Bitrus I 2:12 - Alkawali Woiwoyi

¹² Fye zhin peceiye shi fye sase n fya knuzhiyi n ɓa zhin atnaviyi nyi, ntuge ɓa gye fye ngye aɓo nukwoyi zhin yi, shi ɓa gye fye ɓemana ɓa ɓei ci Shekwoyi ntu fya tnu-tnu manayi ɓo esa n Kristi ɓa jezeɓe cei.

Bitrus I 2:12 ပူးပေါင်းရင်းမြစ်များ

Matta 10:25

Makaranta ɓi zhin wa ɓe wa sun ngye wo malami, fyenu lo nu ngye wo pida. Ntu cenu, shi ɓa ku mi yi ge ‘Shetan’, n mi zhin fye Dagayi nyi, balle efye!

Matta 5:11

“Esa nu akpe fye aye nukwoyi, ai ga fye wahala, ai ce akata fi fye ntu ge fye zhin ma viyi nu-kwo bmiya lo.

Matta 9:8

Odna wo azayezhi, shi aɓeye ɓo zhin ai gye ɓa la Shekwoyi tu she wa ga aza iko lo nu.

Luka 1:68

“Fye ga Dagayi, Shekwoyi Israila nya mwa-mwa, Gama wola ɓe ntu ge wa gye ewo aza, woi la gni-gni gaɓa njesun.

Luka 19:44

Ɓa ɓei vi fyeya du nfya ɓi ɓe, nɓa fi nfye mi nyi. Ofya nuwuyi to ɓei fa kuta gmanyi ganuwa nya kwa cetu n do m. Gama fye to ɓei zhin ampani n gni-gni n Shekwoyi ɓei gafye nyi m.”

Luka 6:22

Fye dagma of ye n naza ta yefye yi m, ɓai kpe fya gye ɓai da aɓo nukwoyi doho-dohoyi ntuge fye vi mi.

Yohanna 13:31

Esa nu Yahuda ɓo zo gmiya, Yesu wa gna ge, “Esa la si a la Oza Nugun tu, aga Shekwoyi mwa-mwa njesun.

Atnu-tnuyi Aɓozhin 15:14

Bitrus ku gna fye esa n Shekwoyi ɓo ya abyedo kni, ntu ge wa kni aza ɓa la owo ye tu.

Atnu-tnuyi Aɓozhin 24:13

Aza deye ta mi ɓa ga seda, ntu anya ɓo n ɓa da ge ma zhin nyi m.

Atnu-tnuyi Aɓozhin 25:7

Shi Bulus ɓei lo dna n kotu a Yahudiyi nɓa ɓei kun n Urushelima nyi, ɓa ku yezhi, ɓai da owo alaifi ɓo n tna asaida.

Atnu-tnuyi Aɓozhin 28:22

Ama yi ce pma ya wo enya ho gaiciya yi ga, enya dei n yi kpe lo, okwo nu ge abaho-bahoi vinya, aza ta ye a Yesu viyi lo m.”

Aromayi 12:17

To gba ɓenukwoyi ta n ɓenukwoyin. Zhin ɓeho-ɓehoyi cewo, aza kpe ge hoto zhin zakata nun.

Aromayi 14:18

Nfya fa Kristi wa zhin Dagayi dna n na ɓeye vinya, aɓa da Shekwoyi. N na azaje yi.

Aromayi 15:9

Njesun fye pa ge waɓe n na bai abyedo ɓa bwa gnigni, ɓa ga Shekwoyi mwa-mwa ntu wo sun-sun gye ɓo. Nyanu n Zabura kayi wa da, sanu n wo ɓei ka n cei ge, “Mba ciho dna n abyedo, ma la oho ye tu.”

Akorintiyi I 14:25

Owa ɓenubozhin ɓa kun zhi n bmi, har wo ɓa ce ako-ko wa ga Shekwoyi mwa-mwa woi cige, “Ɓehin-hin, Shekwoyi dnalo ya n fye atasin.”

Akorintiyi II 1:12

Eyi bugba bui-bui nyi, har eyi ɓemwi-i wu yi ge, eyi zan-zan dna nna anyi ye, tun ba ga eyi aɓozhinzhin nfyei, ɓa ku ze n Gyi-gyi-yi, n gaiciya yi, n Shekwoyi aba. Ya zhin lo nu, to ge dna n anyi ɓeyekpe nu m, ama alheri Shekwoyi nya nu.

Akorintiyi II 13:7

Mi zhin aduwa nge fya se ase manayi, to ge ya bwa enya n yi ɓa gma n cei n, koi wu nge enya n yi wunyi ko zhin gaiciya nu. Awo, gama yi n cei pmalo fya zhin ɓemana kwo ai ci yi wyegba.

