Bitrus II 3:18 - Alkawali Woiwoyi

¹⁸ Ama fye mwa fi n alheri, n yekpe yi eyi Dagayi n Gniyi yi Yesu Kristi nya. Mwamwa vinya n latu yakwo yi, ɓa kunsun woi nyalo-nyalo. Amin. Sai wyihoi.

Bitrus II 3:18 ပူးပေါင်းရင်းမြစ်များ

Matta 28:20

Fye wu ɓa ɓa vi awyidna n Mi ku ga fye nyi, fye ku kpe ge Mi gnisun lo fyei ci-ci har anyi zo sa.”

Matta 6:13

To lo n yi n jaraba mi m, ama ha gniyi n Eza nukwoyi. Amin.

Yohanna 17:3

Zokwo wye-wyeyi nyalo-nyalo nya nu nyi, ɓa kpe ge ho nu zhin Shekwoyi gaiciya nya gmanyi, ɓedo n Yesu Kristi yi n ha tnu nwoi dna anyi nyi.

Yohanna 5:23

Ntuge aza vinya ɓa ga Nugun mwa-mwa, ngye shi ɓa ga Dada. Nfye to ye fya ga Shekwoyi Nugun mwa-mwa n wa tnu mwoi nyim, agye fye ta ga Dada mwa-mwa lo n.

Aromayi 11:36

Gama anya vinya kun n Shekwoyi aba nu. Anya vinya bwa wye-wyei dna nwo ikonu. Anya vinya nyi ntu wo latu ɓo nu. Mwa-mwa nwo aba nyalo-nyalo Amin.

Akorintiyi II 4:6

Shekwoyi n wa cige, “Buzangna ɓa knaya n wyegma aba nyi,” owo nu na zhin owo buzangna kwoi ɓe ya bugba, kwoi ɓe yi buzangna n Shekwoyi latu yekpe yi, nkwo nyi n Yesu awyeba nyi.

Afisusuyi 4:15

Nkwo apita yivi gaiciya dna n ye-ye nsai vinya, yida gaiciya, yi zhin aɓo dna n gaiciya, yi sase dna n gaiciya, n na bai ya ze ngye Kristi n wo zhin owo nayi tukwo danyi, wato Ikklisiya, Dna n wo ɓewu nayi vinya nku aje dei-dei, oga dohodohoi n kwo zokwoyi, kwoi bma do zhin, n na bai n nayi vinya ɓa bwa lafiya, kwa mwa n nu-nuyi n yeyi.

Afilibiyi 3:8

E, anya vinya zhin gbeloyi nu, n na mwi ɓa do n gyibai nza ɓa bwa woi ya kpema Kristi Yesu emi Dagayi. Miku anya ya vinya, mito ze ɓa n gye nyahon n na abai ma bwa Kristi.

Akolosiyi 1:10

Yi nya wo n na abai efye asese ɓa da Dagayi agma kwa la wo tu, n na bai nfye ɓa bwa ɓe manayi zhin, fyei zhin aza ɓe manayi, fya tumwi fya kpe Shekwoyi ye lo abye-abye.

Akolosiyi 3:10

Nsaiye fye se ase woi-woi nu, kwoi tu ɓemana mwi ci-ci, kwoi zhin atna kwa wu ngye Kristi, n wa zhin wyewyeyi woi-woi n efye mi nyi.

Atasalunikayi II 1:3

Omi azaje, Shekwoyi godiya zhin ntu fye ɓo kwo to zhin ɓe mana nu kawain, eyi tnu-tnu nu n Shekwoyi aba, ntu fye gaiciya ga mwa-mwa yi ɓo, ntu ofye ye-ye ɓo n kwo mwalo n na aje aba nyi.

Timatawus II 4:18

E, Dagayi ɓa gni mi n na aɓo nukwoyi vinya, wa lo mi dna n wo ebemi eshe nya. Mwa-mwa kwo kunsun n Shekwoyi nyalo-nyalo. Amin.

Bitrus I 2:2

Nsaiye shi fye kpelo shi Dagayi ye fye nsunyi, fye ku ɓenukwoyi ya vinya, kwocedna, eshe, n na katai. Fye zhin atna fya mwa fi n fye gnigni, fyei zan madara zafun nya shi n bwi-ci yi, she oɓi zhin wa cibwi woi zan ɓeɓe shin nyi.

Bitrus II 1:11

Shekwoyi ɓa gu fye eshe abwokun-mi ya bmam, ntuge fya lo owo ebemi nyalo-nyalo nya eyi Dagayi nya, n ʼyi gniyi yi, Yesu Kristi.

Bitrus II 1:2

Fye ye Shekwoyi alheri lo woye ga fye lo abye? To, fye tumwi fya kpe woye lo abye-abye.

Bitrus II 1:3

Ntuge n fye kpewoye labye, wo ɓa ga fye, dna nwo iko yakwo, anya vinya n fye ɓa pmai, ntu na sase manai ɓo: har wo zhin wa gayi owo latu n ɓemanai yi.

Bitrus II 1:8

Nfya gyabye lonu, fye ɓa gna kala bwa-bwa dna zafun har fya ze aza apmada n yi Dagayi Yesu Kristi aba.

Bitrus II 2:20

Esanu oza la pwo n aɓenukwoyi anyi nya zokwo, ntu yi Dagayi n Gniyi yi Yesu Kristi yekpe ɓo, wa je lodna n laifi wa ze kwo fyenu njesun, wo zhin wa gna sapa wunya.

YOHANNA ƁEWYEGYE 1:6

Wola yi yezhi fi n owo ebemi, wa zeyi a pirist Shekwoyi owo Dada anya. Fye gawo mwa-mwa nyalo-nyal-o nya, wo gyi ebe nyalonyalo Amin.