Bitrus I 5:10 - Alkawali Woiwoyi

¹⁰ Esa n fya ku wahala sin esa fyewyi, eyi Shekwoyi, n wo nu-nuyi n sun-sun gyei dna n Kristi nyi, wo ɓa ga fye mwa-mwa nyalo-nyalo nya. Owo n wohin tukwo wo ɓaɓe wo ku fye, wa mi fye zhi, wa ze fye akala-da ndu sapa.

Bitrus I 5:10 ပူးပေါင်းရင်းမြစ်များ

Luka 22:32

Amma miku adduwa zhin ga ho, Siman n nabai n ho gaiciyaga ta shan-shan m. Amma esanu ho ɓei jezeɓe dami, to, mi cei pma hoi mi oho azaje zhi.’ ”

Aromayi 15:13

Nlonu mi zhin aduwa ga fye abyedo, n na bai Shekwoyi n wo gafye awye tunyi, wa ga fye a gmada n bugbafu yi, shi fya gawo gaiciya. Mi zhin aduwa n Shekwoyi ɓa nu fye n awyetu yi dna n Zafun Gyi-gyi-yi iko n wo dna n fye nyi.

Aromayi 15:5

Shekwoyi n wo ga hakuri, n migniyi, n bugba kala yi, wo bma fye zhin fya sase n na jeyi n bugba dayi za-zai wuwo do Kristi hali.

Aromayi 16:25

Mi fi fye n Shekwoyi akun, n wo ɓa mi wa ga fye kala, fya mizhi n Dagayi nyi shi Nabari Manayi da. Shi ma gna fye n wu nyi. Shekwoyi gni-gni shiri nyi ntu n fye ɓo abyedo n soshi tnuyi n sapa. Ama shi anabi ɓei ku pmada shi Shekwoyi wa gbe, a zhin Nabari ye waʼazi lo n na abaho-bahoi, n na bai aza vinya n na anyi, ɓa ga Kristi gaiciya ɓa vi wo ɓo. Shekwoyi gmanyi n cece wum wo nu nyi, mwa-mwa kunsun n woi ntu n Yesu Kristi ɓo. Har nyalo-nyalo Amin.

Akorintiyi I 1:10

Ama, oma-zaje, mi gyi fye wye dna Dagayi Yesu Kristi ʼye, fye ku ɓeda ajegna nya ya nfya tasin. Fye ku ze gmanyi, to ajegna lo aduwa nyakun m. Fye la ye ɓedo, efye ɓo nubo-zhin gmanyi, ɓemwi gmanyi njesun.

Akorintiyi I 1:9

Shekwoyi ɓa zhin fye ɓeye ntna kma-kma, ntuge Wo zhin Wa zhin ɓo Wa da cim-cim. Owoi nu na yi fye ge fya zhin nugundo nwo nugun yi Yesu Kristi.

Akorintiyi II 13:11

Mi zo emi wasika n na ɓe da ye yi. Fye da gma fye mwa fi n Kristi fye kna aɓo tunbua n mi ku da nyi, Fye sase n bugba-doloyi, n bugba fuyi. Shekwoyi ye-ye nya, n bugbafu nyayi wo kunsun n fyei.

Akorintiyi II 4:17

Wahala ɓiyi ye n yi sin kwo nyi kwa, kwo ta mwasa m. Amma kwo ɓaɓe yi mwa-mwa dnagmayi nyalo-nyalo nya, n du eyi wahala ye.

Afilibiyi 4:13

Gama mi ɓa mi ma zhin nyaho-nyahoi n Shekwoyi a gnami dna n Kristi bmazhin n wo gami kala n iko yi nyi.

Akolosiyi 2:7

Fye fa efye agbegye ɓa mifi n wo, fya bwa nyagyi zafunya nwo. Fye gyi abye n mwa-mwa yi dna n Dagayi, fya ku dna kala n mizhi n gaiciya, n na ɓei wu fye nyi. Ofye awye-wyeyi ɓa nu na gmadayi n godiyayi ntu n nya ɓo n wo ku zhin.

