Bitrus I 1:7 - Alkawali Woiwoyi

⁷ A wahala ye ɓe da fye ntuge, a mwi fye gaiciya ga gye nu, agye kwo kwo n kalayi lo, n gyi-gyi-yi, a mwi kwo gye shi ena zhin kwo mwi zinariya gye nyi kwa zhan kwo ya, ofye gaiciya ga du zinariya lo n latu n Shekwoyi aba, ntu cenu n fye gaiciya ga migni n kalayi n kwo mutu, avun, dna n wahala abednai, kwo ɓa ɓe fye n ci-ci yi, n mwa-mwayi, n latuyi ewyi n Yesu Kristi ɓei jezeɓe nyi.

Bitrus I 1:7 ပူးပေါင်းရင်းမြစ်များ

Matta 19:28

Yesu wa gna, “Gaiciya, esa Mi, Eza Nugun, ɓei sase tu Mi shinkpegye latu nya n Shekwoyi Bemi, fyehin, Oma bara ɓei sase kpe na shin-kpegye awo cei-aba fyei da Israilayi abye awo-cei-aba owa.

Matta 25:21

“Ewo puwa da wa ci wo ntu tnu-tnu manayi ɓo. Wa gna wo ge, Ho ku gaiciya zhin tu na gyi wye ɓi-ɓiye, ntu ce nu nɓa tnu-tnu ɓe ho. Dagma ngnisun nho puwa dai.

Matta 25:23

“Ewo puwa da wa gna wo ge a bmiya lo. Ho zhin bara manayi nu n gaiciya da yi. Ho ku gaiciya zhin dna agyiwye ɓi-ɓiye nɓa ɓe ho.

Luka 12:33

Fye kun anya vinya n fyei ce lo, fya ku ga aza nɓa to cei lo m, Deye ɓa gafye arziki n She mi. Gama nya ta wunya ɓom, ai ta wyi vi ɓo m, a gwowyi kwa ta gyi anya ɓo m.

Luka 17:30

Eh, aza ɓei laɓa lonu nu, har esa mi ɓa jezeɓe n cei nyi.

Yohanna 12:26

“Oza nu nwo ye wa ze mi ʼbaratile wa vi mi n saho-sahoi. Oza nu nwo ɓa ze mi bara, Dada ɓa ga wo mwa-mwa.

Yohanna 5:44

Fye ta mi fya ga gaiciyam ntuge fye zan latu shin n aje aba, to fyei gye fye anuwan n latu yi nkwo gmi n Shekwoyi abam.

Atnu-tnuyi Aɓozhin 8:20

Bitrus wa gna wo ge, “Oho n ho agyiwyei fye ku zhangma. Ho gye ge ho ɓa mi ha si Shekwoyi kyauta ko?

Aromayi 2:29

Aʼa, Oza n wo bugba wulo cewo n Shekwoyi aba, wonu zhin Yahudiyi hin-hin. Ntuge Shewoyi ta dna aza wye nu n ɓa sa ɓa nayi yan n Kaciya zokwon, ama wo dna ozanu wye n wo bugba manayi. Oza n wo bugba do shanye kpe n wo wye-wyei mi wo ɓa bwa latu n Shekwoyi abanu, to ge n fye abam.

Aromayi 2:7

Wo ɓei ga aza n ɓa zhin Shekwoyi ɓeye n hakuri yi, Wye-wyei nyalo-nyalo nya, ɓai zan mwa-mwa n latu yi shin n wyewye yi nyalo-nyalo nyai nwo ganyi.

Aromayi 8:19

Ntuge Shekwoyi anya zhin-zhin vinya zhi ɓai pmi nu, n hakuriyi, n awyetu yi nyipyei n Shekwoyi ɓei ku owo aɓi kala n fi.

Akorintiyi I 3:13

Zaho-zahoi tnu-tnu dai aɓei pmi ko gye nʼna nu. Wada wyi nu n Kristi ɓei pmi ko gye n wohin tukwo yi. Ena nu ɓei wu ko tnu-tnu yi bmiya lo, ko koto bmiya lo m.

Akorintiyi I 4:5

Ntu cenu fye to zun-ɓo ya wolo wolo, to Dagayi yi zhim, tu n zahozahoi tukwo ko wo zhin bara manayi nu ko nukwoyi m. Shi Dagayi ɓei ɓe, wo ɓei kpe buzangna ya a gye shi zaho-zahoi wu lo har bugba mi. Zaho-zahoi ɓei kpe sayi nya ko zhin yi zhin Dagayi tnu-tnu. Dna sayi nu n Shekwoyi ɓei ga zahozahoi wo cici n ko zhin wo nya.

Yakubu 1:12

Bugba bui-da nu oza n wo wan wohin shi, to wa kaya dna n jaraban, gama n na avun wo ɓa bwa rawani wye-wyeyi nyalo-nyalo nya, n Dagayi a zhin aza alkawali nɓa ye wo nyi.

Bitrus I 1:13

Ntucenu fye ku fyehin wan shi, fya pmi n na wye tuyi tu n Shekwoyi alheri nkwo ɓe fya ba lo, esa n Yesu Kristi ɓa jezeɓe cei nyi.

