Bitrus I 4:13 - Alkawali Woiwoyi

¹³ Ama ada fye dada nu ntuge awahalaye ɓa ze fye gmanyi n Kristi yi dna n wo wahala, n na vun fye ɓei bwa agmada yakwo dna nwo latu n kwo ɓelo nyi.

Bitrus I 4:13 ပူးပေါင်းရင်းမြစ်များ

Matta 16:27

Ntuge Emi, Zanugun, ɓaɓe n ma malaikayi dna latu Emi Dada nya, miye da zaho-zahoi owa shi wa zhan ɓo wu.

Matta 25:21

“Ewo puwa da wa ci wo ntu tnu-tnu manayi ɓo. Wa gna wo ge, Ho ku gaiciya zhin tu na gyi wye ɓi-ɓiye, ntu ce nu nɓa tnu-tnu ɓe ho. Dagma ngnisun nho puwa dai.

Matta 25:23

“Ewo puwa da wa gna wo ge a bmiya lo. Ho zhin bara manayi nu n gaiciya da yi. Ho ku gaiciya zhin dna agyiwye ɓi-ɓiye nɓa ɓe ho.

Matta 25:31

“Esa Emi, Masihu ɓa ɓe dna nmi latu, n mi amalaika yi, nɓo sase tu n Shinkpe-gye latu nya.

Matta 25:34

“Emihin Esu mi ɓo gna aza nɓa zhi nmi bwaizhe ge, Fye ɓe anabarka da emi Dada nya, fya lo ebe mi na ɓo zhin shiri ntu fye ɓo tunyi to ai zhin anyi nyi m.

Matta 5:12

Fye zhin bugba bui-bui! A da fye, ntu ge lada dnagmayi shi lo kwoi pmi fye n ʼshe. Fye pa ge anabi kwo-kwoyi ɓo ku wahala sin lo nu ce.

Markus 8:38

Eza nwa womi vinyikwo n Mi nabari yi dna na nyipyei nukwoyi ye tna gaiciya ga nya, Emi, Kristi, sa Mi ɓei jeze ɓe dna Mi Dada mwamwa n na malalka gyi-gyi-yi Mi ɓei wo zahi vinyikwo ce.

Luka 17:30

Eh, aza ɓei laɓa lonu nu, har esa mi ɓa jezeɓe n cei nyi.

Atnu-tnuyi Aɓozhin 16:25

N sukwo sadu yi Bulus n Sila yi ɓa ya anyi kwo ga Dagayi, akurkuku da aje ɓa wo ɓai ko anyi.

Atnu-tnuyi Aɓozhin 5:41

Abara kun ɓai dagma gama ɓa ku kunce ɓa sun wahala ntu Yesu ɓo.

Aromayi 5:3

Yi ɓa dagma ce sanu n ya lo wahala ncei, ntu ge yi kpe ge ko n na pmayi lo-lo n yi aba, ɓa wu yi shi yi ɓa zhin hankuri.

Aromayi 8:17

Shi yi zhin owo aɓi nu nyi, yi ɓei gyiwo gado – ntuge nya n Shekwoyi gawo Nugun Yesu kwo zhin eyi nyanu ce. Ama n yi ye owo mwa-mwa tilas ya gye azhin nkunsun nwoi.

Aromayi 8:18

Wahala n yi sin n saiye nyi kwo to kunce lo a mwi kwo do n mwa-mwai n wo ɓei gayi nyin.

Akorintiyi II 1:5

Shi yi sin wahala ngnisun n Yesu yi dna nwo a wahala nyi, elonu yi ɓa bwa owo bmazhin ɓedo n bugba fu yi.

Akorintiyi II 1:7

Ntuce nu eyi awyetu n fye, kwo ta sha-sha m. Yi kpelo ge shi fye sin wahala lo ngnisun n yi nyi, fye zhin fya bwa eyi atnazhin hi pya lo ce.

Akorintiyi II 4:10

Nsahoi yi zhin ya la Yesu fi-fi dna n yi anayi n nabai agye owo wye-wyeyi dna n yi anayi.

