Bitrus II 1:6 - Alkawali Woiwoyi

⁶ Nnavun fye tumwi fya ga ofye ɓopwawo nnabai fya ze amizhiyi nna Shekwoyi zokwo viyi yi, fyei fa Shekwoyi wa wu fye zokwo dna na gmada.

Bitrus II 1:6 ပူးပေါင်းရင်းမြစ်များ

Luka 21:19

“Fye ku zhi dai-dai ntuge fye ɓei gni fyehin n lonu nu.

Luka 8:15

Amma ekni manayi wu ngye aza abugba manayi da nu. Ɓa zhin ɓa wo Shekwoyi ɓeda ɓa nyimako sosai har ɓa lo azado ncei, ntuge ɓa ka gaiciya ga ce.”

Atnu-tnuyi Aɓozhin 24:25

Wa daɓo nɓai tu efyece ɓo, n ɓemanayi zhin yi, n wa da yi nkwo ɓo lo nyi. Feliks wa wo dna shi wo ɓo wo aɓeye. Wa gna Bulus ge, “Lo kpa nɓa je ho yi mi la esa bwa.”

Aromayi 15:4

Aɓeye n na cei kafi n litafi tunyi n sapa nyi, a kafi ntuge ɓa wuyi-atnazhin n bugba kala bwayi nu. Nnabayi ya pmi peceiye n hakuri yi har ewyi n Shekwoyi ɓe zun laifi kni n efiyi.

Aromayi 2:7

Wo ɓei ga aza n ɓa zhin Shekwoyi ɓeye n hakuri yi, Wye-wyei nyalo-nyalo nya, ɓai zan mwa-mwa n latu yi shin n wyewye yi nyalo-nyalo nyai nwo ganyi.

Aromayi 8:25

Ama ndei yi ga Shekwoyi gaiciya n nya tukwo n kwoto zhin, kwo wu yi nge yi pmi n hankuri yi n bugba kalai.

Akorintiyi I 9:25

Zaho-zahoi wo zhin wyefan-yi wo zhin wa gawo nayi wahala, woi tu aɓomwi, woi wan aɓo fi. Wo zhin lo nu ntuge wa gwo lada nu nkwo ta mwa sa m. Ama yi zhin ntuge ya gwo lada eshe nya nu n koɓa mwasa har nyalonyalo.

Akorintiyi II 6:4

Maimakon lo nu dna nyahonyahoi n ya zhin, yi wu ge yi zhin Shekwoyi abara nu, dna n hakuri bwa na wahala yi.

Agalatiyayi 5:23

Ɓefyece, zawanshi, peceiye. Aɓeye vinya ta zhin gaba lo na Yahudiyi aɓeknin yin.

Akolosiyi 1:11

Yi zhin aduwa n jesun, wa nu fye n wo kala yi n mwa-mwa n na bai fya gyi abye ko knidonu yi na zhiʼa. Fya ze nu-nu yi n Dagayi agmada yi cici.

Atasalunikayi I 1:3

Yi ta ze ofye atnu-tnu ye-ye nya amwi, esa n yi daɓo n Shekwoyi Dadayi, ntu fye ɓom, nfye gaiciya ga kalada yi, nfye awyetu yi nfye cei ntu Dagayi Yesu Kristi jezeɓe ɓo nna anyi nyin.

Atasalunikayi II 1:4

Adayi lo n mwa har yi gna a ikklisiya aje ofye hakuri ɓo n gaiciya ga yi n Shekwoyi, dna n fye wahala n fye sin nyi.

Atasalunikayi II 3:5

Dagayi ɓa ga fye awyega fya gane n Shekwoyi ye-ye yi, n hakuri yi n kwo gmi n Kristi aba nyi.

Timatawus I 2:2

Zhin aduwa ntu asu ɓo, na za yi n ɓa zhin a iko da vinya tu n yi eshe, kwo n ɓa n na tnu-tnu yakwoi shi, n na abai n yi ɓa sase n lafiyai, n bugba-fuyi, ya se ase manayi yi zhin nubo n Dagayi ɓo.

Timatawus I 3:16

Kwo zhin gaiciya nu asese manayi dna n Shekwoyi, kwo to zhin oɓo fafayi nun, amma amsa lo n Kristi, n wa ze zanyikwoci wa ɓe anyi, a gye wo n gyi-gyi n tna laifi dna n wo Zafun, amalaika ɓa zhin wo bauta, a zhin wo waʼazi n anyi vinya, aza gwowo n na aba vinya laɓa, a gwo wo njesun wo lo eshemi.

