Bitrus I 5:9 - Alkawali Woiwoyi

⁹ Lami-gni esa n wo aɓeda ho, lakpe ma Dagayi, ha pa ge a Yesu viyi-aje n na nyiye vinya ce, sin wahala lo n ho sin nyi.

Bitrus I 5:9 ပူးပေါင်းရင်းမြစ်များ

Luka 22:32

Amma miku adduwa zhin ga ho, Siman n nabai n ho gaiciyaga ta shan-shan m. Amma esanu ho ɓei jezeɓe dami, to, mi cei pma hoi mi oho azaje zhi.’ ”

Yohanna 16:33

Ma gna fye deye, ntu ge fya bwa bugbafu nu. Fye ɓa bwa wahala dna nanyi ye. Ama agu-tu-fye ngye apma, Miku nasara zhin n nanyi yi.”

Atnu-tnuyi Aɓozhin 14:22

Ɓai bma a Yesu viyi zhin n Yesu ɓedayi, ɓa gna ɓa ge ɓa to fa Yesu m. Kwo wahalai nu ɓe, ntuge zokwo nu bwa sun nu n ko ɓa lo n yi n she.

Akorintiyi I 10:13

Jaraba daho-dahoi n kwo ɓa ɓe haba, to oko pya nu ɓe azaje aba ce. Ama Shekwoyi zhin gbenu-yi nu. Wo ta ye ge a zhin ho jaraba n ko ɓa duho kala wyim. Esa n ha lo jarab ho, Wo ɓa gaho kala ha gni agni dako, har Wa wu ho zokwo n ho ɓa gmiya nkwo mi.

Afisusuyi 4:27

Gama n ha gyi minagyi, ho ga shetan apita tu ba nu.

Afisusuyi 6:16

Nkun doho-dohoi fye ɓa pma gaiciya ge, kwa ze fye kpata, kwa gwo fye aknawyi ya n shetan shefye nyi.

Akolosiyi 2:5

Gama ko mi lo n kpai n fyei, omi bugba kunsun lo n fyei, ai dami ntu fye gaiciya ga kalada ɓo dna n Kristi.

Timatawus I 6:12

Shunkun ga Shekwoyi, la nyima wye-wyeyi nyalo-nyalo nya n Shekwoyi la gaho nyi. N ho ku kwo seida zhin n na za abye n mwa begye nyi.

Timatawus II 3:12

E, aza n ɓaye ɓa zhin oɓo n kwo da Kristi Yesu, ɓa ɓa sin wahala n aza kun n ɓa wun wo nu nyi.

Timatawus II 4:7

Miku okun sun n mwa ntu n emi Dagayi ɓo, Dna n kwo vinya miku ɓefyece zhin. Nsaiye esa lasi n mi ɓa fa kun sunɓo ma sun.

Aibraniyi 11:33

Oɓa vinya ɓa ɓei kpema Shekwoyi, Ɓa ɓei gyi kun, ai ku asu ya n ɓa gyi nyi, ɓai gyi be, ɓa gwo anabarka. Har ɓa wu agagwo, to agaba mi nɓa nyaho zhin.

Aibraniyi 12:8

Dole ata aɓi, oɓa dada ɓa zhin Ba fi n zokwo. Amma n Shekwoyi to ga ho tata m, ho to zhin wo nya nu m.

Yakubu 4:7

Ntucenu fye ga fyehin n Shekwoyi a kun ntna tukwo mwa.

Bitrus I 1:6

Ntu cenu a da fye n mwa, a gmada yakwo lo n fya bye, kwoda shike ezan dna ɓo lo n saiye kpa ntu mu-mugye ɓo nɓa ɓe fya ba nyi.

Bitrus I 2:21

Wahala ye pya dna lo n tnu-tnu mi n Shekwoyi wa ga fye. Kristi nwo ɓei sin wahala n fye ɓo nyi, wonu zhin fye e-fye, fye vi wa pita ʼbwi.

Bitrus I 3:14

Ama kwo kola ze ge fye ɓa sin wahala ntu befyece zhin ɓo, anabarkada nu fyei. Fye to wo ɓa dnam, to efya bugba kukalam.

Bitrus I 4:13

Ama ada fye dada nu ntuge awahalaye ɓa ze fye gmanyi n Kristi yi dna n wo wahala, n na vun fye ɓei bwa agmada yakwo dna nwo latu n kwo ɓelo nyi.

YOHANNA ƁEWYEGYE 1:9

Ominu, efye zado, Yohanna, wahala kun-sunyi ntu n Yesu ɓo, n wo ka fye wasika ye, emihin ce, mila hakuri bwa n Yesu ga, yi ɓei gyi ebe n woyi. Mi ɓei tu n muse n na yi kwo ge Batmus, n na ɓei nyami ya ntu ge mi zhin Shekwoyi ɓeda waʼazi, mi-i da oɓo n mi kpeyolo n Yesu Kristi tukwo.

YOHANNA ƁEWYEGYE 6:11

Aga zahozahoi n ɓami aje abui-bui, a gna ɓa ge, ɓa sun esa fyewyi, sai aku oɓa azaje wu n anyi, nɓa zhin Yesu afyenu nyi, ɓa ku ɓe da ɓa.

YOHANNA ƁEWYEGYE 7:14

Maci ge, Awo, Shekwo Mwasa, mi gyiho wye, ha gnami. “Aza nyi n ɓa kun n wahala Dnagmayi, ɓala oɓa aje zhanya n bui-bui fi n kugya ami.