Bitrus I 2:11 - Alkawali Woiwoyi

¹¹ Oma zaje, fye zhin azhiɓeyi nu ya. Shikwonyi ofya yi hin-hin lo n ʼshe mi nu, mi gyi fye wye fya bui anyi dada nukwoyi ye nya si, ɓa to zhin ofye nun, ntuge ɓa sunkun n ʼfya wye-wyeyi.

Bitrus I 2:11 ပူးပေါင်းရင်းမြစ်များ

Luka 21:34

“Fye zhin peceiye, Fye to fa agmada n jesin yi har ɓedo n damuwa anyi nya ɓa ku fye gnagna m, kada nyipye yi ɓei ɓe to fyei dna ce m.

Atnu-tnuyi Aɓozhin 15:20

Amma yi ɓa kage ɓa to gyi a shan abum, ɓa fa anagbai zhin, to ɓa gyi nya a to zun sha m.

Atnu-tnuyi Aɓozhin 15:29

Amma fye ɓa fa a shan nya gyi ɓo, n na nya yi n na to zun shan, to fya zhin anagbayi m. N fya zhin lonu ko la kun sai wyihoi.

Aromayi 12:1

Ntu cenu mi gyi fye wye fya gafye anayi n Shekwoyi akun, ɓa ze hadaya wye-wyei gyi-gyi-yi nya, odo pya n wo ɓa gwo. Nfya pa oɓo ɓo n wa zhin fye, deye duwyi lo wa nya fye?

Aromayi 7:23

Ama nyalo n dna n mi mi, n mi oza kninya kwoi sun kun lo nmi-i, kwoi gyi nasara n mi-i, kwoi zemi laifi bara n kwo ye dnalo n mi. Nmi mi, mi cei pma ma ze bara Shekwoyi ɓeye zhin yi. Ama ma gye mi ye zhin laifi bauta.

Aromayi 8:13

Ntuge n fya vi kwo fye ku bwi, aɓa ta fye, ama dna n Zafun Gyi-gyi-yi iko fya ɓakwoya n kwa ɓenukwoi zhin yi fye ɓa pwo.

Akorintiyi II 5:20

To, yi zhi nyi, yi zhin Kristi atnu-tnuyi nu. Wato kwo wu lo ngye Shekwoyi nu gyi fye wye, ntu Yesu ɓo, yi gyi fye wye fye fa Shekwoyi wa shan fye do, fya ku ze owo anugundo

Akorintiyi II 6:1

Ngye atnu-tnu kun zhin yi n She kwoyi yi gyi fye wye nu, alheri Shekwoyi nya nfye la gwo nyi fye to fa kwa ze banzan.

Akorintiyi II 7:1

Ntu n na alkawali dnagmayi ɓo n na a cei gayi nyi, omi a nugundo ye-ye-yi, yi la awye pmi ya n ɓonukwoyi doho-doho yi, Ko dna n zafun, ya ze yihin a gyi-gyi-yi, ya zan-zan n Shekwoyi dnawoyi, yi ga yihin tukwo n wo akun.

Agalatiyayi 5:24

Aza nɓa zhin Kristi nya ɓa ku nayi zundu n kwa shakpei vinyan kpe nwo zundu.

Afisusuyi 2:19

Nsaiye fye to zhin a zhiɓei nu n Shekwoyi aban, kwo a zhiɓei n; eshen, ama fye zhin Shekwoyi apuwa da nu, Shekwoyi-kni aɓi, fye zhin Shekwoyi puwa azanu, n gnisun n a Yesu viyi ajei.

Afisusuyi 4:1

Mi gyi fye wye, emi nmi dna n kurkuku ntu Dagayi bauta ɓo nyi, fye zan-zan fya zhin aɓo n kunce n na zayi n na la ɓa kni, ntu n anabarka wo-wo yi ye pya ɓo.

Timatawus II 2:22

Bui enya si nkwo ɓa ɓe ho n na nubo zhin nukwoyi, n kwo ɓe samari aba, ama la nyima enya vinya n kwo zhin ho ha wo ɓemana zhin pwa. Bwa gaiciya ga n ye-yei, ha gyi nugundo n na azayi n ɓa ye Dagayi, n na bugba manayi.

Aibraniyi 11:13

Aza ye vinya ɓaku kpe ma Shekwoyi. Nya wo ɓei zhin ɓa alkawali, ɓa ɓo la kwo ga gaiciya. Amma ɓa to ɓo gwo anya vinya n Shekwoyi ɓei zhin ɓa alkawali m. Ɓa ɓei la ye ɓa gwo alkawali, amma ɓa ku ɓa nya fi. Amma ɓa ɓei nagmadayi ntu ge ɓa ɓo kpe ge anyi ye to zhin ɓa nya num. Eyi puwa lo n ʼshemi nu.

Aibraniyi 6:9

Aza to lo n wu ngye ekni nukwoyi ye m? Alo, ama emi azaje fye to wu lo ngye ɓa m. Fye na tnu-tnu manayi lo. Njesun Shekwoyi zhin wa tu fye anabarka.

Yakubu 4:1

A Kni donu ɓe fye n na anyawuyi n guyia? Aɓo pwawo n na shakpe nukwoyi nu n ɓa fi fyemi ɓai sunkun n fyei nyi?

Bitrus I 1:1

Wasika yi gmi n Bitrus akun, Yesu Kristi tnu-tnuyi, Kwoi lo a Yahudiyi a Yesu viyi aba n na nya ɓa ya n Urushelima, ɓai gnami fi laɓa n Buntus, Galatiya, Kapadokiya, Asiya, n Bitniya yi nyi.

Bitrus I 1:17

Fye pa ge, ofye Dada nfye zhin aduwa ga wo dna n ʼshe nyi, wo ta kni za kni-kni, esa n wa da owa cei n. Wo ɓei daho wa cewo n tna gyifi tu n nyaho-nyahoi tukwo n ha zhin, ntucenu zhin ɓeho-ɓehoi n wo dna woi ɓe kafin ho si eshe.

Bitrus I 4:12

Oma nugundo, ceto wofye fye ya sin wahala napyei n na bye deyen, ntuge oɓo woyi honu toye kwa bwa fyen.

Bitrus I 4:2

Fye ta shan asese fyei vi aɓepwawo nayi nyam, ama aɓa wo fye pwa ngye fye zhin Shekwoyi ɓeye nu.

Bitrus II 3:1

Omi wasika bayi nyi nfyaba, oma zaje, n ɓa gun aba mi, mi zhin atna ma cefye ɓe pa n fya yemi, nna nyaɓo n fye shin ye kpelo, aɓo n fye ɓei tumwi n na anabi agyi-gyi-yi aba n ʼyi ɓedo atnutnu-yi, n ʼyi ɓei ɓe fye n ɓeda eyi Dagayi, n Gniyi nyai nyi.