Bitrus II 1:19 - Alkawali Woiwoyi

¹⁹ Ntu cenu yiku gye yi-i ku kpe ge oɓo na anabi ɓei danyi kwo laze gaiciya. Kwo ɓa bma fye zhin, fya ku bugba ga enya ɓa ɓei kanyi, ntuge she buzangna zhin kwa bmiyana fi n na wyegma ba nyi, oɓa ɓeda bmayi zhin yi kpe aɓo ye n ɓa ɓei ɓa dna yi wyegma n dnaɓo. Ama esa nfya dna gaiciya manai a anabi nya wye, buzangna bmiya fi n fya bugba n sayi Kristi-Kpasu Labmi nya-wa bmiya fi fye n fya bugba mi.

Bitrus II 1:19 ပူးပေါင်းရင်းမြစ်များ

Matta 4:16

“Aza nɓa ɓei sase fi n wyegma ɓaku gye buzagna dnagmayi. Ɓa ɓo sase fi n ʼkni efi nya nu. Buzangna kwa kpeya da ɓa.”

Yohanna 5:35

Yohanna ɓo zhin fitila nu nfya ʼba, fya bwa agmada dna nwo buzangna nsayi fyewyi.

Yohanna 5:39

Fye zhin fya ba, Littafi Gyi-gyi-yi ntuge fye gye ge kwo ɓa ga fye wye-wyeyi. Littafi Gyi-gyi-yi da ɓeda tu nmi tukwo nu.

Yohanna 8:12

Yesu wa je gwodu n nyawuyi wa cige, “Omi nu zhin buzangna anyi nya, oza nwa vi mi wo ta zan-zan dna n wyegmam, ama wo ɓa bwa buzangna wye-wyeyi nya.”

Atnu-tnuyi Aɓozhin 15:29

Amma fye ɓa fa a shan nya gyi ɓo, n na nya yi n na to zun shan, to fya zhin anagbayi m. N fya zhin lonu ko la kun sai wyihoi.

Atnu-tnuyi Aɓozhin 17:11

Aza n Beriya ɓei n yeyei du a Tasalunaikayi. Ɓa gwo Shekwoyi ɓeda na gmadai, ɓai ba fyegyi-fyegyi dna n Shekwoyi ɓeda, ntu ge ɓa kpe ge nya n Bulus da nyi kwo zhin gaiciya nu.

Aibraniyi 2:2

Anya amalaika ɓei da nyi, gaiciya nu. Owa gnanazun n tna ɓo vi ko ɓei la ɓe n tatai. Yesu kwa duduyi nu. (Wo du amalaika lo. Owo ɓeda du ɓa nya lo njesun).

Yakubu 2:8

E, ɓehin-hin, kwo bmiya fya shi Dagayi wyidna bwa, “Tilas ha ye nho kunzhinyi ha bmawo zhin shi ho ye hohin tukwo.”

Bitrus I 1:10

Gni-gni ye zhin enya nu n na anabi to ɓei n kwo awyega yin, kwo da yake ɓa ɓei ku ka nkwo tukwo, ɓa ɓei n na ɓenya-nyai mwa n kwo awyega tukwo.

Yohanna I 5:10

Aza vinya n ɓa ga ɓeye gaiciya nɓa bugba, ɓa kpelo ge kwo zhin gaiciya nu. Zaho-zahoyi n wo to ga ɓeye gaiciyan wo yi Shekwoyi nu ge za kata. Ntuge wo ta ga gaiciya lo tu oɓo n Shekwoyi ku da n wo Nugun tukwon.

Yohanna III 1:6

Ɓaku oho alheri ɓo gna eklisiya n ya, nho yeye atnu-tnu yi. A dami lo shi ho ɓei tnu n na a cauta yi n aza kun nɓa diya nyi.

YOHANNA ƁEWYEGYE 2:28

Miɓa gawo kpasu labminya!

YOHANNA ƁEWYEGYE 22:16

Omi Yesu, mi la tnu n mi malaika yi, wa gna a eklisiya aɓeye, e mi nu zhin Dauda abye tukwo n wo yawyi. Ominu zhin kpasu labmi nya.”