Bitrus I 2:4 - Alkawali Woiwoyi

⁴ Fye ɓe Kristi aba, owo nu zhin Nyakun shishiyi Apma nya n Shekwoyi mi nya tu nyi. Koda shike aza la wo ciwyegba wo na pmailo n latui njesun n Shekwoyi aba n wa kni wo tu naza she nyi.

Bitrus I 2:4 ပူးပေါင်းရင်းမြစ်များ

Matta 11:28

Fye ɓe maba miɓa ga fye sun-sun, efye nu n fye naya shan-woi kpe.

Matta 12:18

“Shi Mi Bara awye! Gye Mi Za kni-kniyi! Owo nu n mi ye, n mi wye-wyei dagma woi. Miɓa puwo mi Zafun, Wo ɓa da abye ʼwa.

Matta 21:42

Yesu wa pmi wa nya ɓa, “Fye to shin ba n Shekwoyi ɓedan, ‘Kuta na nyamiyi ta ye, kwo nu la ze kusurwa kuta yakon? Degye kwo nu zhin ɓezhin-zhin wo-woyi Dagayi nya.’

Yohanna 14:19

Esa fyewyi nɓa fwa anyi, ama mi kunsun lo nfyei, ntu ge nɓo je wye-wyeyi bwa. Fye ɓa bwa wye-wyeyi ce ngye mi.

Yohanna 14:6

Yesu wa gna wo ge, “Omi nu zhin zokwo, n gaiciya yi n wye-wyeyi. Zaho-zahoi ta mi wa lo Dada abam, sai wa e mi aba kpa.

Yohanna 5:26

Ngye shi Dada n wye-wyei lo n wohin tukwo nyi, elonu wo la iko ga Nugun wa bwa wye-wyei n wohin tukwo ce.

Yohanna 5:40

Fyei ta ɓe mi aba lo, ntuge ma ga fye wye-wyei m.

Yohanna 6:37

Aza n Dada ku gami nyi, tile ɓa ɓe mi aba. Mihin kwa mi ta nya ɓa yam.

Yohanna 6:57

Ngye shi Dada wye-wyei nya wa tnu n mi-i, mi n wye-wyei lo ntu wo ɓo. Elonu oza nwa gyi mi nayi wohin wo ɓa bwa wye-wyei ntu mi ɓo ce.

Aromayi 5:10

Tunyi, yi ye zhin wo anuɓayi, a jeze ɓe n yi n Shekwoyi aba, ntu n wo Nugun efi ɓo. Anabarka yakwo nu, n yi ɓa gna bwa n sayi n yi ku zhin wo anugundo nyi, woi dna lo n yi mi.

Akorintiyi I 3:11

Ntu ge zaho to lo wa shan nyakun hin-hin shishi ndu do yi la lu bwanyim wato Yesu Kristi nu.

Akolosiyi 3:4

Esa n Kristi nwo zhin eyi wye-wyeyi hin-hin, wa jezeɓe fye ɓei bmiya na fyei bwa owo mwa-mwa.

Bitrus I 1:19

Ama wo ɓei gba n Kristi ami gyi-gyiyi nu, Shekwoyi kugya n tna laifi n tna ecigusa.

Bitrus I 1:7

A wahala ye ɓe da fye ntuge, a mwi fye gaiciya ga gye nu, agye kwo kwo n kalayi lo, n gyi-gyi-yi, a mwi kwo gye shi ena zhin kwo mwi zinariya gye nyi kwa zhan kwo ya, ofye gaiciya ga du zinariya lo n latu n Shekwoyi aba, ntu cenu n fye gaiciya ga migni n kalayi n kwo mutu, avun, dna n wahala abednai, kwo ɓa ɓe fye n ci-ci yi, n mwa-mwayi, n latuyi ewyi n Yesu Kristi ɓei jezeɓe nyi.

Bitrus I 2:7

E, wo n latu yi lo n fya ba n fye ku gaiciya ga nyi, n na zaba n ɓa la wa ɓo na nyi, To, “Kuta ho n na a nyakunmiyi la kwa ɓo nanyi, kwo la ze kuta nyakun-bwakonu nya nkwo du n mwa-mwa n na pmai dna nyakun mi nyi.”

Bitrus II 1:1

Wasika nkwo gmi n Siman Bitrus aba, Yesu Kristi fyenu n tnu-tnuyi. Kwoi lo aza ba vinya n ɓa ku gaiciya ga latu nya bwa eyi-nya pya nyi, dna n ɓefyece eyi Shekwoyi, n eyi Gniyi Yesu Kristi nya yi.

Bitrus II 1:4

Dna wo iko yakwo, woku anyabwaje gayi n anabarka manai yi nwa zhin yi alkawali nyi. Wato woku alkawali zhin ge woɓa gniyiya n shakpe, n cegyeyi nkwo sheyigun ɓa nyi, wa pmi wa gayi owo ɓefyece.