Bitrus II 2:3 - Alkawali Woiwoyi

³ Amalami ye, ntu ɓa shakpe ɓo, ɓa ɓei gna fye ɓeho-ɓehoi ntuge ɓa bwa fye agyiwye. Ama Shekwoyi ɓei laɓa zunkni tunyi n sapa, oɓa bwi-bwi tulo n zokwo.

Bitrus II 2:3 ပူးပေါင်းရင်းမြစ်များ

Luka 18:8

Eh, wo ɓa woɓa aduwa npye-pyeyi, amma sanu mi (oza nugun) ɓei jezeɓe mi ɓei gye aza nyi n gaiciya ga yi nsun na (ɓai zhin aduwa?)”

Luka 20:20

Ntucenu ɓa zhi ɓai dna esa manayi wye. Ɓa tnu azaho ntuge ɓa lo ɓai nya Yesu aɓo, ngye aza manayi n nabai n Yesu ɓa da ɓoho nukwoyi n nabai ɓa lo n woi n a sheria ba.

Luka 22:47

Esanu Yesu ɓei ye gni wo daɓo, aza n mwa ɓa ɓe, Yahuda Yesu bara yi owo nu ɓei gyi ɓe nabye, wa ɓe wa zhin Yesu sumba, ngye nugun-do.

Yohanna 2:16

Wa gna alukpe kunyi ge, “fye kun anya ye ya n ya. Fye to ze ʼmi Dada nyakun a gnikwo gni ba m.”

Aromayi 16:18

A zayi pya ta zhin tnu-tnu ga eyi Dagayi Yesu nun, ama ɓaye gyiba ga ɓahin nu. Ɓa zhin a ɓeda kpedayi nu, aza nɓato ceceyin, ɓata wo ɓa kwoce dnan.

Akorintiyi II 2:17

Ai, yi to wu lo ngye aza nu, n ɓa la Shekwoyi ɓeda kwa ɓa ze gyiba nya m. Ama shi Shekwoyi nu na tnuyi, yi daɓo n gaiciya yi, ntuge yi zhin Kristi abara nu.

Atasalunikayi I 2:5

Yi to zhin a tna kwo fyewyi ya wan fye hankali n ɓeda dadayin, shi fye kpelo, Shekwoyi kpelo, yi to ɓei dna fye kwoce nu n na bai fya ga yi agyiwye n.

Atasalunikayi I 5:3

Sanu n aza ɓei ci nge, “Lafiya lo sarai nyaho to wunya lon bugba fulo.” Nsa gmanyi yi wahala ɓa ɓeɓa tukwo, shi kagna zhin kwa ɓe nyikwoza aba to woi dna ce nyin. Aza deye to ɓei bwa asibui ban, gama abwi-ba to lo n.

Timatawus I 3:3

Wo to zhin eje sin yin, kwo anya wu yin, amma wola ze hankali da, mi bwayi, to wa ze oza nu n wo ye agyiwyen.

Timatawus I 3:8

Abyeda, ɓaku ze aza manayi n gye a pasto. Ɓato ku ze aje sin yi yakwon, n na gyiwye ye yin.

Timatawus I 6:5

Aɓenaiye n ɓa bugbai nunu yi n ɓenukwoyi, ɓa ta kpe gaiciya da m, n ɓa aba Nabari manayi zhin agyiwye bwa zokwo nu fye la bui ɓa si.

Titus 1:11

Tile a hana n kwoi, ala aza pmi awye ya n Shekwoyi alheri, amalami ye pya bwa agyiwye nu ye.

Titus 1:7

Tilas pasto wa ze oza nu n nata ciwo aɓenya n wo asesen, gama ɓa zhin Shekwoyi atnu-tnu zhinyi nu, ɓato zhin aɓekwo zhin yi, kwo a tna mi wanshi yi, to ɓa ze ajesin yin, agusun yin, kwo agyiwye shakpe; woyin.

Bitrus I 2:8

Littafi a je ci ge, “Wo zhin kuta bonyi-ce nya nu n na zaho aba. Apma n kwo ɓei zhin ɓa miya.” Ɓa ɓei kni a bonyi ntuge ɓata ye ɓa wo Shekwoyi Ɓeda, kwo ɓa vi wo ɓeyem, ntu cenu tata ye mimiya nya, ɓei vi ɓa.

Bitrus I 5:2

Fye ga Shekwoyi akni nyagyi, fyei shi ɓa bwa n bugbai gmanyi ntna wyice, to tu enya ɓo nfye ɓa bwa dna ko mim, ama ntuge awo fye pwa lo fya zhin Dagayi tnu-tnu.

Bitrus II 1:16

Ntuge yi to ɓei zhin yi ta fye aza cece osi nun, esa yi ɓei wufye iko eyi Dagayi Yesu Kristi nya nwo jeze-ɓei nyin. Oma wye ku gye owo mwamwa n wo latu yi.

Bitrus II 2:1

Ama a anabi akatai ɓei nyi nna nyipyei avun nyace, ngye shi amalami akatai ɓa kun nfye mi nyi. Ɓa ɓei ce akata nʼgbai tu n Shekwoyi tukwo, ɓai pmi avun wu ɓa Dagayi nwo ɓei si ɓa nyi; ama wahala bwi-bwi nya ɓelo tu nɓa jtukwo npye-pyei.

Bitrus II 2:9

Ntu cenu, Dagayi ɓami wa gni yi n na jaraba n ɓa shegun yi laɓa nyi, wa gyi abye n na aɓo nukwoi tayi har owa da nyipyei-a ɓe.

Yahuda 1:11

Aiya n ɓa aba, gama ɓaku vi Kayinu fye, n wo ɓei wu owo mado nyi, ngye Balamu ɓei zhin ɓehoɓehoi ntu agyiwye ɓo, n gye Kuraha ɓo la Shekwoyi beda zungna, ɓa fifi n owo knitu.

Yahuda 1:15

Wo ɓei ɓe n na azanyikwoci yi n owada abye, ɓo gwo tata cewo ai wu aɓo anukwoyi n ɓa ku zhin gaba n Shekwoyi, woi wu oɓo n ɓa zhin nwo tukwo.”

Yahuda 1:16

Aza deye zhin anya abwa shiyi nu nyaho ta kunɓa, bai zhin ɓenukwoyi doho-dohoi n ɓa gye, ɓai mwa ɓahin n gbeyi, n ɓa ga aza mwa-mwa ɓa ga ntuge ɓa ye nyaho nu.

Yahuda 1:4

Mi da deye ntu ge amalami ho a tna Shekwoyi yekpeyi, ɓaku lofi n fye mi, ɓai ci ge n ya ku vi Yesu, na avun, yi ɓami ya zan-zan shi yi n cei pma n tna Shekwoyi ta ta dnawo. Aɓei ka oɓa knizun tun-yin sapa, ntu ge ɓala pmi da eyi Tukwoda, wato Dagayi Yesu Kristi.

Yahuda 1:7

Fyeto ze Sodom kni n Gomara yi amwi m, n na azhiyi nɓa ɓei shegun ɓa nyin, vinya n nu-nuyi n shakpe doho-dohoyi. Azanugbayi ɓai wo aje shakpe, Azhihi aɓei ku ɓa kpe ena, ɓaku ze misali n yi aba nge anapi lo aba n na ta, aɓenukwoyi zhinyi.