Bitrus II 2:1 - Alkawali Woiwoyi

¹ Ama a anabi akatai ɓei nyi nna nyipyei avun nyace, ngye shi amalami akatai ɓa kun nfye mi nyi. Ɓa ɓei ce akata nʼgbai tu n Shekwoyi tukwo, ɓai pmi avun wu ɓa Dagayi nwo ɓei si ɓa nyi; ama wahala bwi-bwi nya ɓelo tu nɓa jtukwo npye-pyei.

Bitrus II 2:1 ပူးပေါင်းရင်းမြစ်များ

Matta 10:33

Ama eza n wa nama ɓo, mi hin miɓa nawo aɓo n Mi Dada abye, n wo dna ʼshe nyi.

Matta 24:11

Anabi akatayi ɓo ɓe ɓo bwi aza zokwo

Matta 24:24

Ntu ge Akristi akatayi ɓa kun, ɓedo anabi akatayi, ɓai ɓo zhin aɓo wowo har ge koi ye zhin nu, aɓo ku Shekwoyi aza kni-kniyi dna koce.

Matta 24:5

Ntu ge aza mwa begye ɓo ɓe ɓai gna ɓa nu zhin Masihu, ɓa bwi aza zokwo n mwa.

Matta 7:15

“Fye zhin pceiye na malami akata nya yi ɓa zhin ɓa ɓe ngye akni ntna ɓaina, ama n ɓa mi, a cam-cam nu ɓa ɓa gna fye ajeya laɓa.

Markus 13:22

Ntuge a Kristi akatanya ɓei knu n na anabi akatanya yi n ɓa ɓei zhin aɓo a wowoyi ɓai dna aza kwoce, n kwa yezhi har n Shekwoyi aɓi yi.

Luka 12:9

Amma aza nɓa na miɓo n aza ba, to, mi ɓei naɓa ɓo ce n Shekwoyi amalaika aba.

Luka 21:8

Yesu wa ci ɓa ge, “Fye zhin peceiye, Fye to ku ze aza gbeloi, gama aza nmwa ɓa ɓe dna n mi ye, ɓai cige eminu zhin Kristi. Esa lasi, amma fyeto vi ɓa m.

Luka 6:26

Njesun bugbawu lo na ʼzayi na ciɓa n saiye nyi, ntu ge azhin a ci anabi katai nlo nu-nu ci ci.

Aromayi 16:18

A zayi pya ta zhin tnu-tnu ga eyi Dagayi Yesu nun, ama ɓaye gyiba ga ɓahin nu. Ɓa zhin a ɓeda kpedayi nu, aza nɓato ceceyin, ɓata wo ɓa kwoce dnan.

Akorintiyi I 11:19

Ama ko bmiya lo ajegna lo fya tasin, ntuge aza ɓa fi lo n gaiciya, a kpe ɓa ye pei-pei.

Akorintiyi I 6:20

Shekwoyi ɓei la fye si n kona ko-kwoyi. Ntu cenu fye ga Shekwoyi mwa-mwa n fya nayi-yi, ntuge owa nya nu ɓai.

Akorintiyi I 7:23

Kristi ɓei la fye si n konantuce nu fye la loya n nanyi ye tukwo-mwa nɓa dnawo yi.

Agalatiyayi 2:4

Ko ma, ɓenya deye pya to ɓei ɓa ɓen, sai dai aza n ɓa yi ɓahin ge a Yesu viyi, a Yesu viyi a katai n ɓa ɓe, ɓa pmi ɓe gye n yi zhin, ɓa gye a gmada pya n yi n cei dna n Yesu, ko yi shi a Yahudiyi awyidna bwa lo. Ɓa zhin atna ɓa payi gyi n ɓa wyidna n gye a fyenu pa zhi na gmayi.

