Bitrus I 2:5 - Alkawali Woiwoyi

⁵ Nsaiye fye ku ze akuta awyewyeyi, Shekwoyi wa zhin apma cei wa mi nyakun, kniyi du lo ɓoʼa? Fye ɓe Wa ba, (ofye n fye ku zhin anya go-go yi nwa ba ntu Yesu Kristi ɓo nyi,) fya ga wo anya n ɓa dawo.

Bitrus I 2:5 ပူးပေါင်းရင်းမြစ်များ

Aromayi 12:1

Ntu cenu mi gyi fye wye fya gafye anayi n Shekwoyi akun, ɓa ze hadaya wye-wyei gyi-gyi-yi nya, odo pya n wo ɓa gwo. Nfya pa oɓo ɓo n wa zhin fye, deye duwyi lo wa nya fye?

Akorintiyi I 3:16

Fye ta kpe lo ge fye zhin Shekwoyi nyakun nu, Shekwoyi Zafun yi sase lo dna fye mim?

Akorintiyi I 3:9

Yi zhin Shekwoyi atnu-tnu loyi nu ngnisun kawai. Fye zhin Shekwoyi fwa nu, toge eyi nyam; fye zhin Shekwoyi nyakun nu, toge eyi nyam.

Akorintiyi I 6:19

Fye ta kpe ge ofya nayi zhin Zafun Gyi-gyi-yi asese ba nu, n Shekwoyi ɓei ga fye nyi, Woi sase lo dna fye mim? Ofya nayi to zhin fya nya num.

Akorintiyi II 6:16

Shekwoyi puwa ɓa gyi nugundo nwuna n ashan puwa yi a? Gama yi nabari manayi n wa ɓe yi n cei nfye zhin Shekwoyi aduwa-nyakun nu, shi Shekwoyi ku da n wohin, “Ma zhin emi puwa n ma azayi nu, ma sa-se nɓa mi, ma ze ʼɓa Shekwoyi ɓa ze ʼmi aza.”

Agalatiyayi 6:10

Cenu zhin esa vinya n yi ɓami ya bma aza zhin, tun ba ga eyi a Yesu viyi aje.

Afilibiyi 1:11

Fye zhin ɓemana nu ci-ci, aɓo n ɓa ɓa wu ge fye zhin Shekwoyi aɓi nu. Ntuge de ye ɓa ɓe n latu yi, n mwa-mwa yi n Shekwoyi aba.

Afilibiyi 2:17

Ngye aɓa emi ami zeya nu ntu n fye gaiciya ga ɓo n mi ga Shekwoyi kwo ngye hadaya nyi, wato ngye mi ba fi ntu fye ɓo nu, aɓa dami n mwa, mabwa agmada ngnisun nfyei.

Afilibiyi 4:18

Nsaiye, mi n na anya yi lo-lo n mi ye n mwa, anya n fye ɓei ga Abafraditus wa ɓemi n cei nyi, Ɓa zhin nyaga sundayi nu n kwo da Shekwoyi agma n mwa.

Akolosiyi 3:17

Enya vinya n fya zhin kwo fya da, fye fa kwa ze wakili Dagayi Yesu nya, fya ɓe n gnisun n woi n Shekwoyi Dada abye fya zhin wo godiya.

Timatawus I 3:15

N na bai n mi to ɓe n pyen ha kpe a za pya ye n ho ɓa kni, ɓa zhin a tukwoda fi n ikklisiya, Shekwoyi wye-wyeyi da nya, n ɓa fi ɓai shi Shekwoyi gaiciya ɓai la kwo tu nyi.

Aibraniyi 3:6

Ama Yesu ɓei zhin gaiciya tu Shekwoyi puwa ntu ge wo zhin nugun nu. Yi zhin wo azanu n ya mi dna gaiciya, har nyalo-nyalo.

Bitrus I 2:9

Ama fye to wulo lonun, ntuge Shekwoyi la fye kni n wohin yi, fye zhin Esu a pirist nu, fye gyi-gyiyi lo n bmiya, fye zhin Shekwoyi anyanu, aɓeye vinya ntu ge fya wu aza shi Shekwoyi wa yi fye n wyegmaa mi woi lo fye fi n wo buzangna ɓewowoyi nya.

Bitrus I 4:11

Ala ho yi ha zhin waʼazi? To zhin waʼazi ngye Shekwoyi nu daɓo nho ʼgbe yi. Ayiho ha bma aza zhin nu? Zhin kwo n kalayi vinya n Shekwoyi wa gaho, n nabai a la Shekwoyi tu dna n Yesu Kristi, mwa-mwa n ikoyi owo nya nu har nyalonyalo. Amin.

Bitrus I 4:17

Ntuge esalasi wada nya, tilas kwa ya n Shekwoyi aɓiyi nu. Tunda aɓa da a Yesu viyi owa, aza n ɓa to ga Dagayi gaiciya nyi ma, a ɓei ka zozo nɓai wuna?

YOHANNA ƁEWYEGYE 1:6

Wola yi yezhi fi n owo ebemi, wa zeyi a pirist Shekwoyi owo Dada anya. Fye gawo mwa-mwa nyalo-nyal-o nya, wo gyi ebe nyalonyalo Amin.

YOHANNA ƁEWYEGYE 20:6

Anabarkada nu n agyi-gyi yi aza nɓa bwa lo-lo dna n kalaku kmisunyi. Gama Efi Bayi to n ikoyi lo n ɓa tukwon gama ɓaɓa zhin a prist Shekwoyi anya n Kristi yi ɓai gyi ebe n woi har aye tagyi ngun awo.

YOHANNA ƁEWYEGYE 3:12

“Oza n wa gyi nasara, miɓa ze wo jigo n mi Shekwoyi yakun, nyaho ta bwawon wo ta shagmin nyalo-nyalo miɓa ka emi Shekwoyi eye tu n wo, wa ze ekni ɓi n emi Shekwoyi aba. Woɓei bwa emi eye n katu n wo.

YOHANNA ƁEWYEGYE 5:10

Hoi la ɓa yezhi n ebemi, hoi ku ɓa ze a pristi ieyi Shekwoyi anya, ɓa ɓei gyi ebe tu n na anyi tukwo.”