Bitrus I 5:1 - Alkawali Woiwoyi

¹ Nsaiye ofye a eklisiya tukwoda, omi n mihin mi zhin tukwoda nu, n ma wyei mʼɓei ku gye Kristi woi fi tu n zundu, n mihin mʼɓei bwa wo mwa-mwa, n wo latu yi esa n wa jeze ɓe cei, Oma tukwodaje, emi wyegyi nfya ba ge:

Bitrus I 5:1 ပူးပေါင်းရင်းမြစ်များ

Luka 24:48

Fye zhin asaida-da nu aɓoye vinya.

Atnu-tnuyi Aɓozhin 1:8

Ama Zafun Gyi-gyi-yi ɓei ga fye iko esa n wa ɓe ncei, fye da mi nabari dna n Urishelima n Yahudiya yi n Samariya yi n na bai vinya. Fye da ʼmi kala-la ɓo n vingwo.

Atnu-tnuyi Aɓozhin 11:30

Ɓa ku anyagyi ye ga Baranaba n Bulus yi ge, ɓa lo atukoda ikklisiya nya cei n Urushelima.

Atnu-tnuyi Aɓozhin 14:23

Ɓa kni abyeda ga ɓa, ɓa zhin aduwa gaɓa n azumi yi sosai, ɓa fi ɓa n jesun n Shekwoyi akun.

Atnu-tnuyi Aɓozhin 15:4

Shi ɓa ɓo ku si Urushelima, ɓa lo abyeda aba. Bulus n Barnaba yi, ɓa wu abyeda ngye shi Shekwoyi lo tnu-tnu lo n ɓai n abyedo aba.

Atnu-tnuyi Aɓozhin 15:6

Abyeda ɓa yi aje zhi ɓa gundo, ntu ge ɓa zhin shaula tu n ɓeda ho tukwo.

Atnu-tnuyi Aɓozhin 2:32

Wo ɓei da Yesu nu ɓo, yi zhin aseda da nu ge Yesu la laka evingwo.

Atnu-tnuyi Aɓozhin 20:17

Shi yi ɓo si Melitus, Bulus wa tnu Afisus atukwoda ɓo, ɓa she gun yi n nuwan gbe.

Atnu-tnuyi Aɓozhin 20:28

Suku-suku, fye kpa akni Shekwoyi nya wato owo ikklisiya nwa si n wo ami yi nyi, Zafun Gyi-gyi-yi na kni fye fya ze aɓo wyednayi.

Atnu-tnuyi Aɓozhin 21:18

Efya gyi Bulus wa ku yi wa lo cei n Yakubu aba ɓedo ikklisiya; atukwoda yi n Urushelima, ya yezhi n ɓai.

Atnu-tnuyi Aɓozhin 3:15

Fye ɓo la wye-wyei Dagayi wu, ama Shekwoyi ɓo la wye-wyei gawo njesun. Yohanna n mihin yi zhin aseda da nu gama yi ɓei ku wo gye n wye-wyeyi.

Akorintiyi II 5:1

Gama yi kpelo ge, esa tent ye n yi fi nkwo nyi wato eyi nayi n anyimi ye, esa kwa miya Shekwoyi ɓei gayi puwa n she, puwa n wa mi n wohin tukwo yi, puwa n kwo ta shan miyam.

Akorintiyi II 5:8

Yi wyepai lo so-sai ama yi gna ye lo ya fa nayi ye, ya lo Shekwoyi puwa.

Afilibiyi 1:19

Mi ɓa dagma, gama mi kpe lo shi fye zhin mi aduwa Zafun Gyi-gyi-yi bmami zhin, deye vinya ɓa ze ɓemana n mi aba.

Timatawus I 5:1

To daɓo n minagyi yi n zayi n wo kwo hon, ama daɓo n woi peceiye ngye oho dada, da ɓo n na za nawyi yi ngye oho azaje ye-ye yi.

Timatawus I 5:19

To wo gnunu-gnunu tu Pasto tukwon, sai dei n aseida da lo ngun aba kwo ngun ata ɓa zun wo kni.