Akorintiyi II 8:21

Shekwoyi kpelo shi gaiciya sun. Mi n cei pmalo aza vinya ɓa kpece, cenu a zhin yi zhin shiri deye.

Afisusuyi 2:3

Yi ɓei wu lo nu n sapai, eyi ase-se yi wu enya n kwo dna n yi mi, yi zhin aɓo nukwoyi doho-hohoyi shi eyi a shakpe, kwo eyi a nubo zhin nukwoyi gnayi. Yi ɓei ya n tna bmiya yi shi a ɓei mayi n nayi nukwoyi, nfi n Shekwoyi minagyi sinta ngye zaho-zahoi.

Afisusuyi 4:22

To, fyeku a nayi kwo-kwoi ya, n kwo ɓei zhin aɓe a nukwoyi nyi, n kwo la bo vinya n nu-nuyi n shakpei.

Afilibiyi 1:27

Ama kwo kni ɓe nu yi bwa miʼa, fye pa, fya zan-zan ngye a Yesu viyi n na bai kwo to mi-i shan fye gye n shasun, mi ɓa wo nabari manayi nge fye mi zhin lo n bugbai gmanyi, fyei da Nabari manayi.

Afilibiyi 4:8

Nsaiye emi azaje, shi mi zo wasika ye nyi, wuye ma gna fye ɓeye n kma-sun. Fye la wye dna n gaiciya, ni ɓoyi n kwo bmiya. Fye zhin aɓo nubo n ɓa gyi-gyi-yi n bmiya, anya n ɓa gyi-gyi-yi n fi n na azaje, fye zhin nubo n nyai n fye ɓa ci Shekwoyi, fyei dagma.

Atasalunikayi I 4:12

Nnabai aza nɓata vi Yesun ɓa ga fye gaiciya ɓa ga fye mwa-mwa, n fye ta zhin akma fya kpema aza ntu fye bukata ɓom.

Timatawus I 2:2

Zhin aduwa ntu asu ɓo, na za yi n ɓa zhin a iko da vinya tu n yi eshe, kwo n ɓa n na tnu-tnu yakwoi shi, n na abai n yi ɓa sase n lafiyai, n bugba-fuyi, ya se ase manayi yi zhin nubo n Dagayi ɓo.

Timatawus I 4:12

To ye zaho wa ci ho wyegba ntu ge hoye zhin ɓinuyin. La ze ɓa ɓemwi-tu nya. Fa ɓa vi ho nya wu n ho ase-sei, la ze ɓa efye dna n yeye, nho gaiciya gayi, nho aɓonubazhin manayi.

Timatawus I 5:10

Azai dawo ɓeda manayi ntu n wo atnu-tnu manayi ɓo n wo ku zhin, woku owo aɓi shi n bmiya? Woku ɓemana zhin a zhiɓei n na a Yesu viyi ajeyi? Wo ku bma a nyasan yi zhin n na bugba wunyi? Wo n cei pma n sai vinya wa zhin ɓemana?

Aibraniyi 13:18

Fye zhin aduwa ntu yi ɓo, yi ye ya zhin tnu-tnu ɓehinhin nya nu n ɓefyece yi.

Aibraniyi 13:5

Fye to ku ze agyiwye ye yi m. Zhin godiya n nya yi n ho cei lo. Shekwoyi ɓei gna ge wo ta ya yi m. Mi kun-sun lo n fyei nyalo-nyalo. Nɓa ga fye nyagyi cici.

Yakubu 3:13

Ngye hoce-ceyi lo, zan-zan cewo n bmiya ntuge ɓe manayi zhin, n hohin tukwo-gbayi nu ɓa zhin akpe ge ho ce-cei lo.

Bitrus I 2:15

Shekwoyi nufi nu efya sese manayi ɓa kun aza gbe n ɓa ci Nabari Manayi aɓenya to ɓai kpe oɓoye n kwo ɓa mi kwa zhin ɓa nyim, ntuge ɓa to shin kwo iko towom.

Bitrus I 3:16

Fye zhin oɓo kwo bmiya, n naza daɓo tu fye tukwo, ɓai yi fye n naye nukwoi yi she fye vi Yesu, vinyikwo a woɓa ntu ɓa ɓeda nukwoi ɓo.

Bitrus I 4:11

Ala ho yi ha zhin waʼazi? To zhin waʼazi ngye Shekwoyi nu daɓo nho ʼgbe yi. Ayiho ha bma aza zhin nu? Zhin kwo n kalayi vinya n Shekwoyi wa gaho, n nabai a la Shekwoyi tu dna n Yesu Kristi, mwa-mwa n ikoyi owo nya nu har nyalonyalo. Amin.

Bitrus II 3:11

Tunda anya vinya n shegunyi laɓa ɓa ɓei wuya, ashe ko to bmiya lo ya se ase gyi-gyi yin?