Bitrus II 3:3 - Alkawali Woiwoyi

³ Kmisunyi, miye ma pa fye ge dna n na nyi-pyei kmaknayi, agyekpei ɓei ɓe nɓa ɓei zhin aɓo nukwoi doho-dohoi nɓa kpelo, ɓai ma gaiciya ʼsan.

Bitrus II 3:3 ပူးပေါင်းရင်းမြစ်များ

Yohanna 12:48

Ama oza nwo na mi aɓo, to woi gwo mi ɓeda m, aɓo da wo owa nʼwadawyi.

Akorintiyi II 4:2

Yi ta dna aza kwoce nu ge ɓa ga gaiciyam, yi to ce pma aza ɓa ga gaiciya nɓo n Shekwoyi ɓeda to dam. A vinyikwo ɓo yi, yi ta ye ɓam. Ama yi da gaiciya nu n Shekwoyi abye, ntuge oza nwa wo yi ɓeda wa gwo kwo.

Timatawus II 3:1

Kwo bmiya lo ha kpe deye n jesun, Timatawus nge dna n na anyipyei kmaknayi, Yesu vi ɓei la dna ɓo.

Aibraniyi 1:2

Ama nsaiye Shekwoyi daɓo yi n wo Nugun ʼgbe Yesu. Anya vinya wo nu zhin ɓa gado gyiyi. Owo nu na zhin ɓa.

Bitrus II 1:20

Ama fye ku kpe ge a anabi ɓeda doho-dohoi to lo n kwo kadna n litafi n ɓa ɓei zhin ko nubo nɓahin tukwo yim. Zafun Gyi-gyi-yi nu ɓei dna n na ɓefyecei-ye mi, woi ga ɓa nabari gaiciya nya n kwo gmi n Shekwoyi aba.

Bitrus II 2:10

Wo gna minagyi gyi n na zai n ɓa vi ɓa aɓo nukwoi, aɓo pwawo shakpenya, n na zai n ɓa mwa ɓahin ttukwo, ɓai kpe Shekwoyi aza agye ntna edna.

Yohanna I 2:18

Emi aɓi, anyi ye esa kmaknayi nla ɓe, Fye ku Kristi Nuɓayi ɓo wo, oza n wo zhin gaba n Kristi nyin-saiye azahi pya n mwa begye nku ɓe, deye wuyi ge anyi zo sa la ga si.

Yahuda 1:16

Aza deye zhin anya abwa shiyi nu nyaho ta kunɓa, bai zhin ɓenukwoyi doho-dohoi n ɓa gye, ɓai mwa ɓahin n gbeyi, n ɓa ga aza mwa-mwa ɓa ga ntuge ɓa ye nyaho nu.

Yahuda 1:18

Nge n na anyipyei kmazoyi agyekpe yi ɓei ɓe, oɓa nufi vinya ɓa dabahin agma dna n zokwo nukwoyi doho-dohoi.