Bitrus I 1:5

Shekwoyi, dna n wo iko yakwo, wo ɓa shi fye bwa fya si ɓo n lafiyai n nabai fya bwa fya si ɓo n lafiyai n nabai fya bwa kwo, ntuge fye kpema wo lo. Kwo ɓei ze ofye nya dna n nyipyei kmaknayi n kwo ɓelo nyi zaho-zahoi wo gye.

Bitrus I 2:4

Fye ɓe Kristi aba, owo nu zhin Nyakun shishiyi Apma nya n Shekwoyi mi nya tu nyi. Koda shike aza la wo ciwyegba wo na pmailo n latui njesun n Shekwoyi aba n wa kni wo tu naza she nyi.

Bitrus I 2:7

E, wo n latu yi lo n fya ba n fye ku gaiciya ga nyi, n na zaba n ɓa la wa ɓo na nyi, To, “Kuta ho n na a nyakunmiyi la kwa ɓo nanyi, kwo la ze kuta nyakun-bwakonu nya nkwo du n mwa-mwa n na pmai dna nyakun mi nyi.”

Bitrus I 4:12

Oma nugundo, ceto wofye fye ya sin wahala napyei n na bye deyen, ntuge oɓo woyi honu toye kwa bwa fyen.

Bitrus I 4:13

Ama ada fye dada nu ntuge awahalaye ɓa ze fye gmanyi n Kristi yi dna n wo wahala, n na vun fye ɓei bwa agmada yakwo dna nwo latu n kwo ɓelo nyi.

Bitrus I 5:1

Nsaiye ofye a eklisiya tukwoda, omi n mihin mi zhin tukwoda nu, n ma wyei mʼɓei ku gye Kristi woi fi tu n zundu, n mihin mʼɓei bwa wo mwa-mwa, n wo latu yi esa n wa jeze ɓe cei, Oma tukwodaje, emi wyegyi nfya ba ge:

Bitrus II 1:1

Wasika nkwo gmi n Siman Bitrus aba, Yesu Kristi fyenu n tnu-tnuyi. Kwoi lo aza ba vinya n ɓa ku gaiciya ga latu nya bwa eyi-nya pya nyi, dna n ɓefyece eyi Shekwoyi, n eyi Gniyi Yesu Kristi nya yi.

Bitrus II 1:4

Dna wo iko yakwo, woku anyabwaje gayi n anabarka manai yi nwa zhin yi alkawali nyi. Wato woku alkawali zhin ge woɓa gniyiya n shakpe, n cegyeyi nkwo sheyigun ɓa nyi, wa pmi wa gayi owo ɓefyece.

Bitrus II 3:14

Oma nugundo ye-yeyi, sa fye zhilo fyei pmi nyipyei ye, Owo ɓeɓe nya, fye zhin kukari fya sase ntna ɓenukwoi zhin yi, fya sase n gyi-gyi-yi, n bugba fuyi n wa bye.

Yahuda 1:24

Nsaiye, mwa-mwa vinya n wo aba n wo zhin Shekwoyi gmanyi nyi, n wa gni yi ntu Yesu Kristi ɓonyi, e, mwa-mwa n kalayi vinya, iko vinya n ebe yi owo nya nu tunyi n kmisunyi, ɓa zhin owo nya nu tunyi n kmisunyi, ɓa zhin owo nya nu ɓai ɓo zhin owo nya nyalo-nyalo. Wo n ikoyi lo wa shifye bwa to fya taya fya miya, waɓe n fye yi ntna laifi n gyi-gyi-yi, n wo abye, mwa-mwa n kasun ci agmada nya yi, nyalo-nyalo. Amin.

YOHANNA ƁEWYEGYE 1:7

Gyewye, wo zhilo, n na anyi yi shewo gun, awye vinya ɓa gyewo, e, aza nɓa ɓei fin wo eshanyi, Akni vinya ɓei cibwi ɓai wun bugba esa nwa ɓe ncei. E, Amin, ko ze nlonu.

YOHANNA ƁEWYEGYE 2:10

To zhin wahala dnawo n ho ye ha sin nyin, gama esa fyewyi shetan ɓa she a zaho yafi n kurkuku wa mwi fye gye. Aɓa ga fye wahala anyi-pyei ngun awo. La mi gni, ha nu egbe kwo efiyi nu, mihin ce mi ɓa gaho rawani wye-wyeyi nya. Abye, mwa-mwa tna zo yi.

YOHANNA ƁEWYEGYE 3:10

“Ntuge hoku ɓo vi n hakuriyi ko da yace ho sin wahala lo ntucenu mi ɓa guho n wahala yakwo esa n jarabai nkwo ɓaɓe n na anyi tukwo a mwi zaho-zahoi gye n wo n wyewyeyi.

YOHANNA ƁEWYEGYE 3:18

“Omi shaula nho aba okwonu ha si zinariya hin-hin n mi, n na alakwo pmiaya n ena yi, nsayi nu nho ɓa ze nyabwayi, hi-hin, Hasi n mi, a je abui n gyi-gyi-yi, n nabai n hota gni n bwotolo yin, n vinyikwo yin, ha bwa shigbe n mi kwa kaho awyesan gna, kwa jeze ɓeho n wyeba gyei.