Bitrus I 3:8 - Alkawali Woiwoyi

⁸ Nsaiye ɓeda ye kwo ɓe fye abanu vinya. Fyeku ze ngye puwa yakwo ɓai dagma, fyei gye aje sun-sun fyei ye najei n bugba manayi n tukwo-gba yi.

Bitrus I 3:8 ပူးပေါင်းရင်းမြစ်များ

Matta 18:33

Ko to ɓei kunce ha gye ho zado sun-sun ngye shi ma gye ho sun-sun?’

Luka 10:33

“Amma shi Samariya yi za do ho ɓei gye wo, sun-sunʼa wan wo.

Atnu-tnuyi Aɓozhin 2:1

A mako ɓo ku sun ngu shi. Yesu ɓei fi. Pentikos nyipyei koi la wu vi a Yesu viyi ɓa yezhi.

Atnu-tnuyi Aɓozhin 27:3

Shi efye ɓei gyi ya si Sida, Jiliyos wa ye ge Bulus wo la gmi gni wa ɓi anugundo gna, ɓa gwo wo agmadayi.

Atnu-tnuyi Aɓozhin 28:7

Vivi aba yi n yi ɓo wankma nyi, oza ho ɓei nyi ɓo a yi ge Bubliyus, wo nu ɓo zhin gwamna muse yi nya. Wa gwo yi n bugba bui-bui yi, wa ga yi nyagyi har anyipyei ngun-ata.

Atnu-tnuyi Aɓozhin 4:32

A Yesu viyi bugba vinya ɓei nyi gmanyi nu. Ozaho-zahoi to ɓo shi nyanyaho yi n wo gmanyi ɓo nun, ɓa ɓo ce ga aje.

Aromayi 12:10

Fye ye n na ajei ngye aya-ɓi, fya ga aje mwamwa n bugba buibui.

Aromayi 15:5

Shekwoyi n wo ga hakuri, n migniyi, n bugba kala yi, wo bma fye zhin fya sase n na jeyi n bugba dayi za-zai wuwo do Kristi hali.

Akorintiyi I 1:10

Ama, oma-zaje, mi gyi fye wye dna Dagayi Yesu Kristi ʼye, fye ku ɓeda ajegna nya ya nfya tasin. Fye ku ze gmanyi, to ajegna lo aduwa nyakun m. Fye la ye ɓedo, efye ɓo nubo-zhin gmanyi, ɓemwi gmanyi njesun.

Akorintiyi I 12:26

N nyasan san oga gmanyi, aga je vinya ɓa gye azhin n gnisun kwoi. N ʼga gmanyi a bwa latu, aje ɓa ce nyi, ɓa dagma n kunsun kwoi.

Afisusuyi 4:2

Fye gba fyehin tukwo fya zhin peceiye, fye zhin hakuri n na ajeyi, ntu ye-ye ɓo to fya gye aje laifin ngye nya ho nun.

Afisusuyi 4:31

Fye kufa napye ɓo n minagyi yi, anyawu, ɓeda nukwoyi, fye to fa a tna ajeye kwa lo dna n fya tasin m.

Afisusuyi 4:32

Fye bwa bugba manayi n na jeyi, fyei ye n na jeyi, fyei zhin aje gafara shi Shekwoyi wa zhin fye gafara ntuge fye zhin Kristi nya nu nyi.

Afilibiyi 2:3

To ye hohin tukwon, to zhin ɓo n na bai aza ci hon, gba hohin tukwo, ha gye azaje ndu hohin.

Afilibiyi 3:16

n fya vi gaiciya n fye n cei nyi.

Akolosiyi 3:12

Tunda Shekwoyi la fye kni, n wa ga fye wye-wyeyi woi-woi nyi, ntu n wo ye-ye lolo yi ɓo n fye aba, fye tu sun-sun-gye mwi, n bugbafuyi n na azaye n cei. Fye to damu n ɓei n ɓa ɓa dan, ama fye sin wahala dna n na atnazhin n hakuri yi.

Aibraniyi 13:1

Yi ye najeyi ntu ge yi zhin gmanyi-gmanyi nu.

Yakubu 2:13

Gama ato ɓei gye aza sun-sun n ɓa to gye aza sun-sun. Ama nha gye oza sun-sun Shekwoyi ɓei gye ho sun-sun esa n wo ɓei da ho wa cei.

Yakubu 3:17

Ama wyemwa n kwo gmi n ʼshe, kwo gyi-gyi-yi, n nasuwayi, kwo ye bugba fu n ɓemanazhin yi, kwo ye n na aza tayi, kwo ga kwohin n na aza ba, kwo nunuyi n sun-sun-gyeyi, n na ɓemana-zhinyi, kwo n bugbayi gmanyi, n lo cewo n tna kata.

Yakubu 5:11

Yi kpelo shi ɓa dagma lo n saiye, ntu ge ɓa bei la kpema wo nsahi yi, kwo dayake ɓa bei ku wahala sin n mwa. Ayuba zhin misalinu oza n wo ɓei kpema Dagayi dna n wo azhin-gye, dna n wo wahala, yi ku gye shi Dagayi shiri bei zofi n ɓemana, gama wo nu-nuyi n sun-sungye yi.

Bitrus I 1:22

Nsaiye fye ɓa mi fya ye n na zai n tuge ala fya bugba zhan ya n tukwo ye yi, n nuwun yi, esa n fye ɓei kpema Kristi wa gni fye nyi, ntucenu fye ku kpe lalei ge fye ku yelo n jei, n bugbai gmanyi.

Bitrus I 2:17

Ga zaho-zahoi mwa-mwa, Ye n na Yesu-viyi yi nbwaho-bwahoi vinya, wo Shekwoyi dna, ha ga gwamnati mwa-mwa.

Bitrus I 5:5

Ofye aɓi kasa, fye vi aza ɓeda n ɓa gyilo nfya bye. Ofye vinya fye zhin aje bauta dna tukwo gba, ntuge Shekwoyi tu aza anabarka nɓa gba ɓahin tukwo, ama wo zhin gaba n nazai n ɓa mwa ɓahin tukwo.

Bitrus II 1:7

Deye nu ɓa zhin fya wo azaje agmada, fya yeɓa ce har n shince n ʼkni yj.

Yohanna I 3:14

N ya ye n na a Yesu-viyi ajeyi kwa wunu ge alayi gni n na anapi, ai la wye wyeyi nyalo-nyalo nya gayi. Ama oza n wo taye n wo aje yin wo lo efi nyalo-nyalo nya.