Bitrus I 4:2 - Alkawali Woiwoyi

² Fye ta shan asese fyei vi aɓepwawo nayi nyam, ama aɓa wo fye pwa ngye fye zhin Shekwoyi ɓeye nu.

Bitrus I 4:2 ပူးပေါင်းရင်းမြစ်များ

Matta 12:50

Wa je ko ɓe ge, Eza n wo vi mi Dada ɓeye n wo dna she nyi, wo nu zhin mi zado, emi mapui n mi ʼya yi.”

Matta 20:4

Wa tnu ɓai nwo fa, wa gna ɓa ge wo ɓei gba ɓa nya wagye kwo bmiya nyipyei yi lazo.

Matta 21:31

Aɓi ngun-aba yi, nyika nu vi wo dada ɓeye a?” Ɓa ci ge. “Ai eɓi kmisunyi nu.” Yesu wa wu ɓa wa gna, “Lalei aza nukwoyi na-kaluwa yi, ɓei ku lo Shekwoyi bemi n fya bye.

Matta 7:21

“Aza vinya nu to n ho gye ɓa ge ɓa zhin a Yesu viyi nu m. Ɓa yi mi ge, ‘Dagayi, Dagayi’ ama ɓa ta lo she m, ntuge ɓenya gmanyi nu shi. Kwo ɓa vi emi Dada ɓeye lo n wo dna n ʼshe nyi.

Markus 3:35

Eza n wo zhin Shekwoyi ɓeye, wo nu zhin Mi Mado, emi mapui, n Mi ʼya yi!”

Markus 7:21

Gama n za bugbanu n na nubo zhin nukwoi knu, nayi dhakpe, eviwyi, zawu, Kwocedna, azanya pwa wo, anagbayi zhin, shewo, ɓonukwoi mwi, akmikni, tukwo mwa, nyaze, na ɓenukwoyi vinya.

Yohanna 1:13

Aza nɓa ga wo gaiciya ɓa ku zhin aza n na la ɓa shan ma. Toge nayi nami nu, kwokuwa n za ɓemwi m, ama Shekwoyi na ma ɓa dna n wo ɓe ye.

Yohanna 7:17

Ndei oza la kni, wa zhin Shekwoyi ɓeye, wo ɓa kpe nya ye n mi wu nyi, ko kwo zhin Shekwoyi nya nu, ko omihin nya nu.

Aromayi 12:2

Fye to shan hali n na kunnu anyi nya yi n, ama fye ku ze aza woi-woi n naɓo nfye ɓa n zhin, nfye nubo zhinyi. Nlonu fye ɓa kpe nfye aɓo-mutu shiwo zokwo ɓa fu fye nubo.

Aromayi 14:7

Yi to zhin eyihin tukwo adagayi nu n, n yi ɓami ya kni ge yi bwa wye-wyei ko ya fin.

Aromayi 6:11

Ntu lonu fye ze of yehin aza fi-fiyi n laifi aba, to fya ye laifi ayin fya ku ze awye-wyei da n Shekwoyi aba fyei wo-wo dna n Yesu Kristi eyi Dagayi.

Aromayi 6:2

Awo, yiɓa gyi abye n laifi zhinyi to kwoi zhin dole nu? Ntuge aɓei la laifi iko bmaya n yi tukwo, sanu n yi ɓe ze a Yesu viyi nyi, a zhin yi baptisma ya ze gmanyi n Yesu yi, ntu nwo efi ɓo, aɓei la ofye nanyi laifi zhin nya iko bmaya.

Aromayi 7:4

Ofye ɓa, ofye tukwo da kwo nu ɓei zhin owa a Yahudiyi nya, ama, fya ku fi n Kristi yi n zundu, tunda fye ku fi, fye to ye shan owa se lon, kohin to n ikoyi shan sun lo n fye tukwon. Fye a jeze ɓe wye-wyei sa n Kristi a laka n vingwo fyei ku ze aza woi-woyi Nsaiye, fye ku se oza nwa laka la n efi n nabai fya zhin a tnu-tnu a manayi, a tnu-tnu amanayi Shekwoyi nya.

