Bitrus I 4:3 - Alkawali Woiwoyi

³ Aɓo anukwoyi ye ku fye kun, n fye ɓei zhin fyei zhin n sapa, n na a tna Shekwoyi yekpei zhin ɓa dagma fi n ɓa nyi, ajesin ajeshin, shakpe, jesin, awye-fan kasa ngye a nyacei shangba, n na ɓenukwoi aje yi.

Bitrus I 4:3 ပူးပေါင်းရင်းမြစ်များ

Atnu-tnuyi Aɓozhin 17:30

Esa n kwa duya nyi aza ɓei gba a shan, Shekwoyi wa zhin hankuri nɓai. Amma nsaiye Shekwoyi ye aza vinya ɓa fa ashan gba, ɓa ga wo nu mwa-mwa.

Akorintiyi I 12:2

Fye kpelo ge, esa fye ɓei ye zhin a shetan-da nyi, fye ɓei zhin fyei vi ashan nu n ɓa ta kpe ɓedan, ɓai wu fye zokwo nukwoi.

Akorintiyi I 6:11

Esa lo n na zaho ɓei bwa wu lonu n fye mi, ama n sayi ala fya laifi zhan ya, a la fye kni ntu Shekwoyi ɓo. Wo la fye gwo ntu nya ɓo n Dagayi Yesu Kristi n Zafun Shekwoyi nya yi wa zhin nfye ɓo.

Akorintiyi II 12:21

E, edna womi lo ntu ge n ma ɓe fye aba Shekwoyi ɓa gbami n fye abye, bugba wunmi ma ci bwi, ntuge n mwa-begye nfye, n ku laifi zhin ɓai ku ze alaifida to ɓai damu n ɓenukwoyi, aɓo cegye nya n fye ku zhin, n na aje anyikwo gwoyi.

Agalatiyayi 5:19

Ama nfya vi fyehin ɓeye, fye ɓa zhin aɓenukwoyi ye, aɓonubozhin nukwoyi, shakpe nukwoyi aɓo awyeda nya.

Agalatiyayi 5:21

Eshe anya pwawo nya, zawu, jesin, n na wyefan kasa yi, n na ɓe deye pyai vinya. Ma gna fye njesun shi mi ɓei shin fye gna, oza n wo zhin aɓeye vinya wo ta lo Shekwoyi bemin.

Afisusuyi 5:18

To sin eje n, ntuge aɓo nukwoyi lo n mwa n kwo ɓe n cei, ama fye nu-nu n Zafun Gyi-gyi-yi wa dna fye n zokwo.

Atasalunikayi I 4:5

To ge n shakpe yin, shi abyedo zhin nyin, ntu n tna Shekwoyi yekpe ɓo n wo azokwoyi nyin.

Titus 3:3

N sapa yi ɓei zhin aza mama n tna cei, yi kwo tukwo agnana. Aza ɓei dna yi woice ya ku ze afyenu aɓewyeda nya n shakpe nukwoyi nya yi, eyi awye-wyeyi ɓei wun azanu ɓahin ɓai wunyi nu.

Bitrus I 1:14

Fye vi Shekwoyi ɓo, ntu ge fye zhin owo aɓi nu, fye to jezelo fya zokwo kwokwoyi ɓenukwoyi zhin nyam, ntuge fye to ɓei zhin fyei kpe ɓemanai ye num.

Yahuda 1:4

Mi da deye ntu ge amalami ho a tna Shekwoyi yekpeyi, ɓaku lofi n fye mi, ɓai ci ge n ya ku vi Yesu, na avun, yi ɓami ya zan-zan shi yi n cei pma n tna Shekwoyi ta ta dnawo. Aɓei ka oɓa knizun tun-yin sapa, ntu ge ɓala pmi da eyi Tukwoda, wato Dagayi Yesu Kristi.