Bitrus I 5:8 - Alkawali Woiwoyi

⁸ Fye zhin peceiye fya ku zhigu, ntuge shetan, ofye nuwun-yi yakwo, wo zan laɓa ngye gaba mikunyi nu woi boh, woi ye oza n wo ɓa wan wa saya.

Bitrus I 5:8 ပူးပေါင်းရင်းမြစ်များ

Matta 13:39

Nuwunyi n wo ɓo bye alogyi fi na shewyi nyi, Shetan nu; ashewyi gbe sa ko zhin anyi zo sa, ashewyi gbe-yi a malaika nu.

Matta 24:42

“Ntu ce nu fye zhi n shiri zhin, ntu ge fye ta kpe nyipyei ye lo nfye Dagayi wo ɓe lo m.

Matta 25:41

Ma ɓo pmi ma gna aza, nɓa zhi nmi bwaikmi nyi, Fye la ku mi ka, aza aknituyi, fya lo ena a ɓo zhin shiri ntu Shetan ɓo ɓedo nwo amalaika yi nyi.

Matta 4:1

A Avun Zafun Gyi-gyi-yi wa lo n Yesu yi n zhabui ntu ge Shetan wa dna wo jaraba.

Matta 4:11

Shetan wa lo wo nya, amalaika ɓe ɓa vi Yesu ɓo.

Markus 4:15

“Zokwo n nyabye ho ɓei kaya zhi nyi, kwo wu gye a-za n ɓa na kuta ɓugbayi fyi. Sa n ɓa wo Shekwoyi ɓeda, Shetan wa ɓe n sayi-sayi yi, wa zhin ɓa ɓa zo kwa mwi.

Luka 21:34

“Fye zhin peceiye, Fye to fa agmada n jesin yi har ɓedo n damuwa anyi nya ɓa ku fye gnagna m, kada nyipye yi ɓei ɓe to fyei dna ce m.

Luka 21:36

Fye zhin peceiye, fyei zhin aduwa n nabai n fye ɓa bwa akala fyei kunya n aɓoye vinya n lafiya yi. N nabai fye zhi n oza Nugun aba dai-dai.”

Luka 22:31

“N sa dohoi Yesu wa ci Siman ge, ‘Siman, Siman, kna tnubua ha wo shetam la izini gwo, ntuge wa zhin fye jaraba nfye vinya shi fanuyi zhin wa kun osin ya n awyi-byegye nyi.

Yohanna 8:44

Ntuge fye zhin ofye dada aɓi nu, shetan, ntu cenu fye cei pma fya zhin aɓo nukwoyi ngye wo. Wo ɓei zhin zawuyi nu tunyi nsapa, wo ta ye gaiciyam. Wo dami nna katayi, ntuge wo nu zhjn akata cei ʼsu.

Akorintiyi II 2:11

Nna bai to shetan wa gyi nasara n yi m, ntu ge yi kpe wo shiri ye lo vinya.

Afisusuyi 4:27

Gama n ha gyi minagyi, ho ga shetan apita tu ba nu.

Afisusuyi 6:11

Fye kpe Shekwoyi akun kaya vinya, n na bai nfye ɓami fya gni-agni n Shetan yi, n wa dabara yi.

Timatawus I 2:15

Ntu cenu Shekwoyi wa tnu anyikwoza n na azhinyi, esa n ɓa ma aɓi n cei, ama woɓa gniɓa wyewyeyi ɓai ya kpema wo, ɓai se ase pi-pi-pi, n bmiya ɓai ye n na azai.

Timatawus I 2:9

Anyikwoza ce ɓaku ze lo nu, ɓaku ce pi ɓa zhin ɓo kwo bmiya, ɓai pa aje cewo. A Yesu-viyi anyikwo a kpeɓaye ntu n ɓa ɓemana zhin ɓo, to n zokwo shiɓa zhin ɓahin aba, kwo tukwo knin, kwo anya shi-shi, kwo aje anakwoyin.