Akorintiyi II 4:17

Wahala ɓiyi ye n yi sin kwo nyi kwa, kwo ta mwasa m. Amma kwo ɓaɓe yi mwa-mwa dnagmayi nyalo-nyalo nya, n du eyi wahala ye.

Afilibiyi 3:10

Nsaiye mi ku anya vinya ya, miku gye okwonu zhin zokwo gmanyi n za ɓa kpe Kristi ye, oza kpe iko ye n kwo ɓo je wo wye-wyeyi ga nyi, ma bwa awyega wahala sin nya, n fi yi ngnisun n woi.

Akolosiyi 1:24

Ama emi tnu-tnu nu ma sin wahala ntu fye ɓo, ai dami lo, gama mi bmazhin lo ma nu Kristi azhingye n tu wo nayi ɓo, wato ikklisiya.

Timatawus II 2:12

N ya zʼhin nubo nge owo tnu-tnu n yi zhin nyi kwo dna ɓelo, pa ge n wyi-hoi yi ɓei se ase n woi ya gyi ebe n woi. Ama n ya fa wahala sin ɓo ya pmi avun wu Kristi, wo ɓei pmi avun wu yi ce.

Bitrus I 1:13

Ntucenu fye ku fyehin wan shi, fya pmi n na wye tuyi tu n Shekwoyi alheri nkwo ɓe fya ba lo, esa n Yesu Kristi ɓa jezeɓe cei nyi.

Bitrus I 2:21

Wahala ye pya dna lo n tnu-tnu mi n Shekwoyi wa ga fye. Kristi nwo ɓei sin wahala n fye ɓo nyi, wonu zhin fye e-fye, fye vi wa pita ʼbwi.

Bitrus I 5:1

Nsaiye ofye a eklisiya tukwoda, omi n mihin mi zhin tukwoda nu, n ma wyei mʼɓei ku gye Kristi woi fi tu n zundu, n mihin mʼɓei bwa wo mwa-mwa, n wo latu yi esa n wa jeze ɓe cei, Oma tukwodaje, emi wyegyi nfya ba ge:

Bitrus I 5:10

Esa n fya ku wahala sin esa fyewyi, eyi Shekwoyi, n wo nu-nuyi n sun-sun gyei dna n Kristi nyi, wo ɓa ga fye mwa-mwa nyalo-nyalo nya. Owo n wohin tukwo wo ɓaɓe wo ku fye, wa mi fye zhi, wa ze fye akala-da ndu sapa.

Yahuda 1:24

Nsaiye, mwa-mwa vinya n wo aba n wo zhin Shekwoyi gmanyi nyi, n wa gni yi ntu Yesu Kristi ɓonyi, e, mwa-mwa n kalayi vinya, iko vinya n ebe yi owo nya nu tunyi n kmisunyi, ɓa zhin owo nya nu tunyi n kmisunyi, ɓa zhin owo nya nu ɓai ɓo zhin owo nya nyalo-nyalo. Wo n ikoyi lo wa shifye bwa to fya taya fya miya, waɓe n fye yi ntna laifi n gyi-gyi-yi, n wo abye, mwa-mwa n kasun ci agmada nya yi, nyalo-nyalo. Amin.

YOHANNA ƁEWYEGYE 1:7

Gyewye, wo zhilo, n na anyi yi shewo gun, awye vinya ɓa gyewo, e, aza nɓa ɓei fin wo eshanyi, Akni vinya ɓei cibwi ɓai wun bugba esa nwa ɓe ncei. E, Amin, ko ze nlonu.

YOHANNA ƁEWYEGYE 1:9

Ominu, efye zado, Yohanna, wahala kun-sunyi ntu n Yesu ɓo, n wo ka fye wasika ye, emihin ce, mila hakuri bwa n Yesu ga, yi ɓei gyi ebe n woyi. Mi ɓei tu n muse n na yi kwo ge Batmus, n na ɓei nyami ya ntu ge mi zhin Shekwoyi ɓeda waʼazi, mi-i da oɓo n mi kpeyolo n Yesu Kristi tukwo.