Bitrus I 4:4 - Alkawali Woiwoyi

⁴ Ai ceɓa wo of ye nugundo kwokwoi, shi fye to ye-yelo fya zhin aɓo nukwoi n gnisun ɓai, shi fye ɓei zhin fyei shin zhin nyim, ntucenu, ɓa ɓa mafye san ɓai kpe fya gye.

Bitrus I 4:4 ပူးပေါင်းရင်းမြစ်များ

Matta 23:25

“Ayya fye aba, Afarisiyi ɓedo akunnu tukodayi-akoce-dnayi, fye zhan ebue n bmi ama fya fa emi n cegyei.

Luka 15:13

Nsayi oɓi yi wa ku owo akaya wa lo ezhi ho nkpayi. Wa gyi agyiwye yi vinya. Wo si nyagyi ga aza laɓa, woi ce wo gyi a karuwa.

Atnu-tnuyi Aɓozhin 13:45

Amma shi a Yahudiyi atukwoda ɓei gye aza lonu minagyi kwa gyiɓa. Ɓa kni Bulus akmi ɓa gna ɓa aɓeda nukwoyi.

Atnu-tnuyi Aɓozhin 18:6

Amma a Yahudiyi ɓa na waɓo, wohin ce wa kun wo aje butukun ya wa gna, ofye ami ɓa tu lo nfye, amma mi kni-kniyi lo, n sayi nɓa zhin waʼazi na byedo aba nu.

Afisusuyi 5:18

To sin eje n, ntuge aɓo nukwoyi lo n mwa n kwo ɓe n cei, ama fye nu-nu n Zafun Gyi-gyi-yi wa dna fye n zokwo.

Bitrus I 2:12

Fye zhin peceiye shi fye sase n fya knuzhiyi n ɓa zhin atnaviyi nyi, ntuge ɓa gye fye ngye aɓo nukwoyi zhin yi, shi ɓa gye fye ɓemana ɓa ɓei ci Shekwoyi ntu fya tnu-tnu manayi ɓo esa n Kristi ɓa jezeɓe cei.

Bitrus I 3:16

Fye zhin oɓo kwo bmiya, n naza daɓo tu fye tukwo, ɓai yi fye n naye nukwoi yi she fye vi Yesu, vinyikwo a woɓa ntu ɓa ɓeda nukwoi ɓo.

Bitrus II 2:12

Ama a malami a katai ye zhin aza mama nu, ɓa wu gmanyi-gmanyi n na nyakpai nu, ɓai zhin aɓo ɓa cei pma; ngye anyakpa nna maɓa a wan ai wu nyi. Ɓa zhin ɓa ma iko wyegma nya esan nɓa ta kpe kwo yem; ai aɓa duɓa ɓoya ɓedo na aljanu yi viyan n iko anapi nyai ɓe.

Bitrus II 2:22

Anyi ɓesi-si kwo-kwoi lo ai cige, “Omui zhin kwa jeze ɓe da okwatu, a fu burutu nuwan kwa jezeɓe kwa nya kma-kma dna na denbi nu.” Kwo wu lonu, n naza ba n ɓa jeze ɓeda ɓa laifi.

Yahuda 1:10

Ama aza deye, ɓa kpe anya agye, ɓai kni anya akmi n ɓa to nɓa awyegayin, ngye anya fanya ɓai zhin aɓo n ɓa gye dama, ɓai lo n ɓa awye-wyeyi n na abwi.