Bitrus II 1:8 - Alkawali Woiwoyi

⁸ Nfya gyabye lonu, fye ɓa gna kala bwa-bwa dna zafun har fya ze aza apmada n yi Dagayi Yesu Kristi aba.

Bitrus II 1:8 ပူးပေါင်းရင်းမြစ်များ

Matta 13:22

Ekni aknawuyi nya ko wu gye za n wo wo nabari, ama aɓopwawo anyi nya, nʼ nyabwa zanshinyi, ɓa ku Shekwoyi ɓeda gyisun, to wa mi nwo zhin nyaho ntu Shekwoyi ɓo m.

Matta 20:3

Dna sado, woi du wonya ya, wa gye azado zhi ɓai ye tnu-tnu.

Matta 20:6

Ngye sinkna gun atnu wyeshei, wa lo zhimi wa gye azaho zhi n tna tnu-tnu, wa nya ɓa ge, “Knihin nu zhin fyei zhi n tna tnu-tnu, har nyipyei zo ye vinya?”

Matta 25:26

“Ama ewo puwada wa gna wo ge, ‘Eza nukoyi, fyenu bwatoyi! Shi ho ʼbo kpe ge nɓo ye gyiba.

Yohanna 15:2

Wo zhin wa gbe abwala ya nɓa ta ga gyi-gyi m. Njesun wa zhin abwala manayi aba, ntu ge ɓa ga gyi-gyi ndudu.

Yohanna 17:3

Zokwo wye-wyeyi nyalo-nyalo nya nu nyi, ɓa kpe ge ho nu zhin Shekwoyi gaiciya nya gmanyi, ɓedo n Yesu Kristi yi n ha tnu nwoi dna anyi nyi.

Yohanna 5:42

Mi kpe fye ye lo. Mi kpe lo ge Shekwoyi ye-ye to dna lo nyfe mi m.

Aromayi 12:11

Fye to wo bwato nfye tnu-tnu yin, ama fye zhin Dagayi tnu-tnu n bugba bui, bui.

Akorintiyi I 15:58

Ntucenu, emazaje yeyeyi, fye ku gni mizhi dai-dai. Fye gyi abye n Shekwoyi tnu-tnu yi nʼwyei nyice, Shikonyi fye kpelo ge efye tnu-tnu dna Dagayi ta ze gboloyim.

Akorintiyi II 13:5

Fye dna fyehin wye, Fye zhin a Yesu viyi nu? Fye gyi nasara lo? Fye wo Kristi aese lo nwo ikoyi n fye a bugbami? Ko fye dna fyehin kwoce nu ge fye zhin a Yesu viyi to fye yi zhin ma?

Akorintiyi II 8:2

Kwo shi kwo nyi ɓa fi lo n wahala nsa nukwoyi, ɓa ku oɓa bugba buyi gmaje nɓa sangyi-yi, deye kwoi zhin ɓa, ɓai mi ɓa ga nyaga, ntu azaje ɓo nbugbayi gmanyi.

Akorintiyi II 8:7

Fye zhin aza dnagmayi nu na zokwoyi mwa begye, fye n gaiciya gai lo, a waʼazi zhin yi manayi, a ɓeye-kpeyi mwa, n pwawo bmazhin nya, n ye-yeyi mwa ntu yi ɓo. Nsayi ye mi ye fya ze aza dnagmayi dna n zafun nyaga nya.

Akorintiyi II 9:14

Ba ɓe zhin adduʼa gafye n bugbayi gmanyi, ntu n Shekwoyi alheri ɓo n na wuɓa nfye aba nyi.

Afilibiyi 1:9

Emi aduwa zhin ga fye ekwo nu fya nu n Shekwoyi ye-yei na za aba, fya gyi abye n mwa-mwa yi dna n Zafun, n awyega yi.

Afilibiyi 2:5

Kwo bmiya efye hali kwa wu ngye odo n Yesu Kristi ɓei wu yi nyi.

Afilibiyi 3:8

E, anya vinya zhin gbeloyi nu, n na mwi ɓa do n gyibai nza ɓa bwa woi ya kpema Kristi Yesu emi Dagayi. Miku anya ya vinya, mito ze ɓa n gye nyahon n na abai ma bwa Kristi.

