Bitrus I 3:18 - Alkawali Woiwoyi

¹⁸ Kristi ɓei ku wahala sin, wo ɓei fi bwa zungmanyi ntu eyi vinya alaifi ɓo. Koda-yake owo wohin tukwo wo to ɓei n laifiyi kwo gmanyi n, nnabai wa ɓe yi n Shekwoyi aba n tna Benukwoi. Koda-yake owo nayi ɓolafi, owo zafun ye n wye-wyeyi lo.

Bitrus I 3:18 ပူးပေါင်းရင်းမြစ်များ

Matta 27:19

Esa nu wo ɓo dna n awada ba, Bilatus nyiko wa tnu ga wo ge, “La abwa kun n eza ɓefye-cei ye ɓo mi ku ena ednanya nu nsukoyi n wo yi.”

Matta 27:24

Shi Bilatus ɓo gye wo ta mi lo wa bwa ɓa tukwo shin, njesun wa gye gyikici ɓa laka, wa tnu nuwan ɓo n ebue yi, wa wa bwa na n aza-yezhi abye, woi gna, mi zhin eza knikniyi nu n eza Befye-cei ye ami ɓo. Deye ko zhin efye anuwan nu.

Yohanna 16:10

N ɓefyece ɓo, ntu ge mi lo Dada ba nu to fya je mi wyegye m.

Atnu-tnuyi Aɓozhin 22:14

Wa gna mi ge, Shekwoyi eyi dada nya n la ho kni, ha kpe wo ɓemwi ye, ha gye Masihu ha wo wo ɓeda.

Atnu-tnuyi Aɓozhin 3:14

Fye to ɓo ye a lo oza Gyi-gyi-yi yam, sai ʼzawuyi.

Aromayi 1:4

Owo kalala n efi kwo wu ge wo zhin Shekwoyi ikoda Nugun nu, n Shekwoyi nayi Gyi-gyi-yi.

Aromayi 4:25

Wo ɓei fi ntu yi alaifi ɓo wa laka n vingwo ntu ge wa ze yi aza ye-ye yi n Shekwoyi aba. Woi nu yi n Shekwoyi ɓe manayi.

Aromayi 5:2

Ntuge, ntu n yi gaiciya ga ɓo nu n wa ɓe n yi n aba n yi gni-agni zhin n saiye nyi. Yi n bugba kalayi n agmadayi, yi shiwye ya ze enya n Shekwoyi n ceyi dna n bugba ntu yi ɓo ya ze.

Aromayi 8:11

Ndei Shekwoyi Zafun nwa la Yesu kala n efi nyi, n dnalo n fyemi wo ɓa zhin ofye a nayi fifiyi, ɓa bwa wye-wyei nfye efi avun, ntu n zafun ye ɓo n wo dna n fye nyi.

Aromayi 8:3

Ato gni yi, n laifi akun ntuge yi kpe Shekwoyi awyidna ye lo nun, ntuge yita mi n ɓa kni ya shi bwan, ama Shekwoyi wa zhin zokwo do wa gni yi, wa tnu n wo Nugun yi dna n Zanyikwoci nayi ngye eyi nya, ama eyi anya n laifi yi wa wun laifi iko ya n yi tukwo. Wa ga wohin tukwo hadaya ntu yi alaifi ɓo.

Akorintiyi II 1:24

Yi ta tu fye dole nu ge fye vi nya yi da nyi m, gama fye gni-agni lo so-sai dna gaiciya, yi zhin tnu-tnu nfyei ntuge fya dagma.

Akorintiyi II 13:4

Ewo nayi kala gbayi ɓei lafi tu n zundu, ama nsayi ye wo n wye-wyeyi lo dna n Shekwoyi iko. Eyi n yi cenyi yi gba kala gba-gbayi lo dna n nayi, shi wo ɓei gbakala, ama nsayiye yi sase n kalayi shi wo ncei nyi, n Shekwoyi ikoyi vinya n wo aɓo zhin nfye yi.

