyewyi sai ɓa ya ɓenukwoyi zhin ntuge ɓa bwa agiwye, enya nkwo tuɓa eci, kwaze ɓa abugba nukwoyi zhin yi, kwa wu ɓa har ana pi.

Aibraniyi 12:29

Ntu ge eyi Shekwoyi zhin ona nu, nkwo gyi aba nyi.

Bitrus II 2:9

Ntu cenu, Dagayi ɓami wa gni yi n na jaraba n ɓa shegun yi laɓa nyi, wa gyi abye n na aɓo nukwoi tayi har owa da nyipyei-a ɓe.

Bitrus II 3:10

Dagayi nyipyei ɓelo ntna kmakma, ntna esa dnayi ngye evi, nsayi eshe ɓei kmi kwoi duya wyeɓo yakwo yi, anya ɓa kpe na nyibmana ena ɓei gyi ɓa, ekni nna nyai ɓa kpe kwo, ena ɓei gyiɓa vinya.

Bitrus II 3:12

Fye shi nyipyei yi awye, okwo ɓe-ɓe pwai wo fye, ewyi n Shekwoyi ɓei dna eshe cei nyi anya ɓa kpe nanyi bmana vinya ɓa ɓei wuya fi nna nyitala.

Yohanna I 4:17

Shi yi sase fi n Kristi, eyi ye-ye kwa mwa lo abye kwa nu, nlonu vinyikwo n ednayi to ɓei woyin, nwada-wyiyin, ama yi ɓei gye wo n bugba kalayi n na agmadayi, ntuge wo ye yi lo, yihin yewo lo ce.

Yahuda 1:7

Fyeto ze Sodom kni n Gomara yi amwi m, n na azhiyi nɓa ɓei shegun ɓa nyin, vinya n nu-nuyi n shakpe doho-dohoyi. Azanugbayi ɓai wo aje shakpe, Azhihi aɓei ku ɓa kpe ena, ɓaku ze misali n yi aba nge anapi lo aba n na ta, aɓenukwoyi zhinyi.

YOHANNA ƁEWYEGYE 17:11

Nyawan-nyawan ciwuyi ye n wa finyi, owo nu zhin esu nyimwanymwayi, woku ebe shin gyi ngnisun n na asu tnabai, woɓei gyi ebe n jesun n wo begyi bwabayi ye, avun woi lo a bwi.

YOHANNA ƁEWYEGYE 17:8

Wo ɓei n wye-wyeyi ama nsaiye woto lon. Ama esafyewyi woɓa gmiɓe n bwokun tna cei, walo bwi-bwi nyalo-nyalo nya. N azai nɓa fi n anyi n ɓa aye to kafi lo n Littafi wye-wyeyi nya nyin, kafin a zhin anyi, ce ɓei woɓa nɓa ɓei gyewo n wo efi avun.

YOHANNA ƁEWYEGYE 20:11

Magye esu-shinkpegye bui-bui, n zayi nwo sase tu n kwo, Anyi n eshe bmana yi ɓa busi n wo awyeba, ama to ɓa bwa abwi ban.

YOHANNA ƁEWYEGYE 21:1

N navun magye, anyi woi woyi (n tna ala) n eshe woi-woyi, gama anyi nsaiye nya n duya.