Bitrus I 3:21 - Alkawali Woiwoyi

²¹ (Nlonu batisma zhin dogbe, dna n batisma, yi wu ge alayi gni n efi n bwi-bwi yi dna n Kristi kalala n vingwo; to ntuge ala nayi cegye shinya n, ama ntuge dna n batisma zhin, yi pmi awye wu Shekwoyi nu, yi ɓa wo wa zhan ya bugba ya n laifi.)

Bitrus I 3:21 ပူးပေါင်းရင်းမြစ်များ

Matta 28:19

Ntu ce nu fye lo fye zan abara do shin nabye vinya, fya zhin ɓa batisma dna Dada ʼye, n Nugun yi, n Zafun Gyi-gyi-yi.

Markus 16:16

Aza mɓa ga gaiciya a zhinɓa baptisma, ɓa ɓa pwo. Ama aza mɓa to ga gaiciyan, a ɓei zunɓa kni.

Yohanna 13:9

Bitrus wa gna Yesu ge, Omi apita nu to kawai n ho ɓa zhan ama zhan mi abwa ɓedo nmi tukwoyi.

Atnu-tnuyi Aɓozhin 16:33

N sukwoyi yi wa zhan ɓa a ciya, owohin n wa ʼzayi vinya nwo puwa a ku ɓa zhin baptizma.

Atnu-tnuyi Aɓozhin 2:38

Bitrus wa gna, “Fye fa alaifi, fya yi Shekwoyi a zhin fye baptisma dna Kristi ye.

Atnu-tnuyi Aɓozhin 22:16

Kniyi nu ɓa zhin ha zhin kalala? Laka azhin ho batizma a zhan ho alaifi ya, ha yi Shekwoyi.

Atnu-tnuyi Aɓozhin 8:36

Shi ɓa ɓei lo ɓa gye nuwan, zahiwa cige, “Ma gye nuwan dna nyi, kni ɓa zhin to ha zhin mi batizma ma?”

Atnu-tnuyi Aɓozhin 8:37

Filibus ci wo ge, “A ɓa mi a zhin ho baptizma n dai ho la gaiciya ga n ho bugba yi vinya.” Wa gna “Mi la gaiciya ga ge Yesu Kristi nu zhin Shekwoyi nugun.”

Aromayi 5:14

Ntu lonu sanu n ɓa nayi ɓei zhin kwoi fi, kwo to ɓei fi ntu n ɓa laifi ɓo nun, ntuge, ɓa to ɓei zun Shekwoyi owa gna, shi Adamu ɓei zhin nyi m. Dogbe lo n Adamu a tasin n Kristi yi n wo to ɓei lu ɓe nyin.

Akorintiyi I 12:13

Zaho-zahoi nʼyi mi wo zhin oga nu dna Kristi nayi. Azaho nʼyi mi a Yahudiyi nu, a zaho a Helleniyi, azaho zhin afyenu nu, a zaho kwa a loloiya nu. Ama Zafun Gyi-gyi-yi kuyi zhin batisma fi n Kristi nayi gmanyi, ai la Zafun Gyi-gyi-yi ho gayi n naba gmanyi.

Akorintiyi I 4:6

Ma zhan-pma n Apollos yi ɓedo mihin yi, ma si ɓo si n mi da nyi: nge fye to kni aza kni-knim. Fye to mwa fyehin tukwo n Shekwoyi tnu-tnu yi hoi ngye wo du azaje lom.

Akorintiyi II 1:12

Eyi bugba bui-bui nyi, har eyi ɓemwi-i wu yi ge, eyi zan-zan dna nna anyi ye, tun ba ga eyi aɓozhinzhin nfyei, ɓa ku ze n Gyi-gyi-yi, n gaiciya yi, n Shekwoyi aba. Ya zhin lo nu, to ge dna n anyi ɓeyekpe nu m, ama alheri Shekwoyi nya nu.

Akorintiyi II 7:1

Ntu n na alkawali dnagmayi ɓo n na a cei gayi nyi, omi a nugundo ye-ye-yi, yi la awye pmi ya n ɓonukwoyi doho-doho yi, Ko dna n zafun, ya ze yihin a gyi-gyi-yi, ya zan-zan n Shekwoyi dnawoyi, yi ga yihin tukwo n wo akun.

Agalatiyayi 3:27

Eyi n na kuyi zhin baptisma fi n Kristi nyi, akuyi sofi n Kristi mi.

Afisusuyi 5:26

Wa zekwo gyi-gyi yi ntna cegye, n zhan-zhan yi ya n batisma yi n Shekwoyi ɓeda yi.

Akolosiyi 2:12

Gama dna n baptisma fye gye shi efya anayi akwo-kwoyi, anukwoyi ɓo ku fi n gnisun woi, aku fye bi n gnisun n woi, fya kun n ʼfi n woi, dna n wye-wyeyi woi-woyi ntu ge fye ɓei ga Shekwoyi ikoda ɓeda gaiciya n wo ɓei la Kristi kala n ʼfi nyi.

Timatawus I 1:5

Enya n kwo womi pwa lo kwonu ge a Yesu-viyi n ɓo vinya ɓa ku nu n ye-yei n kwo gmi n na bugba gyi-gyi-yi oɓa bemwi n gyi-gyi-yi, oɓa gaiciya ga kwa bwa kala.

Timatawus I 6:12

Shunkun ga Shekwoyi, la nyima wye-wyeyi nyalo-nyalo nya n Shekwoyi la gaho nyi. N ho ku kwo seida zhin n na za abye n mwa begye nyi.

Aibraniyi 10:22

Emi azaje, yi lo Shekwoyi aba n bugbayi guguyi ya. Yi ku gaiciya ga n ge wo ɓa gwo yi, ntu ge Yesu ami layi zhanya sarai. Zafun kwa woi zhan yi ya cici.

Aibraniyi 11:19

Wo ɓei ku kpe ge Shekwoyi ɓa je Ishaku wyewyeyi ga. Enya nu kuwa nkwo ɓo zhin, Ama n Ibrahim aba Ishaku ɓola fi ama wa jeze ɓe anyi.

Aibraniyi 13:18

Fye zhin aduwa ntu yi ɓo, yi ye ya zhin tnu-tnu ɓehinhin nya nu n ɓefyece yi.

Aibraniyi 9:14

Amma Shekwoyi nugun ami gyi-gyi-yi du oɓa nyalo. Zafun ɓei zhin woi bma wo zhin, owo ami n kala yi lo. Kwo ɓa shan yi do kwapmi ya bugba bma, kwa zhan yi alaifi ya. Kwo la ednawo gmiyi ya ntu na awyindna ɓo, kwo ga yi kala ntu ge ya zhin wo atnu-tnu.

Aibraniyi 9:24

Yesu ɓei lo eshe nu n kwohin tukwo, to ge aba gyi-gyi-yi nna mi n nabwa yi m, Wo lo n she Woi wu wohin tukwo n Shekwoyi abye ntu yi ɓo.

Bitrus I 1:3

Mwa-mwa vinya Shekwoyi nya nu n Dadayi, eyi Dagayi Yesu Kristi nya, ntuge owo sun-sungye tnazoyi nu na gayi esa a shan yi ma. Nsaiye yi sase n na awyetu wye-wyeyi nyalo-nyalo nya yi, ntuge Kristi ɓei la laka n efi.

Bitrus I 3:16

Fye zhin oɓo kwo bmiya, n naza daɓo tu fye tukwo, ɓai yi fye n naye nukwoi yi she fye vi Yesu, vinyikwo a woɓa ntu ɓa ɓeda nukwoi ɓo.