Akorintiyi II 5:21

Yesu to ɓei zhin laifi da num, ama ntu yi ɓo Shekwoyi wa zhin wo, har wa ze laifi da, ntuge ya kuze aza manayi.

Agalatiyayi 1:4

Wa fi ntu yi alaifi ɓo shi Shekwoyi Dada ɓei zhin shiri, wa gni yi n anyi nukwoyi ye n yi fi n ɓa nyi.

Agalatiyayi 3:13

Ama Kristi n la yi si, woi layi kunya n zokwo ɓednayi ye, woi la yi knitu ɓenukwoyi zhinya tu n wohin tukwo. Gama a cei kafi n littafi. Knitu n za ba n na zun wo du tu n shinwa.” Shi a ɓei zun Yesu du tu n zundu shinwa nya nyi.

Afisusuyi 3:12

Nsaiye yi ɓa mi ya ɓe Shekwoyi aba cewo n tna edna, ya ɓe ntna bugba ashan-shan, sanu n ya ɓe n gaiciya ga yi dna Kristi.

Titus 2:14

Wo ɓei fi Zafun Gyi-gyi-yi nya n yi abugbami dna n Shekwoyi owa ntu yi alaifi ɓo nu, n na bai wa gni yi to ya je kayafi n laifi ci-ci, wa ze yi owo aza, n na abugba manayi n pwa wo yi, ya zhin azaje ɓemana.

Aibraniyi 10:10

Shekwoyi wo ku gafara zhin yi n zokwo woi-woi. Wola ya laifi zhanya nyalo-nyalo. Yesu nu na zhin aɓo deye ntu yi ɓo, sanu wo ɓei fi ntu ya laifi ɓo nyi.

Aibraniyi 9:14

Amma Shekwoyi nugun ami gyi-gyi-yi du oɓa nyalo. Zafun ɓei zhin woi bma wo zhin, owo ami n kala yi lo. Kwo ɓa shan yi do kwapmi ya bugba bma, kwa zhan yi alaifi ya. Kwo la ednawo gmiyi ya ntu na awyindna ɓo, kwo ga yi kala ntu ge ya zhin wo atnu-tnu.

Aibraniyi 9:26

Shekwoyi ta ye sadaka ye cici nu m. Dole nu Yesu wa ga wohin zun gmanyi. Owo sadaka ɓei la eyi tata goya.

Aibraniyi 9:28

Ntu cenu Yesu ɓei fi ntu yi ɓo zungmanyi, wo ɓei fi eyi a laifi fi nu. Amma wo ɓei la laka n vingwo, wo je ze ɓe lo wa gni aza nɓa vi wo nyi.

Yakubu 5:6

Fye ku aɓo manayi-zhin-yi zun kni, fyei ku aza wu n ɓa to n kalayi lo ɓa gni ɓahin n fye akun.

Bitrus I 3:19

Dna n zafun ye nu n wo ɓei lo a zafun aba nɓa fi n kurkuku, wa zhin ɓa waʼazi —

Bitrus I 4:1

Shikonyi Kristi ɓei ku wahala sin wa dna n na zhin gye, fye ku wo bugba pya fi, fya ku zhi n shiriyi fya sin wahala ce. Ntuge fye pa ge, esa n nayi kwa sin wahala laifi kala kwa gba.

Bitrus I 4:6

Ntucenu a zhin azafi Nabari Manayi waʼazi n nuwan ɓei wan ɓa nyi, ntuge koda-yake aɓei taɓa nayi n efiyi ɓa mi ɓa sase fi nɓa azafun ngye Shekwoyi.

Yohanna I 1:9

Ama n ya da eyi alaifi nwo aba, yi ɓa mi ya kpema wo wa zhin yi gafara. Wa zhanyi ya n ɓenukwoyi vinya. Kwo wulo cewo n Shekwoyi aba, wa zhinyi lonu ntuge Kristi ɓei lafi ntuge wa zhanyi alaifiya.