Akorintiyi II 5:15

Wa fi aza ɓo vinya, ntuge aza n ɓa wye-wyeyi, to ɓa laɓa ɓahin tukwom ɓom, ama ntu oza ɓo n wo ɓei fi wa laka n vingwo ntu ɓa ɓo nyi.

Afisusuyi 2:3

Yi ɓei wu lo nu n sapai, eyi ase-se yi wu enya n kwo dna n yi mi, yi zhin aɓo nukwoyi doho-hohoyi shi eyi a shakpe, kwo eyi a nubo zhin nukwoyi gnayi. Yi ɓei ya n tna bmiya yi shi a ɓei mayi n nayi nukwoyi, nfi n Shekwoyi minagyi sinta ngye zaho-zahoi.

Afisusuyi 4:17

Mi daɓo n fyei dna n Dagayi, fyeto shan ase-se ngye a tna viyin, ntuge awye nku ɓa bua, aɓo ku ɓa gmi aje. Oɓa bugba gu-guyi lo n nunuyi n wyegmayi, ɓa mwa kpalo n wye-wyeyi Shekwoyi nya yi, ntuge ɓaku ɓa bugba gu, to ɓa wowon, ɓa ta kpewo a zokwo ye lon.

Afisusuyi 5:17

Fye to zhin ɓo n tna nubo zhin, ama fye zhin atna fya kpe enya n Dagayi ye fya zhin.

Afisusuyi 6:6

Fye to zhin tnu-tnu n kalayi n fye dagayi awyeba nu kawai n, ama fye zhin tnu-tnu cewo n sai vinya a gye fye zhin Kristi nya, fya zhin Kristi nya, fye zhin Shekwoyi ɓeye n bugbayi gmanyi.

Akolosiyi 1:9

Ntucenu, tunyi ewyi n yi ɓei wo of ye ɓo nyi, yi zhin aduwa ga fye lo, yi nya Shekwoyi nge wo bma fye zhin, fya kpe enya ye nwoln cei pma fya zhin, yi nyawo wa ga fye ce-ce dna n zafun zokwo.

Akolosiyi 3:3

Anyiɓo to fi fye pwan, ngye oza n wo lafi. Ofye wyewyeyi hin-hin lo n eshe n Kristi yi ɓedo n Shekwoyi.

Akolosiyi 4:12

Abafras, n wo gmi n fye ayi nyi, Yesu Kristi fyenu, wo tnu fye n wo gnaɓiyi, wo zhin aduwa cici ntu fye ɓo, woi nya Shekwoyi wa ga fye kala, wa bma fye zhin fya kpe wo nufi ye n sai vinya n na aɓo vinya n fye ɓa zhin.

Atasalunikayi I 5:18

Ɓeho-ɓehoi n kwa bwa fye, fye zhin Shekwoyi godiya, gama Shekwoyi nufi nyi n fye aba, n fye zhin Kristi Yesu nya nyi.

Aibraniyi 13:21

Shekwoyi wo gba fya bukata ntu ge fya zhin wo ɓeye. Wo zhin ɓo n yi-i, nwo cei pma, wo zhin ntu Yesu ɓo. A ga Yesu mwa-mwa nyalo-nyalo.

Yakubu 1:18

Njesun nyipyei a gmadanya nu n wo aba ewyi n wo ɓei gayi awye-wyeyi woi-woi n cei nyi, ntu gaiciya owo ɓeda nya ɓo, ya ku ze, aɓo kmisunyi, Owo puwa woi-woi nya.

Bitrus I 1:14

Fye vi Shekwoyi ɓo, ntu ge fye zhin owo aɓi nu, fye to jezelo fya zokwo kwokwoyi ɓenukwoyi zhin nyam, ntuge fye to ɓei zhin fyei kpe ɓemanai ye num.

Bitrus I 2:1

Ntu cenu fye la nuwun gmiya n bugba. Fye to zhin aɓo n gye fye zhin aza manayi n munaficiyi gwo dna n mim, Fye ku tna-gaiciya ya, n eshei, n na za ɓedai n ɓa vun.

Yohanna I 2:17

Anyi ye duyalo, nna anya nukwoyi yei vinya ɓa ɓeilo n gnisun nɓai, ama oza n wa gyi abye n Shekwoyi ɓeye-zhinyi wo ɓa bwa wye-wyeyi nyalo-nyalo nya.