Agalatiyayi 3:13

Ama Kristi n la yi si, woi layi kunya n zokwo ɓednayi ye, woi la yi knitu ɓenukwoyi zhinya tu n wohin tukwo. Gama a cei kafi n littafi. Knitu n za ba n na zun wo du tu n shinwa.” Shi a ɓei zun Yesu du tu n zundu shinwa nya nyi.

Agalatiyayi 4:17

A malami a katai n ɓa ye fye n tu n fye nyabwa ɓo nu nyi, ɓata zhin ce ntu fye bmazhin ɓo nun. Nya n ɓa zhin atna ɓa zhin nyi, ɓa ye ɓa ka fye ya n minu, n na bai fya wo ɓanu.

Agalatiyayi 5:20

Shangba, alijanu bauta zhin, aza wyegbaci n ɓa to zhin honyan, nuwun n gusun yi, eshe n minagyi yi, n atnazhin yi.

Afisusuyi 1:7

Owo alheri mwa lo n yi aba har wa eyi alaifi kuya n wo Nugun ami yi, oza n wa gni yi nyi.

Afisusuyi 4:14

Nnavun yita shan ze ngye aɓin, yi shan abugba do na anya ɓo n yi ga gaiciya n, ntuge aza ɓe yi n wuwu akata nya yi, yi gye ngye gaiciya nu.

Afilibiyi 3:19

Oɓa kpegni ba abwi nu, gama oɓa Shekwoyi kwo nu zhin ɓa shakpe, ɓai mwa ɓahin tukwo n ɓa kunce ɓa wo vinyikwo, enya nɓa zhin nubo vinya, okwo nu, zhin anyi ye n ɓa nyai vinya.

Akolosiyi 2:18

Fye to ye zaho-zahoi wa ci fye ge fye ku bwi, ntu ge fye ta zhin a malaika sujada lon. Shi ɓa gna fye ge tilas fya zhin nyin, ɓai gna ge ɓaku gye ruya ɓai kpela nge ko kuncelo fya gye. Aza tukwo mwayi (koda yake ɓa gna nge ɓata mwa ɓahin tukwon.) Ɓa ce-ceyi lo dna n ɓa aɓemwi.

Akolosiyi 2:8

Fyeto fa aza ɓa wunfye gaiciya ga ya n ye-ye yin, n na anyi ɓeyekpe yin, oɓa amsa nukwoyi, akpe-kpe gyei n na mi ɓa kpe n aza ɓeyekpe na ɓo mwi yi, mai-makon nya n Kristi wa da.

Timatawus I 5:8

Ama oza n wo to kula n wo azai esa n ɓa gyi san, tun baga aza n ɓa fi n oza puwan, woto n iko yi lo wa ci ge wo zhin Yesu viyi nun. Oza deye pya wo du tna viyi lo n nukwoyi.

Timatawus II 4:3

Ntu ge esa ɓelo n aza to ɓei shan gaiciya tnubua knan, ama ɓa ɓei zan laɓa ɓai zan a malami zanshi n ɓa ɓa gna ɓa oɓo n ɓaye ɓa wo.

Titus 1:11

Tile a hana n kwoi, ala aza pmi awye ya n Shekwoyi alheri, amalami ye pya bwa agyiwye nu ye.

Titus 3:10

N oza ho ɓelo n ajegnayi nfye mi, fya gnakniwo a bwa aba, Ndeye avun fyeto shan efye anuwan gye n woi n.

Aibraniyi 10:29

Aza ho lo ɓai kpe Shekwoyi ɓi apita, ɓai zhin aɓo ngye owo ami to ɓai gyi-gyi-yi m. Ɓa la Zafun Gyi-gyi-yi la minagyi ka. Oza n wo zhin aɓo deye pya, wo ɓa gwo tata dnagmayi, wo to ɓei lo Shekwoyi bemi m.