Timatawus I 3:11

Oɓa anyikwo ɓaku ɓahin wan shi to ge a jesin yakwo yin, to ge a ɓo shanyi n, ama a gaiciya da dna na aɓo vinya n ɓa zhin.

Timatawus I 3:2

Gama tilas Pasto wa zhin oza manayi n na ta dawo ɓeda nukwoyi n, n nyikwoyi gmanyi. Woi zhin tnu-tnu n kalayi, woi zhin nubo, cewo n nu-nuyi n na aɓemana zhinyi. Wa bwa bugba bui a zhiɓeyi ɓai ya ɓe wo puwa, wa zhin malami manayi dna n Shekwoyi ɓeda.

Timatawus II 4:17

Ama Dagayi ɓei gnisun n miyi wa gna mi esa ma zhin waʼazi tna edna anyi vinya ɓa wo. Wa gni mi n na agaba ʼgbe.

Titus 1:8

Ɓa ze azhiɓeyi goyi n ɓa puwa, ɓa ye enya n kwo bmiya ɓa ze aza awyega da, ɓai zhin ɓo n kunce, ɓai zhin aɓo manayi nubo to ge a tukwo-gnana kwoyin.

Titus 2:12

Ɓedo n na awyegayeyi yekpe n ge Shekwoyi ye ya pmi avun wu aɓo nukwoyi n na aɓo awyeda nukwoi, ya ze aza manayi, ya wo Shekwoyi dna fyegyi-fyegyi.

Titus 2:2

Wu azakwoi ɓa ku ɓahin wanshi, ɓai zhin ɓe manayi, ɓai kpe gaiciya ye ɓai zhin ɓeho-ɓehoyi n ye-yei n bugba bwayi.

Titus 2:4

Anyigbakwoyi ye ɓa wu anyikwo aza-zayi ɓa sase pi-pi ɓaye n ɓa ɓayi, ɓedo n ɓa ɓiyi.

Titus 2:6

Elonu, gna aɓi-a-nuyi ɓa zhin peceiye ɓai wan ɓahin shi naɓo vinya.

Yakubu 4:7

Ntucenu fye ga fyehin n Shekwoyi a kun ntna tukwo mwa.

Bitrus I 1:13

Ntucenu fye ku fyehin wan shi, fya pmi n na wye tuyi tu n Shekwoyi alheri nkwo ɓe fya ba lo, esa n Yesu Kristi ɓa jezeɓe cei nyi.

Bitrus I 4:7

Anyi zo ɓelo esa fyewyi, ntucenu fye lace, fya zhin aduwa nubo cici.

YOHANNA ƁEWYEGYE 12:10

Navun, mawo begye kwoi sawyi dna n eshe, kwo-ku kma zhin, “Shekwoyi gni-gni, n ikoi, n ebei, n fukunci Kristi nyayi la ɓe n ya, gama owo n wo zhin ɓa sara n Shekwoyi abye n sukwoyi n nyipyeyi, alawo sheya dna n anyi.

YOHANNA ƁEWYEGYE 12:12

Fye dagma o, eshemi, ofye n fye zhin eshe aɓinyi. Ama aiya n fye aba aza nfye fi n anyi nyi, gama shetan n la ɓe dafye n minagyi yakwoi, Ntuge wo kpelo owo esa to ye kun lon.”

YOHANNA ƁEWYEGYE 12:9

Dragon yakwoye, owa kwo-kwoi n na yiwo Guzhenyi n satan yi nyi, n wo dna anyi vinya kwoce nyi, a shewo ya dna n anyi ɓedo n wo amalaika yi.

YOHANNA ƁEWYEGYE 20:10

Nnavun, Shetan nwa dnaɓa kwoce nyi ai shewo yadna n ena zundna n kwo gyi n sulfa yi nyi, aba n Nyawan-nyawan n Anabi katayi fi nyi, ai wu ɓa anyi n nyipyeyi n sukwoyi nyalo-nyalo.

YOHANNA ƁEWYEGYE 20:2

Wa wan Dragon, owa kwo-kwoi, oza nukwoyi, Shetan, wa pawo n na agma yi har eye tagyi ngun awo, (1,000).