Atasalunikayi I 2:12

Nge, fye to ye, efye ase-se, kwa wun Shekwoyi bugban, ama fye gawo bugbabuiyi n wa yi fye fi n wo ebemi nyi, fya gwo wo mwa-mwa nyi.

Atasalunikayi II 2:14

Wo ɓei zhin apma n yi, wa gna fye Nabari manayi. Wa yi fye fya ɓe fya bwa mwa-mwa eyi Dagayi Yesu Kristi nya.

Atasalunikayi II 2:17

Wo zhin fye bugba a tna, n na atnazhinyi vinya, wa bma fye zhin n ɓo manayi vinya, n fye ɓa zhin fyei da.

Atasalunikayi II 3:3

Ama Dagayi zhin egbe-nuyi nu, wo ɓa ga fye kala wa gu fye n Shetan agam.

Timatawus I 6:12

Shunkun ga Shekwoyi, la nyima wye-wyeyi nyalo-nyalo nya n Shekwoyi la gaho nyi. N ho ku kwo seida zhin n na za abye n mwa begye nyi.

Timatawus II 1:9

Owonu na gni yi, wa kni yi, n tu n wo tnu-tnu gyi-gyi-yi ɓo, to ge yi kunce lo nun, ama ntuge owo shiri nu tunyi kafin asa anyi, n na bai wa wuyi owo alheri n ye-yeyi dna n Kristi.

Timatawus II 2:10

Mi shiri lo ma sin wahala, ndei okwo nu ɓa ɓe n gni-gni yi, n mwamwa nyalo-nyalo nya yi, dna n Kristi Yesu ga aza n Shekwoyi n la ɓa kni nyi.

Aibraniyi 9:15

Yesu wo la ɓe n alkawali woi-woyi. Kwo nyi ntu naza ɓonu n Shekwoyi la ɓa yi nyi, n na byei gbogbo, ɓa gwo Shekwoyi anabarka. Yesu fi-fi la yi loya, gama wo ɓei ku ta-ta ta gba ntu ya laifi ɓo. Anabaraka ye cauta nu.

Bitrus I 1:15

Ama fye ku ze agyi-gyiyi n ɓeho-ɓehoi nfye zhin, ngye shi Dagayi zhin gyi-gyi-yi nu n wa yi fye nyi.

Bitrus I 4:10

Shekwoyi la aɓozhin-zhinyi ga zaho-zahoi n, fyemi, fye zhin apma ɓai, ntu naza bmazhin ɓo, fye ce Shekwoyi anabarka ga azaje nwo ga fye nyi.

Bitrus I 4:11

Ala ho yi ha zhin waʼazi? To zhin waʼazi ngye Shekwoyi nu daɓo nho ʼgbe yi. Ayiho ha bma aza zhin nu? Zhin kwo n kalayi vinya n Shekwoyi wa gaho, n nabai a la Shekwoyi tu dna n Yesu Kristi, mwa-mwa n ikoyi owo nya nu har nyalonyalo. Amin.

Bitrus II 1:3

Ntuge n fye kpewoye labye, wo ɓa ga fye, dna nwo iko yakwo, anya vinya n fye ɓa pmai, ntu na sase manai ɓo: har wo zhin wa gayi owo latu n ɓemanai yi.

Yohanna I 2:25

Nwohin tukwo wo ku deye alkawali zhin yi wato wye-wyeyi nyalo-nyalo nya.

Yahuda 1:24

Nsaiye, mwa-mwa vinya n wo aba n wo zhin Shekwoyi gmanyi nyi, n wa gni yi ntu Yesu Kristi ɓonyi, e, mwa-mwa n kalayi vinya, iko vinya n ebe yi owo nya nu tunyi n kmisunyi, ɓa zhin owo nya nu tunyi n kmisunyi, ɓa zhin owo nya nu ɓai ɓo zhin owo nya nyalo-nyalo. Wo n ikoyi lo wa shifye bwa to fya taya fya miya, waɓe n fye yi ntna laifi n gyi-gyi-yi, n wo abye, mwa-mwa n kasun ci agmada nya yi, nyalo-nyalo. Amin.