Bitrus I 2:21 - Alkawali Woiwoyi

²¹ Wahala ye pya dna lo n tnu-tnu mi n Shekwoyi wa ga fye. Kristi nwo ɓei sin wahala n fye ɓo nyi, wonu zhin fye e-fye, fye vi wa pita ʼbwi.

Bitrus I 2:21 ပူးပေါင်းရင်းမြစ်များ

Matta 10:38

N ha gnage ho ta la ho zundu ha vi mi m, ho to kunce lo ha ze mi nya m.

Matta 11:29

Fye la ma kaya, ɓa wo lo fafa miɓa wu fye ge mi zhin eza hankali da nu n bugba sun-sun gye nya yi, efye wye-wyei ɓa bwa sun-sun. Ntu ge mi ta ga za akaya shan-wo yi m.”

Matta 16:24

Yesu wa pmi wa gna abara ge, “Ndei zaho-zahoi ye wa vi mi, sai wa na wohin tukwo aɓo, wa la wohin zundu, wa vi mi.

Luka 24:26

Ai kwo ɓei zhin tile nu ntuge Masifu wa sin wahala ye n sayi walo owo daraja.”

Yohanna 13:15

Mi la of ye manayi ya shi fye, fye zhin lo nu ngye shi ma zhin fye nyi.

Yohanna 16:33

Ma gna fye deye, ntu ge fya bwa bugbafu nu. Fye ɓa bwa wahala dna nanyi ye. Ama agu-tu-fye ngye apma, Miku nasara zhin n nanyi yi.”

Atnu-tnuyi Aɓozhin 14:22

Ɓai bma a Yesu viyi zhin n Yesu ɓedayi, ɓa gna ɓa ge ɓa to fa Yesu m. Kwo wahalai nu ɓe, ntuge zokwo nu bwa sun nu n ko ɓa lo n yi n she.

Atnu-tnuyi Aɓozhin 17:3

Woi ga bayani anabci n na ɓei zhin tu Yesu wahala ɓo, ɓedo nwo kala layi n vingwo, wa wu shi Yesu nu zhin Kristi.

Atnu-tnuyi Aɓozhin 9:16

N ɓa wu wo shi wo ɓa sin, wahala nsun ntu mi ɓo.”

Aromayi 8:29

Ntuge, tunyi n kmisunyi, Shekwoyi ɓei ku da aza vinya n ɓa ɓe wo aba, wo ɓei n cei pma-kpe aza nɓa ɓa ɓe–ɓa ze ngye owo Nugun, n na bai owo Nugun wa ze oza kmisunyi dna nwo azaje.

Akorintiyi I 11:1

To, fye vi ma pita bwi, ngye shi mi vi Yesu anya nyi.

Afisusuyi 5:2

Fye ku nu n ye-yei ga aje, fya shan Kristi nwa ye n fyei nyi, wa ga wohin n Shekwoyi akun ngye hadaya, wa ku fye alaifi ya nyi. Ce a da Shekwoyi, ntuge Kristi ye-ye nfve aba, kwo zhin ngye tulare sunda yi nu nwo aba.

Afilibiyi 2:5

Kwo bmiya efye hali kwa wu ngye odo n Yesu Kristi ɓei wu yi nyi.

Timatawus II 3:12

E, aza n ɓaye ɓa zhin oɓo n kwo da Kristi Yesu, ɓa ɓa sin wahala n aza kun n ɓa wun wo nu nyi.

Aibraniyi 2:10

Deye kwa lo dei-dei n Shekwoyi nufiyi nwa zhin anya ntu wohin latu ɓo nyi. Wa zhin bezheyakwo ntu wo wahala ɓo. Ntu lo nu wa mi wa ɓe n nazai n mwabegye n gni-gni zokwo.

Bitrus I 1:20

Shekwoyi ɓei kni wo tunyi n sapa to ai zhin anyin, ama n na anyipyei kmaknayi ye kwa ze anabarka n fya ba.

Bitrus I 2:24

Wonu ɓei la eyi alaifi kaya n wohin nayi, esa n wo ɓei fi tu n zundu nyi, n na bai ya ze afifiyi n laifi aba, ya se ase gyi-gyi-yi nsayi. Ntuge ntu wo aci ɓonu yi-i bwa kagna.

Bitrus I 3:18

Kristi ɓei ku wahala sin, wo ɓei fi bwa zungmanyi ntu eyi vinya alaifi ɓo. Koda-yake owo wohin tukwo wo to ɓei n laifiyi kwo gmanyi n, nnabai wa ɓe yi n Shekwoyi aba n tna Benukwoi. Koda-yake owo nayi ɓolafi, owo zafun ye n wye-wyeyi lo.

Bitrus I 3:9

Fye to gba ɓenukwoi ta n ɓenukwoyi yin. To gba aza ta n ɓa da ɓeda nukwoi tu n fye tukwon. Ama zhin aduwa Shekwoyi wa bmaɓa zhin, ntuge kwo bmiya ya zhin aza alheri, Shekwoyi ɓa tuyi anabarka ntu ce.

Bitrus I 4:1

Shikonyi Kristi ɓei ku wahala sin wa dna n na zhin gye, fye ku wo bugba pya fi, fya ku zhi n shiriyi fya sin wahala ce. Ntuge fye pa ge, esa n nayi kwa sin wahala laifi kala kwa gba.

Bitrus I 4:13

Ama ada fye dada nu ntuge awahalaye ɓa ze fye gmanyi n Kristi yi dna n wo wahala, n na vun fye ɓei bwa agmada yakwo dna nwo latu n kwo ɓelo nyi.

Yohanna I 2:6

Oza n wo ci ge wo zhin Yesu-viyi nu, wo zan-zan shi Kristi ɓei zan.

Yohanna I 3:16

Yi kpelo ge ye-ye hin-hin kun n Kristi aba nu, ngye shi wa fi ntu nyi ɓo nyi, ntu cenu kwo kunce lo ya gayi awye-wyeyi ntu n yi a Yesu-viyi aje ɓo.

YOHANNA ƁEWYEGYE 12:11

Ɓa gyi nasara n wo tukwo n kugya ami yi nu, n ɓa seidayi gama ɓato ye ɓa wye-wyeyi m, ɓa gakwo ntu wo ɓo.