Bitrus II 2:2 - Alkawali Woiwoyi

² Aza n mwa begye ɓei vi oɓa kata, nge anagbai zhin to zhin ɓenukwoi nun. Ntu ɓa ɓo, aɓei kpe Kristi n wo zokwoi agye.

Bitrus II 2:2 ပူးပေါင်းရင်းမြစ်များ

Matta 22:16

Ɓa ku shaula zhin ge, ɓa tnu n ɓa zayi ɓedo na siyasa-da yi, ɓo nya wo ɓeye: “Zadnagmai, yi kpe lo ge ho da gaiciya ko ai ɓa tu ho ʼbe nu sha, ntna dna, to hoi kni-kni m.

Matta 24:24

Ntu ge Akristi akatayi ɓa kun, ɓedo anabi akatayi, ɓai ɓo zhin aɓo wowo har ge koi ye zhin nu, aɓo ku Shekwoyi aza kni-kniyi dna koce.

Matta 7:14

Ama wye-wyei abokunmi gba-gbayi, zokwo kuwa n pma-pmayi, aza fyewyi nu bwa kwo gye ɓai wan.

Markus 12:14

Aza wyekayi ɓa ciwo Ge, “Male, yi kpe ge Ho da gaiciya. Ho ta vi aza ɓemwi, kwo aza ɓo pwa-wom, ama Ho wu Shekwoyi zokwo. Nsayiye, gna yi kwo bmiya a gba gadu n na Romawayi aba, kwo awo?”

Markus 13:22

Ntuge a Kristi akatanya ɓei knu n na anabi akatanya yi n ɓa ɓei zhin aɓo a wowoyi ɓai dna aza kwoce, n kwa yezhi har n Shekwoyi aɓi yi.

Yohanna 14:6

Yesu wa gna wo ge, “Omi nu zhin zokwo, n gaiciya yi n wye-wyeyi. Zaho-zahoi ta mi wa lo Dada abam, sai wa e mi aba kpa.

Atnu-tnuyi Aɓozhin 13:10

Wa ci wo ge, “Oho shetam ɓi ho zhin oza nukwoyi nu. Ho ta ye anya manayi m. Ho ta fa gaba zhin ɓo n Dagayi m?

Atnu-tnuyi Aɓozhin 14:2

Amma a Yahudiyi ɓa ku kala ɓa da aɓo nukwoyi tu Bulus tukwo, ɓedo n Barnaba yi.

Atnu-tnuyi Aɓozhin 16:17

Wa vi yi ɓe woi ɓewyi, “aza deye Shekwoyi abara nu, ɓa ɓe ntu ge ɓa gna fye, shi aba zhin fye alaifi gafara.”

Atnu-tnuyi Aɓozhin 18:26

Wa ya waʼazi zhin n kala yi, n iko yi n mwa dna na duwa nyakun wa gna ge, Kristi ɓe lo fye zhin shiri fya gwo wo. Briskilia n Akila yi ɓai fi ɓai wo, shi wo ɓei ku zo ɓa yi wo, ɓa zhin wo bayani ntu Yesu ɓo. Watau wo la ɓe, woi la fi, woi la laka n vingwo, woi la gun lo eshe, woi jeze ɓelo njesun.

Atnu-tnuyi Aɓozhin 19:9

Amma aza ho ɓa naɓo ɓai da ɓeda nukwoyi tu Yesus tukwo. Wa fa ɓa to wa jeɓa waʼazi zhi m, ama wa ye a Kristi yi zhin n Tiranus makaranta wa zhin a waʼazi fyegyi-fyegyi.

Atnu-tnuyi Aɓozhin 22:4

Ma ga ikklisiya wahala mi wan a Kristi yi anugbayi na nyikwoyi ma gu ɓa fi n kurkuku.

Atnu-tnuyi Aɓozhin 24:14

“Enya mi zhin waʼazi tu ko cici okwonu zhin gni gni zokwo. Okwo nu n ɓa gna wuwu nukwoyi. Mi zhin ma zhin Shekwoyi bauta shi eyi a zakwoyi zhin. Mi gaiciya yi ga a Yahudiyi owa, na nyai vinya n ɓa kafi anabi a littafi nyi.

Aromayi 2:24

Gaiciya nu n littafi a da, nge Anyi da ɓeda nukwoyi n Shekwoyi tukwo n tu n fye ɓo.

Timatawus I 5:14

Ntu cenu mi gye kwo bmiya lo anyigbayi a nawyi ɓa senu njesun, ɓa ma aɓi ɓa shi ɓahin puwa, n lonu ata da ɓeda nukwoyi tu ɓa tukwon.

Titus 2:5

Ɓa ku ze aza manayi, abugba manayi da, ɓai zefi n ɓa puwa, aza nunuyi, ɓai vi oɓa aɓa ɓeda n na abai to a sa a Yesu viyi eye nukwoyi, n aza aba n ɓa kpe ɓa ye m.

