Bitrus I 4:11 - Alkawali Woiwoyi

¹¹ Ala ho yi ha zhin waʼazi? To zhin waʼazi ngye Shekwoyi nu daɓo nho ʼgbe yi. Ayiho ha bma aza zhin nu? Zhin kwo n kalayi vinya n Shekwoyi wa gaho, n nabai a la Shekwoyi tu dna n Yesu Kristi, mwa-mwa n ikoyi owo nya nu har nyalonyalo. Amin.

Bitrus I 4:11 ပူးပေါင်းရင်းမြစ်များ

Matta 6:13

To lo n yi n jaraba mi m, ama ha gniyi n Eza nukwoyi. Amin.

Yohanna 13:31

Esa nu Yahuda ɓo zo gmiya, Yesu wa gna ge, “Esa la si a la Oza Nugun tu, aga Shekwoyi mwa-mwa njesun.

Atnu-tnuyi Aɓozhin 7:38

Deye gaiciya nu, gama Musa nu ɓei dna aza tasin n Malaika yi n wo ɓei gaɓa Shekwoyi awyidna n zhabui nyi.

Aromayi 11:36

Gama anya vinya kun n Shekwoyi aba nu. Anya vinya bwa wye-wyei dna nwo ikonu. Anya vinya nyi ntu wo latu ɓo nu. Mwa-mwa nwo aba nyalo-nyalo Amin.

Aromayi 12:3

Ngye Shekwoyi tnu-tnuyi mi ga zaho-zahoi nfye mi Shekwoyi pmagna: Fye zhin gaiciya n fyehin tukwo ɓo, fyei mwi shi Shekwoyi wa ga fye gaiciya-ga n sun.

Aromayi 3:2

E, ampanyi lo n oza ɓa n wo zhin Yahudiyi, Kmisunyi Shekwoyi ɓei gaɓa owo awyidna. (N nabai ɓa kpe, ɓa zhin wo ɓeye).

Akorintiyi I 10:31

Ntucenu, nyaho-nyahoi n ho ɓa zhin, ko hoi gyi nu, ko hoi sin nu, zhin ko ntuge ha ga Shekwoyi mwamwa.

Akorintiyi I 12:4

Anyaga lo gbo-gbo, ama Zafun gmanyi nu gaɓa.

Akorintiyi I 3:10

Dna n Shekwoyi alheri, Wo ku wu mi she mi ɓa ze nya-miyi ʼgbada. Mi la nyakun shi, Apollos la nya mi tu ko she. Ama zaho-zahoi wo ɓa mi nya tu ko, wo zhin peceiye.

Akorintiyi I 6:20

Shekwoyi ɓei la fye si n kona ko-kwoyi. Ntu cenu fye ga Shekwoyi mwa-mwa n fya nayi-yi, ntuge owa nya nu ɓai.

Akorintiyi II 2:17

Ai, yi to wu lo ngye aza nu, n ɓa la Shekwoyi ɓeda kwa ɓa ze gyiba nya m. Ama shi Shekwoyi nu na tnuyi, yi daɓo n gaiciya yi, ntuge yi zhin Kristi abara nu.

Akorintiyi II 9:13

Aza nfya bma zhin aɓa daɓa, to n tukwoyi tu n fye bmazhin n fya zhin ɓa n na azajeyi nyin, ama ɓa ɓei ci Shekwoyi, ntuge ofye a ɓezhin wu lo dei-dei nfye wuwuyi.

Afisusuyi 1:19

Mi zhin aduwa ge fye ɓa ya awyega bwa, shi owo iko nyi ge kwa bma aza zhin nu nɓa gawo gaiciya.

Afisusuyi 4:29

To da ɓeda nukwoyin, bwa ɓedanu da n kwo ɓa bma aza zhin n ho daɓo n ɓai, enya n kwo ɓa gaba anabarka.

Afisusuyi 5:20

Fye zhin godiya ntu anya ɓo vinya ga Shekwoyi eyi Dada, dna n eyi Dagayi Yesu Kristi eye mi.

Afisusuyi 6:10

Nkmasun miye ma gnafye ge, efye akala ɓakun n Dagayi aba nu n ikwoyi dna n fye mi.

Afilibiyi 1:11

Fye zhin ɓemana nu ci-ci, aɓo n ɓa ɓa wu ge fye zhin Shekwoyi aɓi nu. Ntuge de ye ɓa ɓe n latu yi, n mwa-mwa yi n Shekwoyi aba.