Bitrus I 1:8

Fye yewo lo, kwo da yake fye to shin wo gyen. Fye ta gye wo lon, ama fye kpma wo lo, kwo nsaiye a da fye lo n na gmadayi n na ta shin kwo ɓedan,

Bitrus II 2:3

Amalami ye, ntu ɓa shakpe ɓo, ɓa ɓei gna fye ɓeho-ɓehoi ntuge ɓa bwa fye agyiwye. Ama Shekwoyi ɓei laɓa zunkni tunyi n sapa, oɓa bwi-bwi tulo n zokwo.

Yohanna I 2:26

Omi ɓeda tu n Kristi nuɓai ɓo, mi da aza nu ɓo n ɓa ɓa ye ɓa bwi fye awye, ɓa dna fye n zokwo kasa.

Yohanna I 4:1

Omi a nugundo ye-yeyi fye to ga aɓo vinya gaiciya nfye won, ntuge aza gna fye ge Shekwoyi ɓeda nun fye mwi kwo kpa fya gye kwo Shekwoyi ɓeda nu. Gama anya wuyi a katayi lo.

Yahuda 1:18

Nge n na anyipyei kmazoyi agyekpe yi ɓei ɓe, oɓa nufi vinya ɓa dabahin agma dna n zokwo nukwoyi doho-dohoi.

Yahuda 1:4

Mi da deye ntu ge amalami ho a tna Shekwoyi yekpeyi, ɓaku lofi n fye mi, ɓai ci ge n ya ku vi Yesu, na avun, yi ɓami ya zan-zan shi yi n cei pma n tna Shekwoyi ta ta dnawo. Aɓei ka oɓa knizun tun-yin sapa, ntu ge ɓala pmi da eyi Tukwoda, wato Dagayi Yesu Kristi.

YOHANNA ƁEWYEGYE 13:14

Wa zhin aɓo awo-woyi ye wo ɓei mi wa dna aza kwoce n na aba vinya, wo ɓei mi woi zhin aɓo a wowoi ye esa vinya n Nyawan-nyawan kmisunyi gni woi gye wo. Waga aza wyidna n na anyi nge ɓa zhin Nyawan-nyawan kmisunyi dogbe, n na ɓei la wo wu waje lakala nyi.

YOHANNA ƁEWYEGYE 2:13

Mi kpelo ge ho dna n ezhi nu n shetan n gyi ebe, shetan mwa-mwa ga aba a tasin, har hoi vimi, to hoi ye ha nami aɓo m, kwo esa n Antibas, emi seida zhinyi, gbenuyi ɓei fi n na shetan a viyi akun.

YOHANNA ƁEWYEGYE 2:9

“Mikpelo shi ho sin wahala ntu Dagayi ɓo nsun, mikpe oho awye kwoye lo, (amma ho n nabwa eshe nyayi lo.) Mi kpe aza kwoce dnai yelo n ɓa gni apa-pa n hoi nyi, nɓa gna ge ɓa zhin a Yahudiyi nyi Shekwoyi aɓi, ɓai to zhin owo aɓi nun, gama ɓa ce Shetan zokwo golo.

YOHANNA ƁEWYEGYE 3:8

“Mikpeho yelo sarai, hoto n kalayi lon, ama hoku kukari zhin ha zhin oɓo n mi da, hoi to na emi eye aɓon, Ntucenu mila abokun-mi guho ya n zaho ta gun.

YOHANNA ƁEWYEGYE 5:9

Ɓa kwo anyi woi ge, “ho kuncelo I hala takarda kmi-kmiyi. Ha lo hatimi ya ha gu kwo ya. Gama aɓei la ho zun sha, oho ami n la aza si gaho n na abye vinya, ngye nyaga ntu n Shekwoyi ɓo.

YOHANNA ƁEWYEGYE 6:10

Ɓai yi Dagayi n begye kalayi ɓai gna, “O Dagayi ikoda vinya, gyi-gyi-yi, gaiciya da, ho ɓei da anyi da owa n kni wyiyi nu, tu aɓo tukwo n ɓa ɓei zhin yi nyiʼa? Ho gba efi ami ta ga yi n kniwyi yiʼa, n na aza n ɓa fi n anyi nyiʼa?”