Bitrus I 2:24 - Alkawali Woiwoyi

²⁴ Wonu ɓei la eyi alaifi kaya n wohin nayi, esa n wo ɓei fi tu n zundu nyi, n na bai ya ze afifiyi n laifi aba, ya se ase gyi-gyi-yi nsayi. Ntuge ntu wo aci ɓonu yi-i bwa kagna.

Bitrus I 2:24 ပူးပေါင်းရင်းမြစ်များ

Matta 27:26

Nsa-yi Bilatus wa Barabbas loya. Ama Yesu wa lu wo, wa ga wo n a Romayi a soja akun ntu ge ɓa lo n woi ɓo zun wo du.

Matta 5:20

“Ama ma pma fye gna sai efye aɓo manayi zhin ɓa du a Farisiyawayi nya n na Yahudawayi abyeda yi, n to lo nu n, fye ta mi fya lo eshe ebe m!

Matta 8:17

Deye ɓo ku nu anabi Ishaya ɓo da ge, “Wa la eya nyasan tu wohin.”

Markus 15:15

Shikwonyi Bilatus, wo aza yezhi dna, wo ye njesun aza yewo wa lo Barabas ya. Wa ga gbe ge a zhin Yesu bulala n bulalayi n kwo na sinknayi fyi. Wa gawo m ɓa kun nge ɓa zun wo du.

Yohanna 1:29

Sa n fye ɓei gyi, Yohanna gye Yesu woi ɓe, wa cige, “Fye gye kugya ɓiyi Shekwoyi nya nwo nu la alaifi anyi nya vinya nyi.

Yohanna 19:1

Nsayi Bilatus wa la Yesu wa zhin wo bulala.

Atnu-tnuyi Aɓozhin 10:35

Dna abye doho-doho yi Shekwoyi na za yi lo ɓai ga wo mwa-mwa, ɓai zhin ɓe manayi wohin kwa woi gwo ɓa.

Atnu-tnuyi Aɓozhin 10:39

Eyihin abara yi zhin aseida da nu, tu aɓe deye n wo ɓei zhin dna Israila ɓedo n Urushelima yi, aba a ɓo wu wo tu n zundu nyi.

Atnu-tnuyi Aɓozhin 13:29

Shi ɓa ɓei la wo wu wato ɓai ku anabi ɓeda nu a wo bi.

Atnu-tnuyi Aɓozhin 5:30

Fye ɓo la esu gyi to nshiwan, fya wo wu. Amma Shekwoyi eyi azakwoyi nya ɓo la wo laka evingwo.

Aromayi 6:11

Ntu lonu fye ze of yehin aza fi-fiyi n laifi aba, to fya ye laifi ayin fya ku ze awye-wyei da n Shekwoyi aba fyei wo-wo dna n Yesu Kristi eyi Dagayi.

Aromayi 6:13

Fye to ye ega doho nfye nanyi kwa ze ɓenukwoyi zhin nyan, kwa ze laifi zhinya, ama fye ga fyehin tukwo vinya n Shekwoyi akun nfye aga yi vinya, ntu ge fye la kun n efi, fye ku ze apmanya n Shekwoyi akun, wa zhin apma n fyei n wo ɓeye gmanyi.

Aromayi 6:16

Fye ta kpe lon nge fye ɓa mi fya kni fye dagayin? Fye ɓa mi fya kni laifi (n fiyi) ko, ɓovi (n gyi-gyi-yi) oza nfya ga fyehin tukwo n wo a kun wonu ɓa lafye wa ze of ye dagayi fya zewo afyenu.

Aromayi 6:2

Awo, yiɓa gyi abye n laifi zhinyi to kwoi zhin dole nu? Ntuge aɓei la laifi iko bmaya n yi tukwo, sanu n yi ɓe ze a Yesu viyi nyi, a zhin yi baptisma ya ze gmanyi n Yesu yi, ntu nwo efi ɓo, aɓei la ofye nanyi laifi zhin nya iko bmaya.

Aromayi 6:22

Ama n sayi ye fye la kun n laifi iko, fye ku zhin Shekwoyi abara, owo gyiba nwo ga fye okwo nu gyi-gyi n wye-wyeyi nyalo-nyalo nya yi.

Aromayi 6:7

Sanu, nfye ku fi n laifi aba fyeku pwo nkwo kwocedna n kwo ikoyi nfye tukwo.

Aromayi 7:6

Ama nsaiye fye to gye fye anuwan n na Yahudiyi owa yin n ɓa knunu yin. Ntuge fyeɓo ku fi, fyei fi n ɓa bauta zhin, nsaiye, fye ɓa zhin Shekwoyi bauta to ge dna n zokwo kwo-kwoyi, fyei shi awyidna bwan, ama n zokwo woyi, (nfye abugbai vinya n fye awye-wyei vinya.)

