Bitrus I 2:9 - Alkawali Woiwoyi

⁹ Ama fye to wulo lonun, ntuge Shekwoyi la fye kni n wohin yi, fye zhin Esu a pirist nu, fye gyi-gyiyi lo n bmiya, fye zhin Shekwoyi anyanu, aɓeye vinya ntu ge fya wu aza shi Shekwoyi wa yi fye n wyegmaa mi woi lo fye fi n wo buzangna ɓewowoyi nya.

Bitrus I 2:9 ပူးပေါင်းရင်းမြစ်များ

Matta 4:16

“Aza nɓa ɓei sase fi n wyegma ɓaku gye buzagna dnagmayi. Ɓa ɓo sase fi n ʼkni efi nya nu. Buzangna kwa kpeya da ɓa.”

Luka 1:79

Wa ga aza buzangna n ɓa filo n wyegma ɓedo n efi nyi. Njesun wa zhin yi fi n zokwo bugba fu nya.”

Yohanna 17:19

Mi la mihin ze gyi-gyi-yi ntu ɓa ɓo, nnabai ɓahin ɓa ze gyi-gyi-yi dna n gaiciya.

Atnu-tnuyi Aɓozhin 20:28

Suku-suku, fye kpa akni Shekwoyi nya wato owo ikklisiya nwa si n wo ami yi nyi, Zafun Gyi-gyi-yi na kni fye fya ze aɓo wyednayi.

Atnu-tnuyi Aɓozhin 26:18

ha kpe ɓa awye ya, ɓa gye gaiciya ɓa ye abui, ɓa zan-zan dna buzangna Shekwoyi nya, maimakon shetan wyegma, ntu ge ɓa bwa gafara oɓa alaifi nya, ɓa ze gado Shekwoyi nya, ɓedo aza yi abaho-bahoi vinya, oɓa nu a la oɓa alaifi zhan ya ntu ɓa gaiciya ga ɓo omi aba.’

Atnu-tnuyi Aɓozhin 26:28

Agaribas wa gna wo ge, n aɓedeye yi ho ye ma ze Yesu viyi-i?

Akorintiyi I 3:17

Ntucenu zaho-zahoi nwa wun Shekwoyi nyakun ya, to Shekwoyi ɓa wun wo ya. Ntuge Shekwoyi nyakun gyi-gyi-yi lo. Ofye nu zhin anyakun yi.

Afisusuyi 1:14

Owo ase-se n yi mi zhin Shekwoyi tuze nu ge, wo ɓa gayi anya vinya n wa zhin yi alkawali, Zafun ase-se n yi mi wuyi ge Shekwoyi la yi lu si, wa ɓe yi n wohin tukwo aba, dalili nyi n jesun n kwo ɓa zhin ya ci yi Shekwoyi.

Afisusuyi 1:6

Mwa-mwa n Shekwoyi aba ntu n wo alheri ɓo n wo ye-yei nwa zeya puyi, ntuge yi zhin owo Nugun ye-ye yi aɓi nu.

Afisusuyi 3:21

Fye gawo mwa-mwa nyalo-nyalo ntu n wo shiri gni-gni nya ɓo, ntu ikklisiya ɓo dna n Yesu Kristi.

Afilibiyi 3:14

Mi zhin atna masi asibui cezhi ba, ma gwo lada n Shekwoyi wa yi-yi ya lo she, ntu nya ɓo n Kristi Yesu wa zhin gayi nyi.

Akolosiyi 1:13

Gama wo la yi kun n wyegma n Shetan ebemi, woi fiyi n wo Nugun ye-yeyi ebemi.

Timatawus II 1:9

Owonu na gni yi, wa kni yi, n tu n wo tnu-tnu gyi-gyi-yi ɓo, to ge yi kunce lo nun, ama ntuge owo shiri nu tunyi kafin asa anyi, n na bai wa wuyi owo alheri n ye-yeyi dna n Kristi.

Titus 2:14

Wo ɓei fi Zafun Gyi-gyi-yi nya n yi abugbami dna n Shekwoyi owa ntu yi alaifi ɓo nu, n na bai wa gni yi to ya je kayafi n laifi ci-ci, wa ze yi owo aza, n na abugba manayi n pwa wo yi, ya zhin azaje ɓemana.

Bitrus I 1:2

Oma nugundo, Shekwoyi Dada ɓei kni fye tunyi n sapa, Wa ku pma kpe ge fye ɓa ze owo aɓi, Zafun Gyi-gyi-yi lo tnu-tnu lo n fya bugba mi woi zhan fye ya n Yesu Kristi ami yi, woi zhin fye fyei zhin oɓo kwo dawo, alheri n bugba-fuyi ɓa la lakpe nfya ba.

Bitrus I 2:5

Nsaiye fye ku ze akuta awyewyeyi, Shekwoyi wa zhin apma cei wa mi nyakun, kniyi du lo ɓoʼa? Fye ɓe Wa ba, (ofye n fye ku zhin anya go-go yi nwa ba ntu Yesu Kristi ɓo nyi,) fya ga wo anya n ɓa dawo.

Bitrus I 4:11

Ala ho yi ha zhin waʼazi? To zhin waʼazi ngye Shekwoyi nu daɓo nho ʼgbe yi. Ayiho ha bma aza zhin nu? Zhin kwo n kalayi vinya n Shekwoyi wa gaho, n nabai a la Shekwoyi tu dna n Yesu Kristi, mwa-mwa n ikoyi owo nya nu har nyalonyalo. Amin.

YOHANNA ƁEWYEGYE 1:6

Wola yi yezhi fi n owo ebemi, wa zeyi a pirist Shekwoyi owo Dada anya. Fye gawo mwa-mwa nyalo-nyal-o nya, wo gyi ebe nyalonyalo Amin.

YOHANNA ƁEWYEGYE 20:6

Anabarkada nu n agyi-gyi yi aza nɓa bwa lo-lo dna n kalaku kmisunyi. Gama Efi Bayi to n ikoyi lo n ɓa tukwon gama ɓaɓa zhin a prist Shekwoyi anya n Kristi yi ɓai gyi ebe n woi har aye tagyi ngun awo.

YOHANNA ƁEWYEGYE 5:10

Hoi la ɓa yezhi n ebemi, hoi ku ɓa ze a pristi ieyi Shekwoyi anya, ɓa ɓei gyi ebe tu n na anyi tukwo.”