Bitrus I 2:2 - Alkawali Woiwoyi

^2-3 Nsaiye shi fye kpelo shi Dagayi ye fye nsunyi, fye ku ɓenukwoyi ya vinya, kwocedna, eshe, n na katai. Fye zhin atna fya mwa fi n fye gnigni, fyei zan madara zafun nya shi n bwi-ci yi, she oɓi zhin wa cibwi woi zan ɓeɓe shin nyi.

Bitrus I 2:2 ပူးပေါင်းရင်းမြစ်များ

Matta 18:3

Wa gna, “Sai fya ye abui n Shekwoyi aba, fya fwa alaifi, fya ze ngye aɓi, n to lo nu n, fye ta lo Shekwoyi ʼbe mi m.

Matta 19:14

Yesu wa gna, “Fye fa aɓi naiye ɓa ɓe Ma ba, fye to nya ɓa ya m. Adeye pya, ɓa zhin Shekwoyi be-mi nya nu.”

Markus 10:15

Ɓehin-hin nu n Mi gna fye, eza nwo to ɓe Shekwoyi aba ngye ɓi m, ata ye ge wo lo Wo bemin.”

Aromayi 6:4

Aɓei la of ye nayi laifi nya bi dna n baptisma sanu n woi ɓei fi, sanu Dada Shekwoyi n wo iko dnagmayi, ɓei jeze ɓe n Yesu yi n wye-wyeyi n efi, aɓei la owo wye-wyeyi woi-woyi ga yi ya dagma.

Akorintiyi I 14:20

Omazaje, fye to ku wu ngye aɓi dna fye aɓenubozhinm, fye ku ze aɓi dna ɓenukwoi zhin mi, ama fye ku ze azayakwo dna nfya ɓe nubozhin mi.

Afisusuyi 2:21

Eyi n ya ga gaiciya nyi akuyi ɓedo peceiye n Kristi yi, n gye nyakun manayi n kwo mwa cici ntu Shekwoyi ɓo.

Afisusuyi 4:15

Nkwo apita yivi gaiciya dna n ye-ye nsai vinya, yida gaiciya, yi zhin aɓo dna n gaiciya, yi sase dna n gaiciya, n na bai ya ze ngye Kristi n wo zhin owo nayi tukwo danyi, wato Ikklisiya, Dna n wo ɓewu nayi vinya nku aje dei-dei, oga dohodohoi n kwo zokwoyi, kwoi bma do zhin, n na bai n nayi vinya ɓa bwa lafiya, kwa mwa n nu-nuyi n yeyi.

Atasalunikayi II 1:3

Omi azaje, Shekwoyi godiya zhin ntu fye ɓo kwo to zhin ɓe mana nu kawain, eyi tnu-tnu nu n Shekwoyi aba, ntu fye gaiciya ga mwa-mwa yi ɓo, ntu ofye ye-ye ɓo n kwo mwalo n na aje aba nyi.

Bitrus I 1:23

Ntuge fye n wye-wyeyi woi-woyi lo, fye to ɓei bwakwo n fya zakwoyi nun, ntuge wye-wyeyi n ɓa ɓei ga fye nyi kwo ɓa zo, woi-woyi deye ta shan zon, ntuge kwo gmi n Kristi nu - Shekwoyi Ɓeda wye-wyeyi n na za aba.

Bitrus II 3:18

Ama fye mwa fi n alheri, n yekpe yi eyi Dagayi n Gniyi yi Yesu Kristi nya. Mwamwa vinya n latu yakwo yi, ɓa kunsun woi nyalo-nyalo. Amin. Sai wyihoi.