Akorintiyi I 15:3

Nʼɓo ku gna fye pei-pei, tunyi n kmisunyi, ngye she mi ɓei gwo kwo nge Yesu ɓo lafi ntu yi alaifi ɓo, she littafi ceida

Akorintiyi II 6:17

Ntucenu Shekwoyi ku da, “Dole fya fa ɓa, fye la gnaje n ɓai, Fye to zhin nyaho-nyahoi n nyayi n kwo to gyi-gyi-yi m. Mi ɓa gwo fye.”

Agalatiyayi 3:13

Ama Kristi n la yi si, woi layi kunya n zokwo ɓednayi ye, woi la yi knitu ɓenukwoyi zhinya tu n wohin tukwo. Gama a cei kafi n littafi. Knitu n za ba n na zun wo du tu n shinwa.” Shi a ɓei zun Yesu du tu n zundu shinwa nya nyi.

Afisusuyi 5:9

Ntu n buzagna ye ɓo n kwo dna n fye nyi fye bwa enya nu zhin n kwo bmiva, n nya yi n kwo zhin gaiciya.

Afilibiyi 1:11

Fye zhin ɓemana nu ci-ci, aɓo n ɓa ɓa wu ge fye zhin Shekwoyi aɓi nu. Ntuge de ye ɓa ɓe n latu yi, n mwa-mwa yi n Shekwoyi aba.

Akolosiyi 2:14

Wa zo of ye knizun vinya, owo awyidna vinya nfye to ɓei shi ɓa bwa nyin. Wa ku alaifi ye vinya wa zunɓadu tu n Kristi zundu.

Akolosiyi 2:20

Shi fye ku fi, n Kristiyi, deye la fye loya n anyi ɓemwi ngye shi oza ɓo pwo nwu, dna n ɓemana zhin n na wyidna bwashi-kninu zhin fye ye viɓa n pa payi n na awyidna yi ge,

Akolosiyi 3:3

Anyiɓo to fi fye pwan, ngye oza n wo lafi. Ofye wyewyeyi hin-hin lo n eshe n Kristi yi ɓedo n Shekwoyi.

Aibraniyi 10:10

Shekwoyi wo ku gafara zhin yi n zokwo woi-woi. Wola ya laifi zhanya nyalo-nyalo. Yesu nu na zhin aɓo deye ntu yi ɓo, sanu wo ɓei fi ntu ya laifi ɓo nyi.

Aibraniyi 10:5

Ntu cenu Yesu wa ɓe anyi mi, Yesu ɓei da ɓo nu anabi ho aba wa ci ge, “Anyakpa ami ta siho ebemi — O Shekwoyi, ntu cenu hoi ga mi nayi ye, Emi nayi nu n ho ye sadaka.

Aibraniyi 12:13

Zhin ha pita zokwo manayi. Aza tna kala na nyasan yi n ɓa vi kwo ɓa ta miya ɓa wu ɓahin m. Amma ɓaɓa ku ze akala da dna n gaiciya ga.

Aibraniyi 7:26

Wo ɓei la ze ngye ʼyi kodashike wo to ɓei zhin laifi m, Oza gyi-gyi-yi nu, n tna zamba. A woi knaya n na alaifi da, a mwa-mwa gawo n eshemi.

Aibraniyi 9:28

Ntu cenu Yesu ɓei fi ntu yi ɓo zungmanyi, wo ɓei fi eyi a laifi fi nu. Amma wo ɓei la laka n vingwo, wo je ze ɓe lo wa gni aza nɓa vi wo nyi.

Yakubu 5:16

Fye zhin aje gafara fyei zhin aduwa ga je, n na bai fya bwa lafiya Ɓefyece zhinyi aduwa ɓa zhin ikoyi mwa, kwa ɓe n amsa manayi.

Yohanna I 2:29

Shi yi kpelo ge Shekwoyi zhin oza manayi nu, woi zhin ɓemana n esai vinya, yi ɓa mi ya ci ge, aza nɓa zhin ɓe mana, ɓa zhin owo aɓinu.

Yohanna I 3:7

O, Omi aɓi, fye toye zaha wa dna fye kwoce n, nfya zhin ɓemana n esai vinya, kwo wunu ge fye zhin aza manayi nu ngye wohin.

YOHANNA ƁEWYEGYE 22:2

Kwoi diya n zokwo yakwo a tasin, N ola kma a sepa aba-aba shinwan wye-wyeyi nya n pazhi kwoi gyi abye awo-cei-aba, kwoi gyi woiwoyi epya doho-dohoi, okwo afintolo ai zhin apma n cei ntu n na abye kagna ɓo.