Akolosiyi 1:10

Yi nya wo n na abai efye asese ɓa da Dagayi agma kwa la wo tu, n na bai nfye ɓa bwa ɓe manayi zhin, fyei zhin aza ɓe manayi, fya tumwi fya kpe Shekwoyi ye lo abye-abye.

Akolosiyi 2:7

Fye fa efye agbegye ɓa mifi n wo, fya bwa nyagyi zafunya nwo. Fye gyi abye n mwa-mwa yi dna n Dagayi, fya ku dna kala n mizhi n gaiciya, n na ɓei wu fye nyi. Ofye awye-wyeyi ɓa nu na gmadayi n godiyayi ntu n nya ɓo n wo ku zhin.

Akolosiyi 3:16

Fye pa enya ɓo n Kristi ɓei wu nyi, fye fa owo aɓeda kwa dna n fye abugba mi, kwa ce fye. Fye wu fye azaje, fyei kwo ɓa n zabura yi, n anyi zafun nyayi, fyei kwo anyi ga Dagayi n bugba dayi.

Atasalunikayi I 3:12

Fa Dagayi wa zhin ofye yeye kwa mwa lo abye-abye, kwa nu, kwoi gyiya ga efye azaje n na azayi vinya, shi eyi ye-ye ɓe fye aba nyi.

Atasalunikayi I 4:1

Omi azaje fye kpelo, shi fye ɓa da Shekwoyi bugba, dna n fye asese fyegyi-fyegyi, gama fye kpe wyidna ye lo n yi ɓei ga fye dna n Dagayi Yesu, Nsaiye yi gyi fye wye dna n Dagayi Yesu, nge fye zan-zan shi ya wu fye.

Atasalunikayi II 1:3

Omi azaje, Shekwoyi godiya zhin ntu fye ɓo kwo to zhin ɓe mana nu kawain, eyi tnu-tnu nu n Shekwoyi aba, ntu fye gaiciya ga mwa-mwa yi ɓo, ntu ofye ye-ye ɓo n kwo mwalo n na aje aba nyi.

Timatawus I 5:13

Nko avun, kwoi wulo ɓa wo bwato, ɓa gyi esa ɓai laɓa ɓai vi apuwa, ɓai zhin agnagbai, ɓai fi aza aɓo abwa.

Titus 3:14

Gama tilas eyi aza ɓa tumwi ɓa bma aza zhin n ɓa kunce a bma ɓa zhin, nɓa wye-wyeyi ɓa zhin ampanyi.

Filimon 1:6

Mi zhin aduwa mi gna aza oho gaiciya ga ɓo, kwo ɓa shi ɓa wye-wyeyi ce, shi ɓa gye anya a manayi n ho, n ɓa kun n Kristi Yesu aba nyi.

Aibraniyi 6:12

Fye to wo bwato m. Fye vi anabawa kwo-kwoyi bwi. Gama ɓa dagma lo n sayi n Shekwoyi aba. Ɓala Shekwoyi alkawali gwo.

Bitrus II 1:2

Fye ye Shekwoyi alheri lo woye ga fye lo abye? To, fye tumwi fya kpe woye lo abye-abye.

Bitrus II 1:3

Ntuge n fye kpewoye labye, wo ɓa ga fye, dna nwo iko yakwo, anya vinya n fye ɓa pmai, ntu na sase manai ɓo: har wo zhin wa gayi owo latu n ɓemanai yi.

Bitrus II 2:20

Esanu oza la pwo n aɓenukwoyi anyi nya zokwo, ntu yi Dagayi n Gniyi yi Yesu Kristi yekpe ɓo, wa je lodna n laifi wa ze kwo fyenu njesun, wo zhin wa gna sapa wunya.

Bitrus II 3:18

Ama fye mwa fi n alheri, n yekpe yi eyi Dagayi n Gniyi yi Yesu Kristi nya. Mwamwa vinya n latu yakwo yi, ɓa kunsun woi nyalo-nyalo. Amin. Sai wyihoi.