Afilibiyi 2:11

Nyitala doho-dohoi ɓei cige, Yesu Kristi nu zhin Dagayi dna Shekwoyi Dada mwa-mwa.

Akolosiyi 4:6

Fye fa efye azata ɓa ze a manayi n tukwoyi gyi, n na ɓai fya bwa amsa manayi n fye ɓa ga aza.

Atasalunikayi I 2:4

Gama yi daɓo n gye Shekwoyi a tnu-tnuyi nu, n wa ye n ɓai, woi gaɓa tnu-tnu nge ɓa da gaiciya, yi to shan ɓeda ye do ko fyewyin, n nabai kwa da aza n ɓa won, gama yi zhin Shekwoyi nu tnu-tnu gmanyi, n wo dna eyi abugba wyenyi, n ɓa aɓo nubo zhin yi.

Timatawus I 1:17

Latu n mwamwayi ɓa zhin Shekwoyi nya nu nyalo-nyalo Amin. Wo nu zhin Esu esa vinya nya, n na ta gye won, woi ta shan fin, owonu zhin Shekwoyi gmanyi, n nunuyi n ɓeyekpeyi. Amin.

Timatawus I 6:16

Owo nu gmanyi n wo ta shan fin, n wo dna n buzangna yakwo n zanyi-kwoci ta mi wa wu viyi n woyi m. Zanyikwoci to shin wo gyen, woi ta shan wo gyen. Nwo aba, mwa-mwa n iko nyalo-nyalo amin.

Titus 2:1

Ama ohohin, daɓo n kwo kunce n na asese manayi n ɓa kunce n Yesu-viyi gaiciya nyai.

Titus 2:15

Tile ha wu aɓedye, ha ga oho aza kala ɓa zhin ɓa, hoi zhin ɓa fi n zokwo n sai nkwo kunce n gye oza n wo n ikoyi lo wa zhin lonu. To ye ozaho wa zhin nubo nge oɓo n ho da nyi kwo to kunce lon.

Aibraniyi 13:7

To fya ze ofye azakowyi amwi dna n Yesu ye m, Ɓa ɓei kpema Shekwoyi ɓa zan-zan n dna woyi. Fye vi ɓa pita bwi.

Aibraniyi 5:12

Gama ko la kunce fya zhin amalemi. Ama fye ye zhi lo n fa gbe, fye cei pma ai wu fye Shekwoyi. Fye ku ze n gye aɓi-nawyi. Fye y madara. Fye ta mi fya gyi zafu nyagyi m.

Yakubu 1:19

Omi azaje ye-yeyi fye to ze amwi ge, kwo gna bmiya oza kna ɓeda tnubuan n mwa, ama oza daɓo cewyi, to oza gyi minagyin.

Yakubu 1:26

Oza nwa ci ge wo zhin Yesu-viyi nu, to wa wan wo nyitala shi nkwo gyi-gyi-yi ngye ebe nyin, wo dna wohin kwoce nu, owo knunnu zhin gbeloyi nu.

Bitrus I 2:12

Fye zhin peceiye shi fye sase n fya knuzhiyi n ɓa zhin atnaviyi nyi, ntuge ɓa gye fye ngye aɓo nukwoyi zhin yi, shi ɓa gye fye ɓemana ɓa ɓei ci Shekwoyi ntu fya tnu-tnu manayi ɓo esa n Kristi ɓa jezeɓe cei.

Bitrus I 2:5

Nsaiye fye ku ze akuta awyewyeyi, Shekwoyi wa zhin apma cei wa mi nyakun, kniyi du lo ɓoʼa? Fye ɓe Wa ba, (ofye n fye ku zhin anya go-go yi nwa ba ntu Yesu Kristi ɓo nyi,) fya ga wo anya n ɓa dawo.

Bitrus I 4:10

Shekwoyi la aɓozhin-zhinyi ga zaho-zahoi n, fyemi, fye zhin apma ɓai, ntu naza bmazhin ɓo, fye ce Shekwoyi anabarka ga azaje nwo ga fye nyi.

Bitrus I 4:16

Ama kwo to zhin vinyiko ɓonu oza sin wahala she wo vi Yesun, ci Shekwoyi she ho zhin Yesu nya nu, har ai yi ho n wo ʼye latu nya yi.

Bitrus I 5:11

Iko zhin wonya nu har nyalo-nyalo. Amin.