Titus 2:8

Oho azata la ze cewo n tukwo yi ku, n na abai oza n wo ye wa na aɓo n hoi vinyikwo a wowo, ntuge aɓenya-ci ɓa to lo dna n oɓo n ha dan.

Bitrus I 2:12

Fye zhin peceiye shi fye sase n fya knuzhiyi n ɓa zhin atnaviyi nyi, ntuge ɓa gye fye ngye aɓo nukwoyi zhin yi, shi ɓa gye fye ɓemana ɓa ɓei ci Shekwoyi ntu fya tnu-tnu manayi ɓo esa n Kristi ɓa jezeɓe cei.

Bitrus II 2:12

Ama a malami a katai ye zhin aza mama nu, ɓa wu gmanyi-gmanyi n na nyakpai nu, ɓai zhin aɓo ɓa cei pma; ngye anyakpa nna maɓa a wan ai wu nyi. Ɓa zhin ɓa ma iko wyegma nya esan nɓa ta kpe kwo yem; ai aɓa duɓa ɓoya ɓedo na aljanu yi viyan n iko anapi nyai ɓe.

Bitrus II 2:15

Ɓaku bwi zokwo ɓaku ze ngye Balamu Basura nugun, nwo ɓei kayadna n ye-ye n na gyiwyei, n wo ɓei ye wa bwa dna n ɓenukwoi zhin nyi.

Bitrus II 2:18

Ɓai gma n ɓa laifi yi n gbegyi yi, ɓai zhin apma n nayi shakpe yi, ɓai je aza gnifi n ɓenukwoi zhin n sato mwa shi ɓa pwo cem.

Bitrus II 2:21

Kwo ɓei ɓa gna bmiya ngye to wo ye kpe Kristi zokwo yem, afa odo n wo ku kpeye, wa pmi avun wu owa wyidna gyigyi-yi n na ɓei ku gawo nyi.

Bitrus II 2:7

Ama dna n esa gmanyi Dagayi wa gni Lutu, n Sodom ntuge wo ɓei zhin oza manayi nu, aɓo nukwoi n wo ɓei zhin woi gye laɓa fyegyi-fyegyi nyi, ɓa ɓo zhin ɓai san wo nya.

Yahuda 1:10

Ama aza deye, ɓa kpe anya agye, ɓai kni anya akmi n ɓa to nɓa awyegayin, ngye anya fanya ɓai zhin aɓo n ɓa gye dama, ɓai lo n ɓa awye-wyeyi n na abwi.

Yahuda 1:15

Wo ɓei ɓe n na azanyikwoci yi n owada abye, ɓo gwo tata cewo ai wu aɓo anukwoyi n ɓa ku zhin gaba n Shekwoyi, woi wu oɓo n ɓa zhin nwo tukwo.”

Yahuda 1:4

Mi da deye ntu ge amalami ho a tna Shekwoyi yekpeyi, ɓaku lofi n fye mi, ɓai ci ge n ya ku vi Yesu, na avun, yi ɓami ya zan-zan shi yi n cei pma n tna Shekwoyi ta ta dnawo. Aɓei ka oɓa knizun tun-yin sapa, ntu ge ɓala pmi da eyi Tukwoda, wato Dagayi Yesu Kristi.

Yahuda 1:7

Fyeto ze Sodom kni n Gomara yi amwi m, n na azhiyi nɓa ɓei shegun ɓa nyin, vinya n nu-nuyi n shakpe doho-dohoyi. Azanugbayi ɓai wo aje shakpe, Azhihi aɓei ku ɓa kpe ena, ɓaku ze misali n yi aba nge anapi lo aba n na ta, aɓenukwoyi zhinyi.

YOHANNA ƁEWYEGYE 12:9

Dragon yakwoye, owa kwo-kwoi n na yiwo Guzhenyi n satan yi nyi, n wo dna anyi vinya kwoce nyi, a shewo ya dna n anyi ɓedo n wo amalaika yi.

YOHANNA ƁEWYEGYE 13:14

Wa zhin aɓo awo-woyi ye wo ɓei mi wa dna aza kwoce n na aba vinya, wo ɓei mi woi zhin aɓo a wowoi ye esa vinya n Nyawan-nyawan kmisunyi gni woi gye wo. Waga aza wyidna n na anyi nge ɓa zhin Nyawan-nyawan kmisunyi dogbe, n na ɓei la wo wu waje lakala nyi.

YOHANNA ƁEWYEGYE 13:8

A zanyikwoci vinya, na ato n ɓa aye yi kafi n kugya wu-wuyi Littafi wye-wyeyi nya kafin anyi zhi san, ɓa ga Nyawan-nyawan nukwoyi mwa-mwa.