Timatawus I 6:11

O, Timatawus, ho zhin Shekwoyi zanu, bu aɓo nukwoyi ye si vinya, ha zhin oɓo n kwo wu cewo n bmiya, hoi tumwi ha kpema wu, hoi ye azaje, ha zhin hankuri n mi bwai.

Timatawus I 6:3

Azaho ɓa na aɓeye ɓo, ama ɓanu zhin wuwu hin-hin Dagayi Yesu Kristi nya. Oɓa nu zhin tushi asese manayi nya.

Timatawus I 6:6

Ho cei pma ha zhin nyabwayi hin-hin? Ho la ze nyabwayi n gye ho zhin ɓemana lo hoi dagma.

Timatawus II 3:5

Ɓa ɓei lo aduwa nyakun, ama ɓato ɓei ga nya ho gaiciya n ɓa wo n ɓon. To ye ɓa dna ho kwocen.

Titus 1:1

Wasika ye kwo gmi n Bulus akun nu, Shekwoyi fyenu, Yesu Kristi tnu-tnuyi.

Titus 1:8

Ɓa ze azhiɓeyi goyi n ɓa puwa, ɓa ye enya n kwo bmiya ɓa ze aza awyega da, ɓai zhin ɓo n kunce, ɓai zhin aɓo manayi nubo to ge a tukwo-gnana kwoyin.

Titus 2:2

Wu azakwoi ɓa ku ɓahin wanshi, ɓai zhin ɓe manayi, ɓai kpe gaiciya ye ɓai zhin ɓeho-ɓehoyi n ye-yei n bugba bwayi.

Aibraniyi 10:36

Fye zhin peceiye, fya zhin hankuri. Deye fye zhin Shekwoyi ɓeye nu. N fya zhin Shekwoyi ɓeye, fye ɓei gwo lada n mwa.

Aibraniyi 12:1

She azalo n mwa ɓai shi ya, wye nyi, yi ku akaya shanwoyi ya, yi ku a laifi fa nɓa shi yi nyi to ɓai ye ge ya gyi abye nyin. N nabai ya zan-zan dna n gaiciya n hakuri yi n Shekwoyi la shi n ya bye nyi.

Aibraniyi 6:12

Fye to wo bwato m. Fye vi anabawa kwo-kwoyi bwi. Gama ɓa dagma lo n sayi n Shekwoyi aba. Ɓala Shekwoyi alkawali gwo.

Aibraniyi 6:15

Ibrahim ɓei bwa hankuri sosai, navun wa ma Ishaku.

Bitrus II 1:3

Ntuge n fye kpewoye labye, wo ɓa ga fye, dna nwo iko yakwo, anya vinya n fye ɓa pmai, ntu na sase manai ɓo: har wo zhin wa gayi owo latu n ɓemanai yi.

Bitrus II 3:11

Tunda anya vinya n shegunyi laɓa ɓa ɓei wuya, ashe ko to bmiya lo ya se ase gyi-gyi yin?

YOHANNA ƁEWYEGYE 1:9

Ominu, efye zado, Yohanna, wahala kun-sunyi ntu n Yesu ɓo, n wo ka fye wasika ye, emihin ce, mila hakuri bwa n Yesu ga, yi ɓei gyi ebe n woyi. Mi ɓei tu n muse n na yi kwo ge Batmus, n na ɓei nyami ya ntu ge mi zhin Shekwoyi ɓeda waʼazi, mi-i da oɓo n mi kpeyolo n Yesu Kristi tukwo.

YOHANNA ƁEWYEGYE 13:10

Shekwoyi aza n na ɓai zhi n kurkuku ɓo, aɓei wanɓa, ai lo n ɓai, aza n na n ɓai zhi n efi ɓo aɓei wuɓa, Amma fyeto wo ednan, gama efye sa nyi hankuri nya n bugba kalayi.

YOHANNA ƁEWYEGYE 14:12

Fa deye kwa ga Shekwoyi aza kala, ɓa zhin hakuri dna n wahala doho-dohoyi n nazhinyi, gama aza n ɓa mi zhi n kalayi dna n wo awyi-dnai vi, ɓai kpema Yesu, ɓa zhin aza gyi-gyi-yi nu.

YOHANNA ƁEWYEGYE 2:2

“Wo ciho ge, Mikpe lo shiho zhin aɓo manayi nsun, miku gye oho kukari n hakuri yi, mi kpelo hota ye n laifiyi n ho aza aban, hoi la aza pmi nɓa ci ge ɓa zhin atnu-tnu-yi ɓai to zhinɓa nun, Ho ku kpe n gye shiɓa ce a kata.