Timatawus II 4:8

N Eshe mi rawani pmi milo n Dagayi Alkali gaiciya da ɓei gami ewyi n wo ɓei jezeɓe n cei. To ge emi n mi gmanyin ama har na zai ɓe n ɓa sase n wyetuyi ge ɓa pmi owo jezeɓe lo n Jesun.

Titus 1:5

Ma fa ho tu n muse Karita n na abai ha zhin ɓo n ho ɓa mi ha bma a ikklisiya zhin nu n ɓa nyi nɓo. Mi ye ha kni a pasto n ezhin doho-dohoyi ha vi ngye shi mi ɓei wu ho nyi.

Aibraniyi 12:1

She azalo n mwa ɓai shi ya, wye nyi, yi ku akaya shanwoyi ya, yi ku a laifi fa nɓa shi yi nyi to ɓai ye ge ya gyi abye nyin. N nabai ya zan-zan dna n gaiciya n hakuri yi n Shekwoyi la shi n ya bye nyi.

Bitrus I 1:12

Aku gna ɓa ge aɓeye ta zhin n ɓa wye-wyeyi sa nun, ama nna aye begye avun nu. Nsaiye aku Nabari Manayi ye wuyi pei-pei, Aɓei zhinyi kwo waʼazi dna n iko Zafun Gyi-gyi-yi nya n wo gmi n ʼshe, n wo ɓei da ɓo n ɓai nyi kwo zhin oɓo wo-woyi nu, oɓo agmada nya njesun, ntuge har amalaika ma ɓa cei pma lo ɓa kpe ɓeye awyega.

Bitrus I 1:7

A wahala ye ɓe da fye ntuge, a mwi fye gaiciya ga gye nu, agye kwo kwo n kalayi lo, n gyi-gyi-yi, a mwi kwo gye shi ena zhin kwo mwi zinariya gye nyi kwa zhan kwo ya, ofye gaiciya ga du zinariya lo n latu n Shekwoyi aba, ntu cenu n fye gaiciya ga migni n kalayi n kwo mutu, avun, dna n wahala abednai, kwo ɓa ɓe fye n ci-ci yi, n mwa-mwayi, n latuyi ewyi n Yesu Kristi ɓei jezeɓe nyi.

Bitrus I 4:13

Ama ada fye dada nu ntuge awahalaye ɓa ze fye gmanyi n Kristi yi dna n wo wahala, n na vun fye ɓei bwa agmada yakwo dna nwo latu n kwo ɓelo nyi.

Bitrus I 5:4

Esa n Kniknayi tukwoda ɓei jeze ɓe fye ɓei gwo lowonyi nkwo bmiya-bmiya ta shando nyin.

Yohanna I 3:2

E, omi anugundo, yi zhin Shekwoyi aɓinu nsaiye, yi ta mi ya kpe enya ye nkwo ɓe lon, ama yi kpe lo ge, esa, n wa ɓe n cei yi ɓa wu ngye wo, ntuge yi ɓei gyewo shi wo wu.

Yohanna II 1:1

Wasika ye gmi n Yohanna byeda, zakwoyi ikklisiya nya aba nu, kwoi lo nyikwoza ye-yeyi aba n Shekwoyi wa kni nyi, n wo aɓiyi n mi ye n mwa nyi shi azaje ye wo dna ekilisiya nyi.

Yohanna III 1:1

Wasika ye gmi Yohanna byeda aba nu kwoi lo Gayus emi za yeyeyi aba, n mi ye wo n gaiciya nyi.

YOHANNA ƁEWYEGYE 1:9

Ominu, efye zado, Yohanna, wahala kun-sunyi ntu n Yesu ɓo, n wo ka fye wasika ye, emihin ce, mila hakuri bwa n Yesu ga, yi ɓei gyi ebe n woyi. Mi ɓei tu n muse n na yi kwo ge Batmus, n na ɓei nyami ya ntu ge mi zhin Shekwoyi ɓeda waʼazi, mi-i da oɓo n mi kpeyolo n Yesu Kristi tukwo.