Bitrus I 2:7 - Alkawali Woiwoyi

⁷ E, wo n latu yi lo n fya ba n fye ku gaiciya ga nyi, n na zaba n ɓa la wa ɓo na nyi, To, “Kuta ho n na a nyakunmiyi la kwa ɓo nanyi, kwo la ze kuta nyakun-bwakonu nya nkwo du n mwa-mwa n na pmai dna nyakun mi nyi.”

Bitrus I 2:7 ပူးပေါင်းရင်းမြစ်များ

Matta 21:42

Yesu wa pmi wa nya ɓa, “Fye to shin ba n Shekwoyi ɓedan, ‘Kuta na nyamiyi ta ye, kwo nu la ze kusurwa kuta yakon? Degye kwo nu zhin ɓezhin-zhin wo-woyi Dagayi nya.’

Luka 2:32

Owo nu zhin buzangna n wo ɓa wu aza nɓa to kpeho ye m. Owo nu ɓa ɓe n daraja yi n ho aza Israila aba.”

Luka 2:34

Simon wa tu ɓa anabarka, amma wa ci Maryamu ge, ebeyakwo ɓa fin ho n bugba, gama aza n mwa begye n Israila taye eɓi ye m. Amma oɓa nuwan nu. Amma aza n mwa ɓa bwa agmada n wo aba njesun, wo ɓa kun azaho ɓemwi bmi.

Luka 20:17

Nsayi Yesu wa shiɓa wye wa cige, “To Littafi da kniɓeyi nu ge, Kuta n anyakun miyi taye m, okonu laze kuta bwakonu nya?

Yohanna 4:42

Ɓa gna nyikwozahi ge, “Yi to ga gaiciya ntu ho ɓeda ɓo num. Yi ku wo n yihin tukwoyi. Yi kpe lo ge wo nu zhin anyi Gniyi.”

Atnu-tnuyi Aɓozhin 26:19

“Ntu deye ɓo, O esu Agaribas, mi to ɓei na ɓo n ɓewyegye eshe nya yi m.

Aromayi 10:21

Nsaiye, wo zhin atna lo wa si a Yahudiyi kpe, ama ɓa gyi abye na ɓenayi, to ɓai ye ge ɓa ɓem.

Aromayi 15:31

Fye zhin aduwa n nyaho ta bwami n na aza kun n ɓa ta vi Yesu Kristi nyin, n ɓa fi n Urushelima nyi. Fye zhin aduwa njesun n na Yesu viyi ɓei gwo agyiwye n mi lo ɓa n cei nyi.

Akorintiyi II 2:16

Ga aza nɓa fi lo n bwi-bwi Turare ye zhin nya nukwoyi nu n kwo wu za. Ama ga aza ɓa filo n pwo-pwo kwo zhin nya manayi nu n kwo ɓe wye-wye yi. To, nyika nu ɓa mi n tnu-tnu ye pya?

Akolosiyi 2:10

Ntu cenu fye n na anya yi lo vinya n dei fye n Kristi yi lo, ai ku fye nu n Shekwoyi ntu n fye gmanyi ze ɓo n Kristiyi. O wo nu zhin Begyi yi dnagmayi ndu zaho-zahoi n wo n ikoyi.

Titus 3:3

N sapa yi ɓei zhin aza mama n tna cei, yi kwo tukwo agnana. Aza ɓei dna yi woice ya ku ze afyenu aɓewyeda nya n shakpe nukwoyi nya yi, eyi awye-wyeyi ɓei wun azanu ɓahin ɓai wunyi nu.

Aibraniyi 11:31

Rahab ɓei zhin karuwanu. Ama wo ɓei la gaiciya ga Shekwoyi iko, wo to ɓei fi n kunsun nwo azaje yi m, ɓa ɓei fi ntu ge ɓa to ɓei vi Shekwoyi begye m. Amma Rahab ɓei la azhi-pmigye yi gwo.

Aibraniyi 4:11

Ntu cenu, yi zhin atna ya lo ofun deye Kada tna gaiciya ga kwa hana n yi.

Bitrus I 1:8

Fye yewo lo, kwo da yake fye to shin wo gyen. Fye ta gye wo lon, ama fye kpma wo lo, kwo nsaiye a da fye lo n na gmadayi n na ta shin kwo ɓedan,

Bitrus I 2:4

Fye ɓe Kristi aba, owo nu zhin Nyakun shishiyi Apma nya n Shekwoyi mi nya tu nyi. Koda shike aza la wo ciwyegba wo na pmailo n latui njesun n Shekwoyi aba n wa kni wo tu naza she nyi.

Bitrus I 2:8

Littafi a je ci ge, “Wo zhin kuta bonyi-ce nya nu n na zaho aba. Apma n kwo ɓei zhin ɓa miya.” Ɓa ɓei kni a bonyi ntuge ɓata ye ɓa wo Shekwoyi Ɓeda, kwo ɓa vi wo ɓeyem, ntu cenu tata ye mimiya nya, ɓei vi ɓa.