Bitrus I 5:12 - Alkawali Woiwoyi

¹² Mi ka fye wasikaye n Sivanus bmazhin yinu, n mi wyegye, wo zhin eyi zado gbenu-yi nu. Mi nna wyetu yi lo mi la bugba kala ga fye dna n wasikaye, ntuge mika seida gaiciya nya ga shi Shekwoyi tu anabarka wu. Nya ma gna fye dna ya nyi kwo kunce lo kwa bma fye zhin fya mi zhin dna wo ye-ye.

Bitrus I 5:12 ပူးပေါင်းရင်းမြစ်များ

Yohanna 21:21

Shi Bitrus ɓo gye wo, wa nya Yesu ge, “Dagayi oza deye mwa?”

Atnu-tnuyi Aɓozhin 11:23

Wasi Antakiya wagye aɓo wowoyi, n Shekwoyi a zhin nyi, a dawo n mwa, wa mi ɓa zhi, wa gna ɓa ge ɓa la nyima Dagayi.

Atnu-tnuyi Aɓozhin 15:22

Ikklisiya atukwoda n Urushelima ɓa kni Yahuda n Sila yi, ntu ge ɓai gni lo n Bulus yi n Barnaba yi har Antakiya, ɓa lo ɓo da enya n na da.

Atnu-tnuyi Aɓozhin 20:24

Omi wye-wyei zhin gbeloyi nu sai dai ma zhin a pma n kwoi, ma zhin tnu-tnu n Shekwoyi ga mi nyi. Emi tnu-tnu nu ge ma gna azaje Shekwoyi yeye ɓo, nwo alheri yi.

Aromayi 5:2

Ntuge, ntu n yi gaiciya ga ɓo nu n wa ɓe n yi n aba n yi gni-agni zhin n saiye nyi. Yi n bugba kalayi n agmadayi, yi shiwye ya ze enya n Shekwoyi n ceyi dna n bugba ntu yi ɓo ya ze.

Akorintiyi I 15:1

Nsaiye dei mi cei pma ma cefye ɓepa Nabari Manayi nya n mi ɓei zhin fye kwo waʼazi nyi, fya gwo ko, ofye gaiciya-gai mitu n konu nyi.

Akorintiyi II 1:19

Ntuge Yesu Kristi Shekwoyi nugun n Sila ɓei zhin fye waʼazi n wo tukwo nyi. Har Timatawus ɓedo nmi yi ya kuje fye gna nyi, wo to zhin oza nu nwo ci ge, Eh, woi je ci ge aʼa m. Ama wo zhin wa ci ge Eh nu, deye kwa, ko gmi n Shekwoyi aba nu.

Akorintiyi II 1:24

Yi ta tu fye dole nu ge fye vi nya yi da nyi m, gama fye gni-agni lo so-sai dna gaiciya, yi zhin tnu-tnu nfyei ntuge fya dagma.

Afisusuyi 6:21

Tikikus, emi zado ye-yei gaiciya da, nwo bmami zhin dna n Dagayi tnu-tnu nyi, wo ɓa gna fye shi mi lo n ya.

Akolosiyi 1:7

Abafras, eyi za yeyei, tnu-tnu kunzhin yi, owo nu ɓei ɓe fye n Nabari manayi yei. Wo zhin Yesu Kristi fyenu gbenuyinu. Wo lo woi bma yi zhin n ya nfye maimako.

Akolosiyi 4:7

Tikikus eyi zado ye-yei, wo ɓa gnafye shi mi wulo, wo zhin oza nu n wo zhin tnu-tnu n kalayi, woi zhin Dagayi tnu-tnu n gnisun n mi yi.

Akolosiyi 4:9

Mi tnu n Onisimus yi, eyi za ye-yei ɓemanayi zhinyi, oza nfye mi, owo n Tikikus yi ɓa ga fye nabari vinya.

Atasalunikayi I 1:1

Wasika ye gmi n Bulus aba nu, ɓedo n Silwanus yi, n Timatawus yi, kwoi lo ikklisiya aba n Tasaluniki, ofye nfye zhin Shekwoyi; Dada nya, n Dagayi Yesu Kristiyi nyi. Anabarka, n bugbafu yi, ɓa ze efye cauta dnagmayi nɓa kun n Shekwoyi eyi Dada aba n Yesu Kristi eyi Dagayi nyi.

Atasalunikayi II 1:1

Wasika ye gmi n Bulus akun, n Silwanus yi, n Timatawus yi, Kwoi lo ikklisiya aba n Tasalunika, nfye zhin Shekwoyi eyi Dada n Dagayi Yesu Kristi nya nyi.

Aibraniyi 13:22

Omi-azaje, kna tnubua n ɓo mi ku da dna n wasika ye mi.

Bitrus I 1:13

Ntucenu fye ku fyehin wan shi, fya pmi n na wye tuyi tu n Shekwoyi alheri nkwo ɓe fya ba lo, esa n Yesu Kristi ɓa jezeɓe cei nyi.

Bitrus I 4:10

Shekwoyi la aɓozhin-zhinyi ga zaho-zahoi n, fyemi, fye zhin apma ɓai, ntu naza bmazhin ɓo, fye ce Shekwoyi anabarka ga azaje nwo ga fye nyi.

Bitrus II 1:12

Miye ma ce fye ɓepa cici n na ɓeye tukwo, kwo shikwo nyi fye kpeɓa yelo, fyei viɓa lo cewo.

Bitrus II 2:15

Ɓaku bwi zokwo ɓaku ze ngye Balamu Basura nugun, nwo ɓei kayadna n ye-ye n na gyiwyei, n wo ɓei ye wa bwa dna n ɓenukwoi zhin nyi.

Yohanna III 1:12

Ozaho-zahoyi ɓedo n Gaiciya yi n kwohin tukwo ɓei zhin Dimitriyus seida, emi n mihin tukwo mi ɓa da ɓo gmanyi nu, hoi kpelo ge mi da gaiciya nu.

Yahuda 1:3

Omi anugundo ye-yeyi mi zhin shiri maka ga fye ntu n gni-gni ɓo n Shekwoyi la gayi, Ama nsaiye kwo la ze dole ma ka fye n nyaho tukwo gbo, ma gna ge fye sunkun n wyei bmi ntu n gaiciya ɓo n Shekwoyi ɓei ga owo aza, bwa sun gmanyi, ɓa shikwo ntna doshanyi, aye yi mwa begye.