Bitrus I 1:6 - Alkawali Woiwoyi

⁶ Ntu cenu a da fye n mwa, a gmada yakwo lo n fya bye, kwoda shike ezan dna ɓo lo n saiye kpa ntu mu-mugye ɓo nɓa ɓe fya ba nyi.

Bitrus I 1:6 ပူးပေါင်းရင်းမြစ်များ

Matta 11:28

Fye ɓe maba miɓa ga fye sun-sun, efye nu n fye naya shan-woi kpe.

Matta 26:37

Wa la Bitrus n Zabedi anugun yi ngun aba, Yakubu n Yohanna yi, ɓa gni lo woi, wa ya bugba wun owo wye-wyeyi kwa wun-ya n mwa.

Matta 5:12

Fye zhin bugba bui-bui! A da fye, ntu ge lada dnagmayi shi lo kwoi pmi fye n ʼshe. Fye pa ge anabi kwo-kwoyi ɓo ku wahala sin lo nu ce.

Luka 1:47

Mi dagma lo dna n Shekwoyi n wo gni mi nyi.

Luka 10:20

Alijenu nɓa vi fye aɓeda nyi kwo to zhin nyaho nu m, ama oɓo kpakalayi okwo nu nyi ge aku efye aye ka fi nshe.

Luka 2:10

Amma malaika ciɓa ge, “Fye to wo edna m, gama ma ɓe fye n nabari manayi nu, n ato shin ko wo m. Ko zhin zaho-zahoi nya nu.

Yohanna 16:22

Bugba wun fye lo nsayi ye. Ama esa nmi ɓa jeze ɓe nyi, fye ɓo nya agmada, zaho to lo nwo ɓo gwo fye agmadahim.

Yohanna 16:33

Ma gna fye deye, ntu ge fya bwa bugbafu nu. Fye ɓa bwa wahala dna nanyi ye. Ama agu-tu-fye ngye apma, Miku nasara zhin n nanyi yi.”

Atnu-tnuyi Aɓozhin 14:22

Ɓai bma a Yesu viyi zhin n Yesu ɓedayi, ɓa gna ɓa ge ɓa to fa Yesu m. Kwo wahalai nu ɓe, ntuge zokwo nu bwa sun nu n ko ɓa lo n yi n she.

Aromayi 12:12

Dagma n tu nyaɓo n Shekwoyi z hin gaho, zhin hakuri n wahalai, ha zhin aduwa ci-ci.

Aromayi 5:11

Nsayi ye, yi dagma ntu jedoɓe woi-woi ɓo n Shekwoyi, ntu nya ɓo n yi Dagayi Yesu Kristi wa zhin gayi, nwa fi ntu yi alaifi ɓo nyi, woi zeyi Shekwoyi a nugundo.

Aromayi 5:2

Ntuge, ntu n yi gaiciya ga ɓo nu n wa ɓe n yi n aba n yi gni-agni zhin n saiye nyi. Yi n bugba kalayi n agmadayi, yi shiwye ya ze enya n Shekwoyi n ceyi dna n bugba ntu yi ɓo ya ze.

Akorintiyi II 4:17

Wahala ɓiyi ye n yi sin kwo nyi kwa, kwo ta mwasa m. Amma kwo ɓaɓe yi mwa-mwa dnagmayi nyalo-nyalo nya, n du eyi wahala ye.

Akorintiyi II 6:10

Yi bugba wun yi lo, ama yi n agmada yi lo ci-ci, yi wu lo n gye yi to n nyaho yim, ama yi ga azaje arziki lo, ko yi to arzikim, yi n nyaho-nyahoi lo vinya.

Agalatiyayi 5:22

Ama, n Zafun Gyi-gyi-yi nu gyi be tu n yi tukwo wo ɓa ɓe n na aɓeye pyai n yi mi. Yeye, bugba-buyi, bugba fu, hakuri azaye n cei ɓemana zhin.

Afilibiyi 2:26

Nsaiye mi tnu woi lo n na api n jesun, ntu ge api awye n lawo kwo, woi la damu shi fye ɓei ku wo ge nyasan ɓei ku san wo.

Afilibiyi 3:3

Gama eyi nayi zunya nu ta ze yi Shekwoyi aɓin, mwa-mwa ga nu n yi Zafun yi, kaciya hin-hin nu, eyi a Yesu viyi, yi dagma fi n nya n Kristi Yesu ku zhin gayi, yi kpe ge yita mi n yihin bma-zhin ya gni yihin tukwon.

Afilibiyi 4:4

Fye nu-nu agmadai cici n Dagayi, ma jeci ge, fye dagma.

Atasalunikayi I 1:6

Ntu ce nu fye ku ze eyi aviyi n Shekwoyi anya yi, ntu ge fye ɓei la eyi ɓeda gwo n bugba buibuyi n Zafun Gyi-gyi-yi aba, to fyei gye efye anuwan n wahala yi nbugbawun yi n kwo ɓei ɓe fye n ce yin.

Yakubu 1:2

Omi azaje ye-yeyi, fye sin wahala lo, fyei gye azhin? Fye dagma.

Yakubu 1:9

Yesu-viyi nwo to zhin nyaho nu dna n na nyin, a dawo, gama wo zhin nyaho nu n Dagayi abye.

Yakubu 4:9

Fye ci bwi ntu na ɓonukwoyi ɓo n fye ku zhin, Fye wun bugba, fya wunwye, fye wun bugba to fya masan, maimakon a gmada, fye zhin bugba zhi-zhiyi.

Bitrus I 3:17

Pa, n Shekwoyi cei pma fya sin wahala, kwo gna bmiya oza sin wahala ntu ɓemanai zhin ɓo, afa wahala sin ntu ɓenukwoi zhin ɓo.

Bitrus I 4:7

Anyi zo ɓelo esa fyewyi, ntucenu fye lace, fya zhin aduwa nubo cici.

Bitrus I 5:10

Esa n fya ku wahala sin esa fyewyi, eyi Shekwoyi, n wo nu-nuyi n sun-sun gyei dna n Kristi nyi, wo ɓa ga fye mwa-mwa nyalo-nyalo nya. Owo n wohin tukwo wo ɓaɓe wo ku fye, wa mi fye zhi, wa ze fye akala-da ndu sapa.