Bitrus I 3:4 - Alkawali Woiwoyi

⁴ Ama fye ku bmiya n mi nfye abugba mi, n bmiya-bmiya yi n kwo mwasa dna n zafun, konu zhin nya manayi n Shekwoyi abye.

Bitrus I 3:4 ပူးပေါင်းရင်းမြစ်များ

Matta 11:29

Fye la ma kaya, ɓa wo lo fafa miɓa wu fye ge mi zhin eza hankali da nu n bugba sun-sun gye nya yi, efye wye-wyei ɓa bwa sun-sun. Ntu ge mi ta ga za akaya shan-wo yi m.”

Matta 21:5

“Gna Urushelima ge Okwo Su ɓe da kwo lo, n tukwo gba yi, ntu zhagawyi ɓi yi.”

Matta 23:26

Afarisiyi awyebuayi! Fye ya ebue zhan n mi ntu ge ebue vinya kwa ze gyi-gyiyi.

Matta 5:5

A hankuri zhin yi na tukwo gbayi yi ɓa ku gode ntu ge anyi vinya zhin ɓa nya nu.

Luka 11:40

Aza gbelo, Shekwoyi nu to zhin omi, wa zhin obmi m?

Luka 16:15

Nsayi Yesu wa ciɓa ge, Fye zhin aɓo ngye aza manayi, har ai ga fye mwa-mwa, amma Shekwoyi kpe fya bugba nukwoyiye lo. Ntu ge oɓo nkwo zhin ngye ɓemanayi nna zaba kwo zhin laifi nu n Shekwoyi aba.

Aromayi 1:23

Nnavun, maimako ɓa ga Shekwoyi ikoda nyalo-nyalo mwa-mwa, ɓaku ashinwa, na kutayi ɓa zela ashan ɓa gyiɓa wye, alu, anya fanya, awa n na gbayizanyi-kwo-ciyi.

Aromayi 2:29

Aʼa, Oza n wo bugba wulo cewo n Shekwoyi aba, wonu zhin Yahudiyi hin-hin. Ntuge Shewoyi ta dna aza wye nu n ɓa sa ɓa nayi yan n Kaciya zokwon, ama wo dna ozanu wye n wo bugba manayi. Oza n wo bugba do shanye kpe n wo wye-wyei mi wo ɓa bwa latu n Shekwoyi abanu, to ge n fye abam.

Aromayi 6:6

Aɓei la ofye a shakpe nukwoyi zundu n gnisun n woi, ofye nayi n kwo ye laifi nyi, aɓei lakwo gwoya a tu kwo eci nukwoyi n nabai ofye laifi nayi to kwo shan dna n laifi sirtan, to kwa ze laifi baran.

Aromayi 7:22

Miye ma zhin Shekwoyi ɓeye, shi emi zawoi-woi ncei pma.

Akorintiyi II 10:1

Omi Bulus, mi gyi fye wye pecei-ye shi Kristi n wohin tukwo ɓa zhin, ama azaho nfye mi cilo nge, “Bulus wasika woshan esa nwo gni n tagni, ama esa nwo si n ya, edna ɓawo wo wa daɓo nkalayi.”

Akorintiyi II 4:16

Ntucenu yi ta bwa bugba bmayam. Ko shi kwo nyi eyi nayi bwa konya lo-lonu, ama eyi zafun ɓe-ɓe nu ci-ci.

Agalatiyayi 5:23

Ɓefyece, zawanshi, peceiye. Aɓeye vinya ta zhin gaba lo na Yahudiyi aɓeknin yin.

Afisusuyi 4:2

Fye gba fyehin tukwo fya zhin peceiye, fye zhin hakuri n na ajeyi, ntu ye-ye ɓo to fya gye aje laifin ngye nya ho nun.

Akolosiyi 3:12

Tunda Shekwoyi la fye kni, n wa ga fye wye-wyeyi woi-woi nyi, ntu n wo ye-ye lolo yi ɓo n fye aba, fye tu sun-sun-gye mwi, n bugbafuyi n na azaye n cei. Fye to damu n ɓei n ɓa ɓa dan, ama fye sin wahala dna n na atnazhin n hakuri yi.

Akolosiyi 3:3

Anyiɓo to fi fye pwan, ngye oza n wo lafi. Ofye wyewyeyi hin-hin lo n eshe n Kristi yi ɓedo n Shekwoyi.

Atasalunikayi I 4:11

Fye fa deye kwa ze fye ɓemwi, fya sase n lafiyai, fyei zhin fyehin tnu-tnu, shi yi ɓei shin fye gna nyi.

Atasalunikayi II 3:12

Dna n Dagayi Yesu Kristi eye, yi gna aza ye pya, yi gaɓa wyidna, ɓaku zhi pi, ɓa zhin tnu-tnu ɓa bwa nyagyi.

Timatawus I 2:2

Zhin aduwa ntu asu ɓo, na za yi n ɓa zhin a iko da vinya tu n yi eshe, kwo n ɓa n na tnu-tnu yakwoi shi, n na abai n yi ɓa sase n lafiyai, n bugba-fuyi, ya se ase manayi yi zhin nubo n Dagayi ɓo.

Timatawus II 2:25

Gba hohin tukwo esa n ho wu aza, n gaiciya nku ɓa gmi aje. Gama n ha daɓo n ɓai peceiye n na atnazhin yi, kpekni, dna n Shekwoyi bmazhin ɓa ɓa pmi ɓe ɓa vi gaiciya.

Titus 3:2

Ɓa to da ɓeda nukwoyi n zaho-zahoi tukwon, kwo ɓa wu anyan ama ɓa zhin peceiye ɓai zhin ɓemana n aza ba vinya.

Yakubu 1:21

Ntu cenu fye la anya nukwoyi kunya nfye awye-wyeyi nɓa to bmiyan, n na ɓo yi n ɓa she fye kna, fya gba fyehin tukwo fya dagma shi fye la nabari manayi woi-woi gwo, gama kwo ɓami kwa gni yi awyewyeyi, ngye shi kwo shi yi abugba bwa nyi.

Bitrus I 1:23

Ntuge fye n wye-wyeyi woi-woyi lo, fye to ɓei bwakwo n fya zakwoyi nun, ntuge wye-wyeyi n ɓa ɓei ga fye nyi kwo ɓa zo, woi-woyi deye ta shan zon, ntuge kwo gmi n Kristi nu - Shekwoyi Ɓeda wye-wyeyi n na za aba.

Bitrus I 3:15

La Kristi shi nho bugba mi n gyi-gyi-yi ngye Dagayi. N zaha nyaɓo nko zhin hoi kpema wo lonu, ha gni n shiri yi zhin n saho-sahoi yi ha gna wo dna na tna n mwa-mwa gai ɓe.