Bitrus I 4:14 - Alkawali Woiwoyi

¹⁴ Fye dagma n na kni fye akmi ai tu fye ʼkni she fye vi Yesu, ntuge n kwa bwa fye lonu Shekwoyi Zafun ɓa ɓe fye aba n mwa-mwa yakwoyi.

Bitrus I 4:14 ပူးပေါင်းရင်းမြစ်များ

Matta 5:11

“Esa nu akpe fye aye nukwoyi, ai ga fye wahala, ai ce akata fi fye ntu ge fye zhin ma viyi nu-kwo bmiya lo.

Luka 6:22

Fye dagma of ye n naza ta yefye yi m, ɓai kpe fya gye ɓai da aɓo nukwoyi doho-dohoyi ntuge fye vi mi.

Yohanna 15:21

Aza n anyi ɓa ga fye wahala, ntu ge fye zhin oma nya nu, gama ɓa takpe Shekwoyi ye lo, nwa tnu nmi nyim.

Yohanna 8:48

A Yahudiyi ɓa gna ge, Ai yi ku gaiciya da ge, Ho zhin Samariya yi zanu, Hoi nna aljanuyi lo?

Yohanna 9:28

Ɓa kni wo akmi, ɓa gna, Ho nu zhin wo viyi, ama yi zhin Musa aviyi nu.

Yohanna 9:34

Ɓa kni wo akmi, “Oho n ho zhin laifi da, ho nu ɓa wu yi?”

Atnu-tnuyi Aɓozhin 13:45

Amma shi a Yahudiyi atukwoda ɓei gye aza lonu minagyi kwa gyiɓa. Ɓa kni Bulus akmi ɓa gna ɓa aɓeda nukwoyi.

Atnu-tnuyi Aɓozhin 18:6

Amma a Yahudiyi ɓa na waɓo, wohin ce wa kun wo aje butukun ya wa gna, ofye ami ɓa tu lo nfye, amma mi kni-kniyi lo, n sayi nɓa zhin waʼazi na byedo aba nu.

Atnu-tnuyi Aɓozhin 28:22

Ama yi ce pma ya wo enya ho gaiciya yi ga, enya dei n yi kpe lo, okwo nu ge abaho-bahoi vinya, aza ta ye a Yesu viyi lo m.”

Atnu-tnuyi Aɓozhin 5:41

Abara kun ɓai dagma gama ɓa ku kunce ɓa sun wahala ntu Yesu ɓo.

Akorintiyi II 12:10

Shi mi kpelo ge ntu n Kristi ɓo nu nyi, bugba ta wun mi lo n ekna yi ɓon, n na agyeyi, n wahalayi, azhin n gmagma sin yi, gama esa n mi gba kala, n sahi nu n mi n kalayi.

Akorintiyi II 4:10

Nsahoi yi zhin ya la Yesu fi-fi dna n yi anayi n nabai agye owo wye-wyeyi dna n yi anayi.

Akorintiyi II 4:16

Ntucenu yi ta bwa bugba bmayam. Ko shi kwo nyi eyi nayi bwa konya lo-lonu, ama eyi zafun ɓe-ɓe nu ci-ci.

Agalatiyayi 1:24

Ɓa ga Shekwoyi mwa-mwa ntu mi ɓo.

Aibraniyi 11:26

Wo ɓei gna wo ta ye wa zhin aɓo n gye a Masar yi aɓin, ama wo ɓo gye kwo ɓa wo du wa sun wahala ntu Shekwoyi alkawali ɓo, Wo ɓei la gaiciya ga ge Shekwoyi ɓaga wo lada n du Masar nya.

Yakubu 1:12

Bugba bui-da nu oza n wo wan wohin shi, to wa kaya dna n jaraban, gama n na avun wo ɓa bwa rawani wye-wyeyi nyalo-nyalo nya, n Dagayi a zhin aza alkawali nɓa ye wo nyi.

Yakubu 5:11

Yi kpelo shi ɓa dagma lo n saiye, ntu ge ɓa bei la kpema wo nsahi yi, kwo dayake ɓa bei ku wahala sin n mwa. Ayuba zhin misalinu oza n wo ɓei kpema Dagayi dna n wo azhin-gye, dna n wo wahala, yi ku gye shi Dagayi shiri bei zofi n ɓemana, gama wo nu-nuyi n sun-sungye yi.

Bitrus I 2:12

Fye zhin peceiye shi fye sase n fya knuzhiyi n ɓa zhin atnaviyi nyi, ntuge ɓa gye fye ngye aɓo nukwoyi zhin yi, shi ɓa gye fye ɓemana ɓa ɓei ci Shekwoyi ntu fya tnu-tnu manayi ɓo esa n Kristi ɓa jezeɓe cei.

Bitrus I 3:14

Ama kwo kola ze ge fye ɓa sin wahala ntu befyece zhin ɓo, anabarkada nu fyei. Fye to wo ɓa dnam, to efya bugba kukalam.

Bitrus I 3:16

Fye zhin oɓo kwo bmiya, n naza daɓo tu fye tukwo, ɓai yi fye n naye nukwoi yi she fye vi Yesu, vinyikwo a woɓa ntu ɓa ɓeda nukwoi ɓo.

Bitrus I 4:16

Ama kwo to zhin vinyiko ɓonu oza sin wahala she wo vi Yesun, ci Shekwoyi she ho zhin Yesu nya nu, har ai yi ho n wo ʼye latu nya yi.

Bitrus II 2:2

Aza n mwa begye ɓei vi oɓa kata, nge anagbai zhin to zhin ɓenukwoi nun. Ntu ɓa ɓo, aɓei kpe Kristi n wo zokwoi agye.