Bitrus I 3:7 - Alkawali Woiwoyi

⁷ Ofye aɓa, fye zhin peceiye nfye anyikwoyi fye zhin nubo n ɓa bukatayi, fyei gaɓa mwa-mwa ngye aza nɓa to n kalayin, pa ge oho nho nyikwoyi, fye kun Shekwoyi anabarka gwonu, ntu cenu, n ho to zhin wo shikwo kuncen, ata wo fye aduwam.

Bitrus I 3:7 ပူးပေါင်းရင်းမြစ်များ

Matta 18:19

“Ma je fye gna, ndei aza gun aba ku gbe gun nanyi ye ɓa gyiwye ntu nyaho ɓo, Emi Dada n Wo dna ʼshe nyi, Wo ɓa zhin ko ga fye.

Akorintiyi I 7:3

Zanugbai ɓa ga wo nyikwo nyaho-nyahoi ko kunce dna mulapa nlonu ce nyikwoza nwo ɓa ʼba.

Afisusuyi 3:6

Asiriyi honyi, nge abyedo ɓa bwa oɓa robo dna n wo nyabwa ngyisun n Shekwoyi aɓiyi, ala ɓa gni, yi ɓa ze owo ikklisiya. Shekwoyi alkawali adnagmayi vinya zhin ɓa nya nu ce, dna n Kristi, sanu nɓa gwo Nabari manayi Kristi nya, n ɓei nwa zhin ga ɓa nyi.

Afisusuyi 4:30

Fye to wun Zafun Gyi-gyi-yi bugba yan, ntu n fye zan-zan ɓon, Fye pa ge owonu na tufye ze har nyipyeyi n gni-gni n laifi ɓei nu ncei.

Afisusuyi 5:33

Ngye shin ma cige, Tile oza ye n wo nyikwoyi ngye wohin tukwo nyikwoza ce tilas wa zhin atna wa ga owo oɓa mwa-mwa n mwa, woi vi wo ɓeda, woi ciwo, woi gawo mwamwa.

Afisusuyi 6:18

Fye zhin aduwa cici, fye nya Shekwoyi ɓeho-ɓehoi n kwo dna n Zafun Gyi-gyi-yi ɓeye. Fye zhin atna n woi, fye pawo efya bukata ɓo, fye zhin aduwa ntu n na a Yesu viyi aje ɓo n na aba do.

Akolosiyi 3:19

Ofye azanugbayi tila fya ye n fye anyikwozayi, fyei wuɓa alheri, to fya gyi minagyi nɓai, ko fya wun bugba n ɓa yin.

Titus 3:7

Nnabai n wo ɓa yi yi aza manayi n wo abye ntu n wo alheri ɓo, nsaiye yi n roboi lo dna n wo anyabwa wye-wyeyi nya n wa gayi nyi, n yi zhi yi pmi ya gwo nyi.

Aibraniyi 1:14

Ɓa zhin amalaika a tnu-tnu loi nu n na tnu n ɓai ɓa bma a Yesu viyi zhin. Njesun nazai n ɓa ɓe Shekwoyi aba nyi.

Bitrus I 3:1

Anyikwoza, fye vi fyaɓa ɓo, n nabai kwo to ɓai kna tnubua n Dagayi ɓeda nfye gnaɓa nyin, ɓa ye abui ntu fye ɓovi ɓo n hali manayi. Ofye hali manai ɓa gna ɓeda nɓai afa ɓeda n ʼgbeyi.